© 2008, Wycliffe Bible Translators, Inc. All rights reserved.
℗ 2015 Hosanna

Diosa' kiika; Génesis, Éxodo y El Nuevo Testamento

<div class="version vid535 iso6393cbi" data-vid="535" data-iso6393="cbi">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Jes&#250;snu ya' naatalalakeranguityula.</div><div class="p"> 1Entsaa i' depuitu Jes&#250;s Galilea tutalan neitu, Judea tushaa nenu kityu jujuumi, jungaa jud&#237;o bale rukula yanu tu'nu mi'kes nendetsu&#241;u' mitya. 2Tsejtu tsaita nentsuren jud&#237;o chachillachi yapaya ke' fandangu kiikenu tinbu yumaa jantsu&#241;u' mitya, 3ya' naatalala yanu entsandila: Vee mujtaa lu' ji', &#241;u tyeenguiikemu ju'ba tsangue keewares nede; Judeashaa jide, tsenmalaa &#241;u' bendaa nemula bain &#241;u tyeenguentsu&#241;uba katanudetsu. 4Matyu muchiba uwain daj rukuve tikutinu tyashu juntsaa, naa ti bain ne pantsu juundene kityuwa deeve. Tsa' mitya &#241;u tsa tsanguemuya muba dekeenaa tsangue' keewaawaakide, tila.</div><div class="p"> 5Tsaaren ya' naatalala tsandilaya, yai bain yanu keranguityu de' mityaa, tsandila. 6Tsen&#241;u Jes&#250;s entsandimi yalanu: Fandangu jinu ju'ba &#241;uichiya naaju malunu ki&#241;uba tsaren juu&#241;u bain, inchiya tsanguenu malu kayu jaindyuve. 7&#209;ullaya ujcha lan chumu chachillachi tyutyakayan dejutyuve, tyutyamiya inaa tyutyamu deeve, yala' kiikentsumunu tsanguetaa ura' kindetyaa ti', iya ma entsangue de-aseetanguikare' keewaawaa kentsu&#241;u' mitya. 8&#209;ullaa fandangu jidei, iya jin jutyuyu; chaiba kayu inchiya tsanguenu ura jaindyuve, timi.</div><div class="p"> 9Jes&#250;s entsanditu Galileabi shuwaimi.</div><div class="s">Jes&#250;s bain fandangu jimi.</div><div class="p"> 10Tsejturen ya' naatalala umaa deji&#241;u, Jes&#250;s bain bene maali fandangu kinsha ji' pantsuu puna&#241;unami. 11Tsen&#241;u juntsa fandangu kenu malutala yanu jud&#237;o bale rukula mi'kes nenchin juutu entsa entsandila: &#191;Juntsa ruku nukaa pu&#241;anga? tiitila.</div><div class="p"> 12Tsenmin naaju chachilla bain junu pumulaa yanu laapu' kuinda tene kiiketu, mantsaa: Aa ura' rukuve, deti&#241;un, mantsalaya: Ti' mityaaba ne ura' rukuu juba jutyuve, chachillanu anbukuinda keranguikares nenun balee rukuve, tiitila. 13Tsejturen naa mu bain, naatinu tya' bain, tsandi panu jutyu dus panchi tene jujuula, jud&#237;o bale rukulanu jelanchiren.</div><div class="p"> 14Fandangu nan malu kemu deju'ba yumaa ma kejtaa jingue kindetsunu uranu, Jes&#250;s aa elesha chunu juusha avindaa tenasha ji' chachillanu mijakaantsumi. 15Tsen&#241;u jud&#237;o bale rukula mika keenbashindu entsa entsandila: Tsen, &#191;nejtaa tsamantsa mitun entsa ruku naa nukaba kiika vi'mujchiba? tiitila.</div><div class="p"> 16Tsandindetsu&#241;u Jes&#250;s entsandimi: Iya mijakaakentsaashu juntsa in pensasha faamu jutyuve, inu engu eemu ruku' mijakarave. 17Matyu mun Dios naakesa tya&#241;u bain tsanguenu tyamulaya, aseetanguenu dejuve in mijakaakintsaashu juntsa, uwain Dioschi mijakara&#241;u bain, naa ne maali in pensasha kalara&#241;u bain. 18Mun maali ya' pensachi tsandindya' ne patintsushu juntsaa, chachillachi daj katawachi tyataa tsandimu deeve, tsaaren mun yanu eemu rukunaa chachillachi ura' katakaachi tya' kemuya, uwain ura' kentsuve, tsenmin yanuya naati' ne ura' kendyuve tinuba dejutyuve.</div><div class="p"> 19&#191;Mois&#233;sya &#241;ullanu lei kumuwaatyuka? Tsaanuren &#241;ulla muba juntsa leinu meepungui kityu deeve. &#191;Nen&#241;aa &#241;ulla inu tu'nu tenguen? timi.</div><div class="p"> 20Tsen&#241;u chachilla entsandila: &#161;Ura &#241;u dyabuluchi ma kayaamee tenve! &#191;Maa &#241;unu tu'nu detyan? tila.</div><div class="p"> 21Tsen&#241;u Jes&#250;s kayu pa' jindu tsandimi: &#209;ulla tsamantsa jatsandya' inu mika dekeenbaishve, lekanu malunu iya ma bijee tyeeba kiki&#241;un. 22Tsaaren &#241;ullanu Mois&#233;s Dioschi se&#241;as inu demandangui&#241;u (ura pati&#241;uya Mois&#233;sya tsaa mandanguindyu, &#241;ulla' aa-apala tinbunuren yumaa tsanguentsumuwa dee&#241;u), &#241;ulla naa saaduma lekanu malu'baasa &#191;tsanguemu dejutyuu? 23&#209;ulla Mois&#233;s' wandya lei naati&#241;uba tsanguenu tyanchin saaduma lekanu malunun Dioschi se&#241;as kiikemulaba, &#191;inu tsamantsa ajaa tenguee, naa lekanu malu&#241;u bain iya ma rukunu ura' mandire&#241;uba? 24Naa-uwanu kavitu ke' bain kayu ura' mijturen kuipa putyudei; uwain tsaa&#241;uba ura' aseetanguitaa kidei, timi.</div><div class="s">Jes&#250;s nukaa fale' jamu ju'bawainmi.</div><div class="p"> 25Tsen&#241;u mantsa Jerusal&#233;nbi chulla, yai tene veta' veta' pake'meranjui depaishtu entsandintsula: Tsen, &#191;entsa rukunaa tu'nu mi'kes nendetsutyuu? 26Juntsanashaaka junu cha' kejtsapala kuinda kiken uinami, tsaaren naa muba yanu bulla kindetyuve. &#191;Naa bale rukula bain uwain entsaa Dioschi Mi'ke' Kayamuve tya', yai bain umaa keranguituden, bulla ki'la? 27Tsaaren Dioschi Mi'ke' Kayamu janmalaya nukaa ja' tsai&#241;uba muba minu dejutyuve, tsaanuren lala mideeyu entsa rukuya nukaa fale' jamu&#241;u bain, tiitila.</div><div class="p"> 28-29Tsejtu tsandindetsu&#241;u Jes&#250;s meenatu, aa elesha chunu jurusha avindala pu' mijakarentsu' mitya, kayu daran palaachi pa' entsandimi: &#191;Tsejtu uwain &#241;ulla inu kera dejuu, tsenmin iya nuka jamu&#241;u bain midejuu? Tsaaren iya maali ne tsai' jachi ten&#241;u jaindyuyu engu; ya naati'ba uwaindive tyakaanuu jumu rukaa inu engu ee&#241;u iyu tsai' jami. &#209;ullaa juntsa rukunu kerajdetuve, tsaanuren iya ya' jungaa fale', ya ee&#241;u jamu' mitya, yanu kerayu, timi.</div><div class="p"> 30Tsandi&#241;u jud&#237;o bale rukula peesu kanu tyatun, naa muba yanu ne ta'kajiiba i'la, kayu Jes&#250;schi peesu kayanu tinbu jaindyu&#241;u' mitya. 31Naa tsaa&#241;u bain, pure' chachi Jes&#250;snu keenguiketu entsandinchin juula: &#191;Entsa ruku' kiikishu juntsa, matyu Diosyaa tsanguekaantsuve tyainuu ke' keewara jumu, Dioschi Mi'ke' Kayamu jatu kayu pullaa kichunga? tiitila.</div><div class="s">Fariseo chachillaJes&#250;snu peesu kanu kila.</div><div class="p"> 32Tsejtu chachilla tsandindetsu&#241;u, fariseo chachilla demeetu, chachilla' mitya Diosnu kalen jimula' bale rukulaba debuudi' aa elesha washkemu chachillanu eela Jes&#250;snu peesu kanu. 33Tsa dei&#241;u Jes&#250;s entsandimi: Iya chaikama &#241;uiba bulu pu'ba, wajturen inu eemu ruku' junga miinu tsuyu. 34Tsenmala &#241;ulla inu mami'kituren katai'nu detsuve, iya nukaa punuu&#241;u bain &#241;ulla junga janu dejutyu' mitya, timi.</div><div class="p"> 35Tsandi&#241;u jud&#237;o bale rukula yai tene veta' veta' pake'meran juutu entsandintsula: Tsen, &#191;entsa ruku nukaa ji&#241;aa lala mangatai'nu dejuwa? Tsandenna, &#191;yala' tu jutyusharen jud&#237;ola chudenashu junga ji', naa jud&#237;o chachi jutyulanu bain kuinda mijakares nenaandin tsandimi? 36Tsen, &#191;tyeenditundin: &#209;ulla inu mami'kituren katai'nu detsuve; tsenmin: I nukaa pu&#241;u bain &#241;ullaa junga janu dejutyuve, timi? tiitila.</div><div class="s">Naa-uwanuba chumishtimuEsp&#237;ritu janu tsuve.</div><div class="p"> 37Fandangu de-inu malusha, kayu bale malunu, Jes&#250;s uidi' patu daran palaachi entsandimi: Mun pi muj&#241;uba in junga ja' kushdei. 38Naatinga Diosa' Kiikanuren, Mun inu keranguemula' tenbukashaya chumishtimu piren pijulaaba pun tsananu tsuve, ti' pillashu, tsaanu juve inu keranguemulanuya, timi.</div><div class="p"> 39Tsaaren Jes&#250;s tsanditu, yanu keranguemulaya bene Esp&#237;ritu kanu detsuve titaa tsandimi. Juntsa uwanuya Esp&#237;ritu kayu jaindyumi, Jes&#250;s kayu peya' mangujta' selusha malu' tsamantsa balen chachi mandiyaindyu&#241;u' mitya.</div><div class="s">Jes&#250;s' mityaren chachillana'baasa pensa juu tiyaila.</div><div class="p"> 40Jes&#250;s tsandi' dya&#241;u mantsala yanu meenamulaya entsandila: Uwain entsa rukaa janu keedenaashu juntsa Diosa' mitya pamu ruku&#241;uve, tiitila.</div><div class="p"> 41Tsenmala veela bain: Entsaa Dioschi Mi'ke' Kayamuve, tiitila; tsenmala kayu veelaya: Entsaa verave, Dioschi Mi'ke' Kayamuya Galileasha chumu chachi jun jutyuve. 42Diosa' Kiikanu, Dioschi Mi'ke' Kayamuya rei Davidnu sera' jamu chachillanaa fale' janu juve ti' pillave. Tsenmin rei David milla Bel&#233;n pebulunaa chumuwaa&#241;u' mitya, juntsa pebulubiee faanu juve ti' pillave, tiitila.</div><div class="p"> 43Tsai' chachilla Jes&#250;s' mityaren main main vee vee pensa juu tiyaila. 44Tsejtu mantsala Jes&#250;snu peesu ka' jinu pensa dekituren, muba tsangui'la.</div><div class="s">Jud&#237;o bale rukulaJes&#250;snu kerangui'la.</div><div class="p"> 45Aa elesha washkemu chachilla naa fariseola bain, naa chachilla' mitya Diosnu kalen jimula' bale rukula bain wa'nainsha miila. Tsa dei&#241;u juntsa balela yalanu entsandi pake'meela: &#191;Nen&#241;aa deka' taatyuyu? tila.</div><div class="p"> 46Tsen&#241;u aa elesha washkemu chachilla entsandikala: Jayuuba naa munu bain, juntsa ruku naati pamu&#241;uba ne tsandi pantsu mera' kerajtuwa deeyu, tikala.</div><div class="p"> 47Tsa detika&#241;u fariseola entsandila: &#191;Naa &#241;ui bain yumaa yachi anbukuinda ikuti' dechi'kayaa? 48&#191;Tsejtu lala' bale rukula bain, naa fariseola bain mallee yanu dekeranguiwa? 49Keranguindetyuyu. Tsaaren juntsa chachilla yanu keranguikindetsushu juntsalaya, Mois&#233;s' wandya lei mijtu chachi, Dioschi kavitu i' kuipa ma puu chachi jumula deeve, tila.</div><div class="p"> 50Tsa deti&#241;uren ma ruku Nicodemoya, naa ya bain fariseo bale chachi ju' bain, ma bijee Jes&#250;snu katanu ji' ma mityakiimu rukuya entsandimi: 51&#191;Tsejtu lala' leiya ma ruku ti firu' kike&#241;u bain, pake'mera' mijaba i'mujchin kuipa punuu juve tin? timi.</div><div class="p"> 52Tsandi&#241;u yala entsa mandikala: &#191;Tsaashu juntsaa, &#241;u bain Galileasha chumuu? Diosa' Kiikanu tejan mi'ke'kerakide; tsejtu &#241;u katanu tsuve maliiba Diosa' mitya pamu rukulaya Galileashaa faatyuwa dee&#241;u bain, tila.</div><div class="p"> 53Tsandi' dyatu bene main main yala' yasha miila.</div>
 </div>
 </div>
</div>

Entsaa i' depuitu Jesús Galilea tutalan neitu, Judea tushaa nenu kityu jujuumi, jungaa judío bale rukula yanu tu'nu mi'kes nendetsuñu' mitya. Tsejtu tsaita nentsuren judío chachillachi yapaya ke' fandangu kiikenu tinbu yumaa jantsuñu' mitya, ya' naatalala yanu entsandila: Vee mujtaa lu' ji', ñu tyeenguiikemu ju'ba tsangue keewares nede; Judeashaa jide, tsenmalaa ñu' bendaa nemula bain ñu tyeenguentsuñuba katanudetsu. Matyu muchiba uwain daj rukuve tikutinu tyashu juntsaa, naa ti bain ne pantsu juundene kityuwa deeve. Tsa' mitya ñu tsa tsanguemuya muba dekeenaa tsangue' keewaawaakide, tila.
Tsaaren ya' naatalala tsandilaya, yai bain yanu keranguityu de' mityaa, tsandila. Tsenñu Jesús entsandimi yalanu: Fandangu jinu ju'ba ñuichiya naaju malunu kiñuba tsaren juuñu bain, inchiya tsanguenu malu kayu jaindyuve. Ñullaya ujcha lan chumu chachillachi tyutyakayan dejutyuve, tyutyamiya inaa tyutyamu deeve, yala' kiikentsumunu tsanguetaa ura' kindetyaa ti', iya ma entsangue de-aseetanguikare' keewaawaa kentsuñu' mitya. Ñullaa fandangu jidei, iya jin jutyuyu; chaiba kayu inchiya tsanguenu ura jaindyuve, timi.
Jesús entsanditu Galileabi shuwaimi.

Tsejturen ya' naatalala umaa dejiñu, Jesús bain bene maali fandangu kinsha ji' pantsuu punañunami. Tsenñu juntsa fandangu kenu malutala yanu judío bale rukula mi'kes nenchin juutu entsa entsandila: ¿Juntsa ruku nukaa puñanga? tiitila.
Tsenmin naaju chachilla bain junu pumulaa yanu laapu' kuinda tene kiiketu, mantsaa: Aa ura' rukuve, detiñun, mantsalaya: Ti' mityaaba ne ura' rukuu juba jutyuve, chachillanu anbukuinda keranguikares nenun balee rukuve, tiitila. Tsejturen naa mu bain, naatinu tya' bain, tsandi panu jutyu dus panchi tene jujuula, judío bale rukulanu jelanchiren.
Fandangu nan malu kemu deju'ba yumaa ma kejtaa jingue kindetsunu uranu, Jesús aa elesha chunu juusha avindaa tenasha ji' chachillanu mijakaantsumi. Tsenñu judío bale rukula mika keenbashindu entsa entsandila: Tsen, ¿nejtaa tsamantsa mitun entsa ruku naa nukaba kiika vi'mujchiba? tiitila.
Tsandindetsuñu Jesús entsandimi: Iya mijakaakentsaashu juntsa in pensasha faamu jutyuve, inu engu eemu ruku' mijakarave. Matyu mun Dios naakesa tyañu bain tsanguenu tyamulaya, aseetanguenu dejuve in mijakaakintsaashu juntsa, uwain Dioschi mijakarañu bain, naa ne maali in pensasha kalarañu bain. Mun maali ya' pensachi tsandindya' ne patintsushu juntsaa, chachillachi daj katawachi tyataa tsandimu deeve, tsaaren mun yanu eemu rukunaa chachillachi ura' katakaachi tya' kemuya, uwain ura' kentsuve, tsenmin yanuya naati' ne ura' kendyuve tinuba dejutyuve.
¿Moisésya ñullanu lei kumuwaatyuka? Tsaanuren ñulla muba juntsa leinu meepungui kityu deeve. ¿Nenñaa ñulla inu tu'nu tenguen? timi.
Tsenñu chachilla entsandila: ¡Ura ñu dyabuluchi ma kayaamee tenve! ¿Maa ñunu tu'nu detyan? tila.
Tsenñu Jesús kayu pa' jindu tsandimi: Ñulla tsamantsa jatsandya' inu mika dekeenbaishve, lekanu malunu iya ma bijee tyeeba kikiñun. Tsaaren ñullanu Moisés Dioschi señas inu demandanguiñu (ura patiñuya Moisésya tsaa mandanguindyu, ñulla' aa-apala tinbunuren yumaa tsanguentsumuwa deeñu), ñulla naa saaduma lekanu malu'baasa ¿tsanguemu dejutyuu? Ñulla Moisés' wandya lei naatiñuba tsanguenu tyanchin saaduma lekanu malunun Dioschi señas kiikemulaba, ¿inu tsamantsa ajaa tenguee, naa lekanu maluñu bain iya ma rukunu ura' mandireñuba? Naa-uwanu kavitu ke' bain kayu ura' mijturen kuipa putyudei; uwain tsaañuba ura' aseetanguitaa kidei, timi.

Tsenñu mantsa Jerusalénbi chulla, yai tene veta' veta' pake'meranjui depaishtu entsandintsula: Tsen, ¿entsa rukunaa tu'nu mi'kes nendetsutyuu? Juntsanashaaka junu cha' kejtsapala kuinda kiken uinami, tsaaren naa muba yanu bulla kindetyuve. ¿Naa bale rukula bain uwain entsaa Dioschi Mi'ke' Kayamuve tya', yai bain umaa keranguituden, bulla ki'la? Tsaaren Dioschi Mi'ke' Kayamu janmalaya nukaa ja' tsaiñuba muba minu dejutyuve, tsaanuren lala mideeyu entsa rukuya nukaa fale' jamuñu bain, tiitila.
Tsejtu tsandindetsuñu Jesús meenatu, aa elesha chunu jurusha avindala pu' mijakarentsu' mitya, kayu daran palaachi pa' entsandimi: ¿Tsejtu uwain ñulla inu kera dejuu, tsenmin iya nuka jamuñu bain midejuu? Tsaaren iya maali ne tsai' jachi tenñu jaindyuyu engu; ya naati'ba uwaindive tyakaanuu jumu rukaa inu engu eeñu iyu tsai' jami. Ñullaa juntsa rukunu kerajdetuve, tsaanuren iya ya' jungaa fale', ya eeñu jamu' mitya, yanu kerayu, timi.
Tsandiñu judío bale rukula peesu kanu tyatun, naa muba yanu ne ta'kajiiba i'la, kayu Jesúschi peesu kayanu tinbu jaindyuñu' mitya. Naa tsaañu bain, pure' chachi Jesúsnu keenguiketu entsandinchin juula: ¿Entsa ruku' kiikishu juntsa, matyu Diosyaa tsanguekaantsuve tyainuu ke' keewara jumu, Dioschi Mi'ke' Kayamu jatu kayu pullaa kichunga? tiitila.

Tsejtu chachilla tsandindetsuñu, fariseo chachilla demeetu, chachilla' mitya Diosnu kalen jimula' bale rukulaba debuudi' aa elesha washkemu chachillanu eela Jesúsnu peesu kanu. Tsa deiñu Jesús entsandimi: Iya chaikama ñuiba bulu pu'ba, wajturen inu eemu ruku' junga miinu tsuyu. Tsenmala ñulla inu mami'kituren katai'nu detsuve, iya nukaa punuuñu bain ñulla junga janu dejutyu' mitya, timi.
Tsandiñu judío bale rukula yai tene veta' veta' pake'meran juutu entsandintsula: Tsen, ¿entsa ruku nukaa jiñaa lala mangatai'nu dejuwa? Tsandenna, ¿yala' tu jutyusharen judíola chudenashu junga ji', naa judío chachi jutyulanu bain kuinda mijakares nenaandin tsandimi? Tsen, ¿tyeenditundin: Ñulla inu mami'kituren katai'nu detsuve; tsenmin: I nukaa puñu bain ñullaa junga janu dejutyuve, timi? tiitila.

Fandangu de-inu malusha, kayu bale malunu, Jesús uidi' patu daran palaachi entsandimi: Mun pi mujñuba in junga ja' kushdei. Naatinga Diosa' Kiikanuren, Mun inu keranguemula' tenbukashaya chumishtimu piren pijulaaba pun tsananu tsuve, ti' pillashu, tsaanu juve inu keranguemulanuya, timi.
Tsaaren Jesús tsanditu, yanu keranguemulaya bene Espíritu kanu detsuve titaa tsandimi. Juntsa uwanuya Espíritu kayu jaindyumi, Jesús kayu peya' mangujta' selusha malu' tsamantsa balen chachi mandiyaindyuñu' mitya.

Jesús tsandi' dyañu mantsala yanu meenamulaya entsandila: Uwain entsa rukaa janu keedenaashu juntsa Diosa' mitya pamu rukuñuve, tiitila.
Tsenmala veela bain: Entsaa Dioschi Mi'ke' Kayamuve, tiitila; tsenmala kayu veelaya: Entsaa verave, Dioschi Mi'ke' Kayamuya Galileasha chumu chachi jun jutyuve. Diosa' Kiikanu, Dioschi Mi'ke' Kayamuya rei Davidnu sera' jamu chachillanaa fale' janu juve ti' pillave. Tsenmin rei David milla Belén pebulunaa chumuwaañu' mitya, juntsa pebulubiee faanu juve ti' pillave, tiitila.
Tsai' chachilla Jesús' mityaren main main vee vee pensa juu tiyaila. Tsejtu mantsala Jesúsnu peesu ka' jinu pensa dekituren, muba tsangui'la.

Aa elesha washkemu chachilla naa fariseola bain, naa chachilla' mitya Diosnu kalen jimula' bale rukula bain wa'nainsha miila. Tsa deiñu juntsa balela yalanu entsandi pake'meela: ¿Nenñaa deka' taatyuyu? tila.
Tsenñu aa elesha washkemu chachilla entsandikala: Jayuuba naa munu bain, juntsa ruku naati pamuñuba ne tsandi pantsu mera' kerajtuwa deeyu, tikala.
Tsa detikañu fariseola entsandila: ¿Naa ñui bain yumaa yachi anbukuinda ikuti' dechi'kayaa? ¿Tsejtu lala' bale rukula bain, naa fariseola bain mallee yanu dekeranguiwa? Keranguindetyuyu. Tsaaren juntsa chachilla yanu keranguikindetsushu juntsalaya, Moisés' wandya lei mijtu chachi, Dioschi kavitu i' kuipa ma puu chachi jumula deeve, tila.
Tsa detiñuren ma ruku Nicodemoya, naa ya bain fariseo bale chachi ju' bain, ma bijee Jesúsnu katanu ji' ma mityakiimu rukuya entsandimi: ¿Tsejtu lala' leiya ma ruku ti firu' kikeñu bain, pake'mera' mijaba i'mujchin kuipa punuu juve tin? timi.
Tsandiñu yala entsa mandikala: ¿Tsaashu juntsaa, ñu bain Galileasha chumuu? Diosa' Kiikanu tejan mi'ke'kerakide; tsejtu ñu katanu tsuve maliiba Diosa' mitya pamu rukulaya Galileashaa faatyuwa deeñu bain, tila.
Tsandi' dyatu bene main main yala' yasha miila.

ស្ដាប់នូវ Juan 7