Myeelwe 10
10
Myeembo yansiliva
1Lino Jehova wakaambila Musa kuti, 2#Int 81:3; 89:15; Is 1:13; Hos 8:1; Joel 1:14Kolicitila myeembo yobile yansiliva yacifulamubisi, ibe yakwiitya bantu ciindi cakweenda aciindi cakulyokezya. 3#Jer 4:5; Joel 2:15; Int 22:22; 35:18; Is 55:1-4; Zek 8:21-23; Ciy 22:17Na yalila yoonse yobile, imbungano yoonse yabantu ileelede kuyoboloka kulinduwe kumulyango watente lyambunganino. 4#My 1:16; 7:2; Kul 18:21Pele na walila omwe buyo, kulayoboloka basilutwe balike, basimutwe banzubo zya-Israyeli. 5#My 2:3Na walilisya mweembo, inkamu zyabantu ziyakide zilao kulubazu lwakujwe zilanyamuka. 6Lino kuciindi cakulilisya lwabili, inkamu zyabantu ziyakide zilao kulubazu lwakumusanza zilanyamuka. Kulilisya kwamweembo ncecitondezyo cakweenda. 7#Joel 2:1Pele kuciindi cakubunganya bantu, amulizye mweembo, pele kulilisya utalilisyi pe. 8#My 31:6; Jos 6:4; 16:6; 2 Mak 13:12Bapaizi, bana ba-Aroni, mbobeelede kulizya myeembo. Ngumulao walyoonse mumazyalani aanu conse. 9#Bab 2:18; 3:27; 1 Sam 10:18; Int 106:42; Matl 8:1; 1 Bam 8:44; Int 106:4Alimwi ciindi cakuya kunkondo kuyoolwisya basinkondonyoko bamupenzya munyika yanu, myeembo ileelede kulilisya, lino munooyeeyegwa kubusyu bwa-Jehova Leza wanu, aboobo munoofutulwa kumaanza aabasinkondonyoko. 10#Lev 23:24; 1 Mak 15:24; 2 Mak 7:6; Ezr 3:10; Neh 12:35; Int 81:3; Kul 28:29; 30:16; Jos 4:7; 1 Kor 11:24-26Alimwi kuziindi zyanu zyakusekelela, amumapobwe aabikidwe, amuziindi zyamwezi mupya, amulizye myeembo kuzipaizyo zyanu zyakutenta akuzipaizyo zyanu zyakutontozya, ibe ciibalusyo kubusyu bwa-Leza wanu. Ndime Jehova Leza wanu.
Ba-Israyeli mbubakalonga kuzwa ku-Sinai
11 #
My 9:17
Lino mumwaka wabili, mumwezi wabili, mubuzuba bwamakumi obile bwamumwezi, ijoba lyakaumbuluka atala lyacikombelo cacizuminano. 12#Kul 40:36; My 1:1; Kul 19:1; My 12:16; 13:3,26; Matl 21:21; Dt 1:1; 32:2; 1 Sam 25:1; Hab 3:3Lino bana ba-Israyeli bakatalika kulonga kuzwa kunkanda ya-Sinai, nkabela ijoba lyakaakwiima kunkanda ya-Parana. 13#My 2:34Bakatola lweendo lwabo mbubonya mbuli Jehova mbwaakalailila kumulomo wa-Musa. 14Bantu bandembela yalabba lyabana ba-Juda mbobakataanguna kweenda, munkamu zyabo, nkabela silutwe wankamu yabo wakali Nasoni mwana wa-Aminadabu. 15Asilutwe wamusyobo wabana ba-Isakara kali Netaneeli mwana wa-Zuwara. 16Asilutwe wamusyobo wabana ba-Zebuloni wakali Eliabu mwana wa-Heloni.
17 #
My 1:51; 4:24,31 Lino cikombelo nicakamwayigwa, bakanyamuka bana ba-Gerisoni abana ba-Merari, basikuyumuna cikombelo. 18Musule lyabo bakanyamuka bantu bandembela yalabba lya-Rubeni, munkamu zyabo, nkabela silutwe wankamu yabo wakali Elizuri mwana wa-Sedeuri. 19Asilutwe wamusyobo wabana ba-Simeoni wakali Selumiyeli mwana wa-Zurisadai. 20Asilutwe wamusyobo wabana ba-Gadi kali Eliyasafe mwana wa-Deyueli.
21Lino bakanyamuka ba-Kohati, basikuyumuna zintu zisalala; nkabela beenzinyina bakayaka itente kabatanasika bamwi. 22Lino musule lyabaabo bantu bandembela yalabba lyabana ba-Efraimu bakanyamuka, munkamu zyabo, nkabela silutwe wankamu yabo kali Elisama mwana wa-Amihudi. 23Asilutwe wamusyobo wabana ba-Manase kali Gamaliyeli mwana waPedazuri. 24Asilutwe wamusyobo wabana ba-Benjamini kali Abidana mwana wa-Gideoni.
25 #
Jos 6:9
Musule lyabaaba bakeenda bantu bandembela yalabba lyabana ba-Dani, munkamu zyabo; mbembabo bakasyaalila kweenda akati kamalabba oonse; nkabela silutwe wankamu yabo wakali Ahiezeri mwana wa-Amisadai. 26Asilutwe wamusyobo wabana ba-Aseri kali Pagiyeli mwana wa-Okirani. 27Asilutwe wamusyobo wabana ba-Nafitali kali Ahira mwana wa-Enani. 28#Int 80:1; Lwi 6:10Mbuboobo inkamu zyabana ba-Israyeli mbuzyakali kweenda muciindi cakulonga.
29 #
Kul 2:18; Matl 12:7; Bab 1:16; 4:11; Matl 32:12; Kul 6:7,8 Lino Musa wakaambila Hobabu mwana wa-Reueli mu-Midyani, simakwaakwe Musa, wati, Tuli mulweendo lwakuya kucisi Jehova ncaakaamba kuti, Njoomupa ncico. Atweende ayebo, lino tulakucitila kabotu, nkaambo Jehova waamba makani mabotu aaba-Israyeli. 30Pele wakuvuwa kuti, Nsikooinka pe, ndaya kunyika yangu akulibasikamukowama. 31#Job 29:15Wakati, Utatupambuki, nkaambo ulizi kuti tuyooyaka zilao zyesu munkanda, uyootubeda meso esu. 32Na wainka aswebo, kufumbwa cintu cibotu Jehova ncatucitila, tulakucitila mbubonya ayebo.
33 #
Kul 3:2; Dt 1:33; Jer 31:2 Mpoonya awo bakalonga kuzwa kucilundu ca-Jehova, bakeenda mazuba otatwe. Ibbokesi lyacizuminano ca-Jehova lyakabazulwida mazuba otatwe kuyoobayandawida cilyokezezyo. 34#Kul 13:21; Neh 9:12,19; Int 105:39Alyalo ijoba lya-Jehova lyakali amutwe wabo ciindi casikati mukweendeenda kwabo koonse.
35 #
Int 68:1,2; Is 51:9 Lino kufumbwa ciindi ibbokesi lya-Leza nilyakanyampuka, Musa wakati, Buka, O Jehova, kuti basinkondonyoko bamwaike, abaabo bakusula bacije kubusyu bwako. 36#Int 90:14,17; 132:8Akuciindi cakulyokezya kwalyo, wakati, Boola, O Jehova, kumakumi aazyuulu zyazyuulu zyaba-Israyeli.
اکنون انتخاب شده:
Myeelwe 10: Ibbaib63
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Tonga (Zambia) © United Bible Societies, 1963.