MƐ̀KÌKÌÌ MƐ ƁƐKƐ̀NÌ-FÌTOM Ɓìɓan ɓi ɓi ghɛɓsii lɛ ɓɛɛ Konag kì woògh kaàtà ànɛ

Ɓìɓan ɓi ɓi ghɛɓsii lɛ ɓɛɛ Konag kì woògh kaàtà ànɛ

Kaàtà à mɛ̀kìkìì mɛ ɓɛkɛ̀nì-fìtom àrì gàɓ ì kìɓɛ̀ɛ̀ ìnɛ ɓi ɓìɓan ɓi Lukas à kàngà. Ɓisuulɛ Syeesyee à Ɓɔlɛ à Lukas a rèresi cɛɓ ki Yeesus fɛ ɓi ziinɛ. Wɔ̀lɛ ajɛ̀m ì rìɓɔg ɗi Yeesus aɗyoo, mum àa ghɛɛ̀di ɓi nyi rì mis fɛ ɓi ziinɛ. Yeesus à ɓiì ɓaɓaa lɔŋ ɓi nyìinyìm à ɓɛ̀yilàg ɓii ɓi Nghay ànɛ a nyɛ̀ɛnyɛŋzì ɓɔ.

Ɓìtòkì ɓi Lukas ɓi ɓi kaàtà ànɛ ɓi kiì lɛ ɓi fɛmɓɛ̀n, ɓi ki rɔɔtɛn riɓày. À rèsii yɛ̀ɛ Kìseŋi ki Kiris ki yalɛɛ a Yorisalɛm ɓi nyìinyìm à Ɓɛ̀yudɛ̀n, rì ɓi bàn yi zɛy fɛlɛ yɛ̀ɛ Aŋtyos, Kɔrɛŋtɛ, Filiɓ ri jàŋ yideŋ. À resii girig mɛ̀kɛ̀ɛ̀ mɛ Pol à kɛ̀ɛ̀kɛɛ ɓi rìkakàlì ɗi Syeesyee à Ɓɔlɛ jàŋ bimiɗ. À rèsì tì girig mɛ̀tɔɓ mɛ kìseŋi ki Kiris ki tulɛ̀ngà rì mɔ lɔŋ a rìtumɛ̀n, rì bee yi Nghay à Bɛ̀ll à rèsìghà ɓɛ̀gherɛ̀n lɛ ɓɛɛ nɔɔ̀ti di ɓɛɛ cee mɛ̀tɔɓ mɛ̀n.

Lukas ànɛ à kàni kaàtà àncèm ànɛ à ghɛ̀ɛ̀sɛ̀ngà kì ɓaà kìbog ki ɓi ɓumɓɛ Pol à kɛ̀ɛ̀kɛ̀ɛ̀ghà rì ɓɔ fɛlɛ yɛ̀ɛ à kpaa ɓi ɓɛ̀syàpiìtɛ̀rɛ̀ 16:10-40 lɛ: Tì ghàskà kì kaà bee inɛ lɛ ti kɛǹ a Masedwan...

Lɔŋ ɓi rìtumɛ̀n ɗi kaàtà ànɛ, Lukas à reɓi bee inɛ syeesyee à ɓɔlɛ̀ à nɔ̀ɔ̀tìghà ɓi syàpiìtɛ̀rɛ̀ à ǹtonto, ɓiden taàraa (1:8). Syeesyee à ɓɔlɛ̀ ànɛn àrì Ɓɔlɛ ànɛ àrì ɓi ŋwom wu ɓɛkɛ̀nì-fìtom ɓɛ Yeesus cààmɛ̀n kìcèm ki ɓɛɛ̀ tòtòg. Fɔɔnnɛ Yeesus ànɛ ɓɛɛ kpaakpaa ɓum à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n àrì lɔŋ Yeesus ànɛ à ghɛɓkà ɓi ziì Palɛstin. Nghay à Bɛ̀ll à kìkìghà com ki lɛ ɓɛ̀yilàg ɓii ɓɛɛ yiyiti nyi ɓi ɓìɓan ɓi à kpaaghà rì ɓi à kìghà.

a) Ɓìɓan ɓi Lukas à kpaa ɓi kaàtà wiì ànɛ ɓiri ɓìɓan ɓi kìseŋi ki Kiris ki ghɛɛ̀sɛɛ kì nɔ̀ɔ̀tii gbàà yìcèm; yɛɛ lɔɔ lɛ, kìseŋi ki Kiris ki ghɛɛ̀sɛɛ lɛ kɛɛ ghagsi ɓum ɓɛ̀cèm ɓɛ ɓi ziinɛ Syeesyee à Ɓɔlɛ à Yeesus Kiris. Tìrì lɛ ti wòŋzàg kaàtà ànɛ fɛlɛ̀.

a) Ɓɛ̀yilàg ɓɛɛ ɓùuɓuŋɛ̀n lɛ ɓɛɛ tumɛn ɗì sààtì ɗi ɓɔlɛ̀ à Yeesus (syàpiìtɛ̀rɛ̀ à ǹtonto bimiɗ) 1:1-26.

b) Syeesyee à Ɓɔlɛ a kaakalɛ̀n a Yorisalɛm (à tumɛɛ ɓi syàpiìtɛ̀rɛ̀ à kìɓɛ̀ɛ̀ à kpaŋ ɓɛ̀syàpiìtɛ̀rɛ̀ taàraa ɓìden ɓìraa) 2:1 - 8:3.

c) Syeesyee à Ɓɔlɛ à sàa ɓi ziì Zyude bimiɗ rì a Samari (à tumɛɛ ɓɛ̀syàpiìtɛ̀rɛ̀ taàraa ɓìden ɓinin à kpaŋ ɓɛ̀syàpiìtɛ̀rɛ̀ ǹtɛ̀ɗ rì ɓɛɓɛɛ̀) 8:4--12:25.

d) Kìsay ki Pol à kìghà (à tumɛ̀n ɓi ɓɛ̀syàpiìtɛ̀rɛ̀ ǹtɛ̀ɗ ɗì ɓɛraa à kpaŋ ɓɛ̀syàpiìtɛ̀rɛ̀ rìtin ɗì taàraa) 13:1 - 28:31.

اکنون انتخاب شده:

MƐ̀KÌKÌÌ MƐ ƁƐKƐ̀NÌ-FÌTOM Ɓìɓan ɓi ɓi ghɛɓsii lɛ ɓɛɛ Konag kì woògh kaàtà ànɛ: BAFNT

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Bafia Nouveau Testament اطلاعات بیشتر کسب کنید

MƐ̀KÌKÌÌ MƐ ƁƐKƐ̀NÌ-FÌTOM Ɓìɓan ɓi ɓi ghɛɓsii lɛ ɓɛɛ Konag kì woògh kaàtà ànɛ

آیات محبوب کتاب مقدس از
MƐ̀KÌKÌÌ MƐ ƁƐKƐ̀NÌ-FÌTOM Ɓìɓan ɓi ɓi ghɛɓsii lɛ ɓɛɛ Konag kì woògh kaàtà ànɛ

كتاب‌ مقدس:

Bafia

ترجمه: Bafia Nouveau Testament - BAFNT