TIPISALEMA 53

Ku biha ka vasandzi.

Eka mufambisi wa vasimi. Hi Mahalata. Risimu ra Davhida.

1Xihunguki xi ku embilwini ya xona:

“A ku na Xikwembu!”

Va borile va hundzuluxe ku biha ka vona manyala;

A ku na un'we la endlaka leswinene.

2Yehovha u langutisa vana va vanhu a ri ematilweni,

Ku vona loko ingi a ri kona la nga ni ku twisisa,

La lavaka Xikwembu.

3Hinkwavo va hambukile, hinkwavo va tionhile kun'we;

A ku na loyi a endlaka leswinene, hambi a ri un'we.

4Xana a va na ku twisisa, lava endlaka leswo biha?

Lava dyaka tiko ranga kukotisa loko ingi byi ri vuswa,

Lava nga khongeliki Xikwembu.

5Va ta rhurhumela hi ku chava,

Laha ku nga riki na mhaka ya ku chava;

Hikuva Xikwembu xi ta hangalasa marhambu ya lava ku rhendzelaka;

U ta va khomisa tingana, hikuva Xikwembu xi va cukumetile.

6Aa! Ku kutsula ka Israele ku ta pfa rini eSiyoni xana?

Siku Xikwembu xi nga ta tlherisa vabohiwa va tiko ra xona,

Yakobo u ta khana, Israele u ta tsaka.

اکنون انتخاب شده:

TIPISALEMA 53: TSO29

های‌لایت

به اشتراک گذاشتن

مقایسه

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
TIPISALEMA 53