TIPISALEMA 47

Hosi ya misava hinkwayo.

Eka mufambisi wa vasimi. Pisalema ya vana va Kore.

1N'wina matiko hinkwawo, phokotelani,

Mi bumabumela Xikwembu hi rito leri tlakukeke.

2Hikuva Yehovha, La nge henhlahenhla, wa chaveka;

Hi yena hosi leyikulu emisaveni hinkwayo.

3Wa hi tsongahatela matiko,

Wa veka tinxaka ta vanhu ehansi ka mikondzo ya hina.

4U hi hlawulele ndzhaka ya hina,

Ku kwetsima ka Yakobo, loyi a n'wi rhandzaka.

5Xikwembu xi tlhandlukile exikarhi ka huwa ya ku tsaka;

Yehovha u humelele hi mpfumawulo wa nanga.

6Yimbelelani Xikwembu, yimbelelani!

Yimbelelani hosi ya hina, yimbelelani!

7Hikuva Hosi ya misava hinkwayo i Xikwembu;

Yimbelelani risimu!

8Xikwembu xi fuma matiko,

Xikwembu xi tshamile exiluvelweni xa xona lexi kwetsimaka.

9Tihosana ta matiko ti hlengeletana

Ni tiko ra Xikwembu xa Abrahama,

Hikuva switlhangu swa misava i swa Xikwembu:

Xi tlakukile ngopfungopfu.

اکنون انتخاب شده:

TIPISALEMA 47: TSO29

های‌لایت

به اشتراک گذاشتن

مقایسه

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
TIPISALEMA 47