TIPISALEMA 3

Ku hlayiseka ku huma eka Yehovha.

Pisalema ya Davhida, loko a tsutsuma emahlweni ka Abixalomu, n'wana wa yena.

1Oho Yehovha, lava nga valala eka mina va tele swonghasi!

Lava ndzi pfukelaka matimba, va tele ngopfu!

2Va tele ngopfu lava nge ka moya wa mina:

“A wu nga ha ri na ku hlayiseka eka Xikwembu!”

3Kambe wena Yehovha, u xitlhangu xa mina,

U ku kwetsima ka mina ni loyi a yimisaka nhloko ya mina.

4Ndzi vitana eka Yehovha hi rito ra mina,

Kutani u ndzi hlamula a ri entshaveni ya yena ya ku kwetsima.

5Ndza sivama, ndzi etlela,

Ndzi tlhela ndzi pfuka, hikuva Yehovha wa ndzi tiyisa.

6A ndzi chavi vanhu va madzana ya madzana,

Lava ndzi rhendzeleke hi matlhelo hinkwawo.

7Pfuka Yehovha! U ndzi ponisa, Xikwembu xanga!

Hi wena la baka marhama ya valala va mina hinkwavo,

U tshova meno ya lavo homboloka.

8Ku hlayiseka ku huma eka Yehovha;

Ku kateka ka wena a ku ve ehenhla ka tiko ra wena.

اکنون انتخاب شده:

TIPISALEMA 3: TSO29

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
TIPISALEMA 3