TIPISALEMA 137

137

Swirilo swa lava a nga ya ekhumbini.

1Etimbuweni ta milambu ya Babilona,

A hi tshama hi rila loko hi tsundzuka Siyoni.

2A hi hayekile tiharipa ta hina

Eminengenidzini ya kona.

3Lava ngi va hi yisile evukhumbini a va kombela tinsimu eka hina,

Vaxanisi va hina va kombeka tinsimu to tsaka, va ku:

“Ma nga hi yimbelelela tinsimu ta Siyoni!”

4Hi nga yimbelerisa ku yini tinsimu ta Yehovha

Etikweni ra vamatiko xana?

5Loko ndzi ku rivala, Yerusalema,

Voko ra mina ra xinene a ri ndzi rivale!

6Ririmi ra mina a ri namarhele emalakeni ya mina,

Loko ndzi nga ku anakanyi, Yerusalema,

Ndzi nga ku endli masungulo ya ku tsaka ka mina!

7Yehovha, anakanya vana va Edomu,

Hi laha va nga te hi siku ra khombo ra Yerusalema:

“Hlanhlani, hlanhlani ku ya fika emasungulweni ya wona!”

8Nhwanyana wa Babilona, la nga ta hundzuka rhumbi,

Ku katekile la nga ta tlherisela eka wena leswi u hi endleleke swona!

9Ku katekile munhu la nga ta khoma swihlangi swa wena,

A swi pyanyela emaribyeni!

اکنون انتخاب شده:

TIPISALEMA 137: TSO29

های‌لایت

به اشتراک گذاشتن

مقایسه

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
TIPISALEMA 137