TIPISALEMA 124
124
Israele u phonyokile entlhan'wini wa muphasi.
Risimu ra ku tlhandluka.
1Ingi loko Yehovha a nga vanga na hina,
2Israele a a vule sweswo.
Ingi loko Yehovha, a nga vanga na hina,
Loko vanhu va hi pfukele matimba,
3Ingi va hi mitile hi karhi hi hanya,
Loko vukari bya vona byi hi pfurhele,
4Enkarhini wolowo ingi mati ma hi funengetile,
Maboboma ma hundzile henhla ka mimoya ya hina.
5Mati lama tikukumuxaka
A ma hundzile henhla ka mimoya ya hina.
6A ku dzunisiwe Yehovha,
La nga ka a nga hi nyiketanga hi vutliwa hi meno ya vona.
7Moya wa hina wu ponile,
Tanihi xindzingiri entlhan'wini wa muphasi:
Ntlhamu wu tshovekile, kutani hina hi chupukile.
8Ku pfuniwa ka hina ku le vitweni ra Yehovha
La endleke tilo ni misava.
اکنون انتخاب شده:
TIPISALEMA 124: TSO29
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.