TIPISALEMA 121

121

Yehovha i muhlayisi wa Israele.

Risimu ra ku tlhandluka.

1Ndzi tlakusela mahlo ya mina etintshaveni ...

Ku pfuniwa ka mina ku ta huma kwihi?

2Ku pfuniwa ka mina ku ta huma eka Yehovha

La endleke tilo ni misava.

3A nga ka a nga pfumeri leswaku nenge wa wena wu rhetemuka,

A nga khudziheri, muhlayisi wa wena!

4Ina a nga khudziheri, a nga ka a nga etleri Muhlayisi wa Israele!

5Yehovha i muhlayisi wa wena,

Yehovha i ndzhuti wa wena evokweni ra xinene ra wena.

6Ninhlekanhi, dyambu ri nga ka ri nga ku bi,

Hambi yi ri n'weti nivusiku.

7Yehovha u ta ku sirhela eku biheni hinkwako,

U ta hlayisa moya wa wena.

8Yehovha u ta ku sirhelela eku sukeni ni le ku fikeni ka wena,

Ku sungula sweswi, ni ku fika ni makumu.

اکنون انتخاب شده:

TIPISALEMA 121: TSO29

های‌لایت

به اشتراک گذاشتن

مقایسه

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
TIPISALEMA 121