TIPISALEMA 11

Yehovha u hlayisa va yena, u avanyisa va ku homboloka.

Eka mufambisi wa vasimi. Ya Davhida.

1Ndzi tshembile Yehovha;

Xana mi nga vurisa ku yini eka moya wa mina:

“Tsutsumela etintshaveni ta n'wina tani hi nyanyana”?

2Hikuva lavo homboloka va khotsa mavurha ya vona,

Va rhiyeketa miseve ya vona erisingeni,

Ku copa emunyameni vanhu va timbilu leti lulameke.

3Loko masungulo ma mbundzukile,

La lulameke a nga endlisa ku yini?

4Yehovha u le tempeleni ya yena leyo kwetsima,

Yehovha u ni xiluvelo xa yena ematilweni;

Mahlo ya yena ma languta,

Tinkohe ta yena ti ringa vana va vanhu.

5Yehovha u kamba la lulameke;

Moya wa yena wu venga lowo homboloka ni la rhandzaka ku pfukela matimba.

6U ta nisela lavo homboloka mitlhamu, ni ndzilo ni xivavula;

Mheho leyi hisaka, i xinwelo lexi va xi averiweke.

7Hikuva Yehovha u lulamile, u rhandza mitirho ya ku lulama;

Vanhu lava lulameke va ta hlalela nghohe ya yena.

اکنون انتخاب شده:

TIPISALEMA 11: TSO29

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
TIPISALEMA 11