EZEKIYEL 41
41
1Nam tuɗan hay Tempella. Nam ŋaɓ dolla: Goldoŋ karkiya kuɗ ɓuɗukam ma gal hena, goldoŋ karkiya kuɗ buɗukam ma gal hena. Buɗukŋa vi guɗukŋa. 2Buɗukŋa vi vun-ziyda ir goldoŋ doogo, galla vi vun-ziyda ma gefa'na ir goldoŋ vasl hay gal hena, goldoŋ vasl hay gal hena kaw. Nam ŋa fiyokka vi Tempella: Ir goldoŋ dok-fiɗi, buɗukŋa valamu ir goldoŋ dok-ma' kaw. 3Bugolda nam kal hay kalafi. Nam ŋa dolla vi vun-ziyna, nam ir goldoŋ ma'; vun-ziyd ir goldoŋ karkiya; buɗukŋa vi vun-ziyda ir goldoŋ siɗiya. 4Nam ŋa liyn ir goldoŋ dok-ma' kuɗ fiyokka valamu, goldoŋ dok-ma' kuɗ buɗukka valamu kaw, hay Tempella ma kalaf kuɗuwna, nam di tanu: Tan kayni mi liyn ma Suwi-Peldetna.
5Nam ŋa goŋŋa vi ziyda, goldoŋ karkiya, buɗukŋa vi ziy ma gef tuwamna, ma ŋuyi tam ziyda ir goldoŋ fiɗi. 6Ziy ma gef tuwamna ay zlaray kat tuwam goboyo. Nam tapay pet dok-ɦidi, ini kulo kay tuwam sem ɦidi; ziy guray namna zlabay kulo tam gulmun ma ini kay ziy namna, ma ŋuyi tam ziyda. Nam may deŋay tam goŋŋa vi ziyd kay tuwa'ɗi. 7Ziy ma kalafna sli liyn suw asa, hay li ma nam ka ɦur kulo'o, tuɗ kulo kalam kayn ŋuy ŋuyiya; jik kulo hay ziyd kayni kay gu ma ligatna. Liyn ka baŋa ŋolo hay ziy ma kulona, fokis hay ziyda ta goorta pa kay kal hay ziyda ta kulo kamta kayni, jik hay ta jata.
8Nan peɗ fiyokka ta kat ziyna, ziy ma gef tuwamna, tun caw tam diram ma tuni gaan pa, asay ir zugul kepe, goldoŋ ma fiyokŋa karkiya. 9Gulmun ma goy bugol ziy ma gef tuwamna diɓilikka valamu ir goldoŋ vasl. Jar liy ma goy baŋana jar ziy ma gef tuwamna. 10hiɗi ziy ma kalafna ma ŋuyi kat ziyda buɗukka valamu ir goldoŋ dok-ma', ŋuyi talam kafe. 11Ziy ma kalafna ma gef tuwamna vorom ma goy jiyna ka hini goy butiya, vunam ma kal kalafna, kep ka hay gal ma gaana, kep ka hay gal ma kayamna, buɗukŋa vi liyn ma hini goy ɦawana ir goldoŋ vasl, ŋuyi talam kafe.
12Ziyda ta ini vok liyn ma hini goy butina, hay gal ma vulatina, buɗukka va'a ir goldoŋ dok-siɗiya, gulmun ma diɓilikŋa valam ir goldoŋ vasl ŋuyi talamu, fiyokka valam ir goldoŋ dok-zleeŋe. 13Nam ŋa ziyda, fiyokka va' ir goldoŋ kis. Liyn ma goy ɦawana, ziyda hiɗi gulmunna va'a, fiyokka va' ir goldoŋ kis. 14Buɗukŋa vi vok-ziyda, hiɗi liyn ma hini goy ɦawana, hay gal ma kuɗuwna, tapay ir goldoŋ kis. 15Nam ŋaɓ fiyokka vi ziyda goy vok liyn ma hini goy ɦawana, gal bugol ziyda, hiɗi haga ma kalafna hay galam kafe, ir goldoŋ kis, hay Tempel ma hay kalafna, lo diɓir ma goy jiyna. 16Vun-ziyna, fenetrena ma ciliy kawayna, haga ma kalafna ma ŋuyi tam ziy ma jakay kay tuwam ɦidina goy ɗiger vun ziyda, tuwam ŋuyi hiɗi gun cusl', tun caw gaa vi nagat pa ta-ta kulo tam fenetrena, fenetrena ay dukiya. 17Kulo kay yam vun-ziyda, ta-ta kalaf hay ziyda, goy jiy kay gulmun ma ŋuyi talamna, kalafi hiɗi jiya kaw, ŋaɓta valam ka liya. 18Kerubena hiɗi gomon ka kotiya. Gomon ka kep jar keruben ma', keruben kep ka hiɗi vokom ma' ma', 19vok ma kepna mi vok sana, iram muɗi kir gomona, vok hena mi vok goor-zlona, iram muɗi gal hena kir gomo hena, nam ay ki kayn nala, goy ŋuyi kat ziyd kafe. 20Tun caw ay gaa vi nagat pa ta-ta kulo kay yam-ziyda, nisi kot kerubena, kot gomona kaw, kat gulmunna vi Tempella nala kaw. 21Dolla vi vun-ziyda vi Tempella gefem fiɗi kaf ŋray ca, vokŋa vi liyn ma peldetna nam ay nala kaw.
22Giwin-ma-ɗifinna koti hiɗi guna, fiyokka valamu ta kulota ir goldoŋ ɦidi, fiyokka valamu ir goldoŋ ma'. Gefemu, selemu, galamu kaw ay koti hiɗi guna. Sana di tanu: Tan kayni mi tablena ma tuni vok ir Ma-Vatɗina. 23Tempella hiɗi liyn ma peldetna vunam ay ma'. 24hay vun-ziyna cokoromna ka ma', ma' kaf ka geɗa kat vun-ziyna, cokorom ma' kay vun-ziy ta kepta, cokorom ma' kay vun-ziy heta ta kepta kaw. 25Nisi kot kerubena hiɗi gomona kulo kay vun-ziyna vi Tempella, ki koti kay gulmunna nala. Jiwler ma koti hiɗi guna ka goy vok diɓira goy jiya. 26Fenetrena ma hiɗi kaway-ciliyn ka'a, hiɗi gomon talam hay galam kafe, kat diɓira, hiɗi ziy ma gef tuwamna vi ziyda, hiɗi jiwlera kaw.
اکنون انتخاب شده:
EZEKIYEL 41: Massana
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
BIBALDA TA PELDETTA © L'Alliance Biblique du Cameroun, 2001