Isaías 13
13
Babiloniapa contranpi profetizasqanmanta
1 #
Is 47.1-15; Jer 50.1—51.64. Amozpa churin Isaiasmi Babilonia nacionta iman pasananmanta kaynata nirqa:
2Banderata qala orqopa hawanpi sayachiychik,
atacanankupaq soldadokunata qayaychik,
kamachikuqkunapa punkunman yaykunanpaq
makikichikwan señaschaychik.
3Sapaqchasqaykunatam kamarachini,
piñakuyniyta ruwayman churaq allinnin qari-qari soldadoykunatam qayaramuni,
vencesqaywan kusikuqkunatam qayaramuni.
4Orqokunapa hawanpim achkallaña runakunapa chaqwakuynin uyarikuchkan,
huñunasqa nacionkunapa, llaqtakunapa qapariyninmi uyarikuchkan,
Tukuy Atiyniyuq Tayta Diosmi tropankunata guerrapaq yupachkan.
5Karu nacionkunamantam hamuchkanku,
kay pachapa cantonkunamantam hamuchkanku.
Tayta Diosmi piñakuyninwan armasqa hamuchkan,
kay pachata purmachinanpaqmi hamuchkan.
6 #
Jl 1.15. Allwaychik, Tayta Diospa piñakuynin
punchawmi hichparamunña.
Tukuy Atiyniyuq Diospa purmachinan
punchawmi chayaramunña.
7Chayraykum llapa runakunapa makinpas manaña kallpayuq rikurirunqa,
sonqonkupas pasaypaqtam hukmanyarunqa.
8Manchakuypa intuykusqanñam rikurirunqaku,
wachakuq warmipa nanaynin hinam
ñakariywan nanayllaña paykunata intuykunqa,
ancha hukmanyasqam sapakama qawanakunqaku,
uyankupas penqakuymantam ruparinqa.
9Tayta Diospa punchawninmi chayamuchkanña:
Manchakuypaq sinchi piñakuyninpim
allpa pachatapas chunniqmanña tikrarunqa,
chaypi kawsaq llapa huchasapakunatam chinkarachinqa.
10 #
Mt 24.29; Mr 13.24-25; Lc 21.25; Ap 6.12-13; 8.12. Chayraykum cielokunapi chaskakunapas manaña kanchanqachu,
intipas qespiykamuspallam tutayarunqa,
killapas tutayaruspam manaña kanchanqachu.
11Tayta Diosmi kaynata nin:
Kay pachapi runakunatam huchankumanta castigarusaq,
mana allinkuna ruwaq runakunatam castigarusaq.
Hatun tukuqkunapa hatunchakuynintam tukurusaq,
munaychakuspa pay tukuqkunatam kumuykachachisaq.
12Llapa runakunatam asllayarachisaq,
Ofir lawpi suma-sumaq qorimantapas aswantaraqmi asllayarachisaq.
13Ñoqa Tukuy Atiyniyuq Tayta Diosmi
cielokunata katkatatachisaq sinchi piñakuyniywan,
maymi kasqanmantam allpa pachapas asurinqaraq.
14Chaymi qatikachasqa luwichu hina,
mana michiqniyuq oveja hina,
sapakama ayllunkuman ayqenqaku,
sapakamam allpankuman lluptinqaku.
15Pipas tarichikuqqa lanzawan tuksisqam kanqa,
pipas hapichikuqtam espadawan wañuchinqaku.
16Qawachkaptinkum wawa-churinkutapas
pampaman waqtaspa wañuchinqaku,
wasinkutam suwanqaku,
warminkutam abusanqaku.
17Medo nacionmantam runakunata
contrankupi kachamusaq,
paykunaqa manam qollqeraykuchu purinku,
nitaqmi qoritapas munapayankuchu.
18Jovenkunatapas flechawanmi wañuchinqaku,
llullu wawakunatapas manam kuyapayanqakuchu,
warmakunatapas manam llakipayanqakuchu.
19 #
Gn 19.24. Babilonia llaqtaqa,
alhaja rumi hina llapa nacionkunapa qawasqan kaspapas,
sumaq kayninmanta Caldea nacionpi runakunapa alabakunan kaspapas,
Ñoqapa chinkachisqay Sodoma Gomorra llaqtakuna hina
purmachisqam kanqa.
20Babilonia llaqtaqa,
wiñaypaqmi manaña runapa yachanan llaqta kanqa,
Arabia runakunapas chaypiqa manañam samarinqakuñachu,
michiqkunapas chay sitiopiqa manañam ovejankuta michinqakuñachu.
21 #
Ap 18.2. Chaypiqa purun animalkunallañam yachanqa,
wasinkupipas chuseqkunallañam yachanqa,
avestruz animalkunallañam yachanqa,
monte cabrakunallañam chaypiqa kallpakachanqa.
22Palacionkunapipas purun animalkunallañam allwanqa,
adornasqa palacionkunapipas atoqkunallañam waqanqa,
Babilonia llaqtapa castigasqa kanan tiempoqa hichparamunñam,
manam unamunqañachu.
Chuya Qellqa Revisión @ Sociedad Bíblica Peruana, 2012