Isaías 12
12
Graciasta qospanku takinankumanta
1Chay punchawmi ninki:
Dios Taytalláy, graciastam qoyki,
contraypiña piñakuruchkaspaykipas
piñakuynikitam ñoqamanta asuriykachinki.
Kunanqa qanmi hawkayayta qoykuwanki.
2 #
Ex 15.2; Sal 118.14. Diosnilláy, qanmi kanki salvaqniyqa,
qamllapim hapipakusaq, ñoqallayqa manañam manchakusaqchu,
amparoypas takiypas qamllam kanki,
qamllam salvaqniyqa kanki, nispa.
3Qamkunapas kusikuyllawanñam
salvación qokuq pukyumanta yakuta tomankichik.
4Chay punchawmi ninkichik:
Graciasta qospa Tayta Diosman qaparispa takiychik,
tukuy ima ruwasqankunata lliw llaqtakunaman reqsichiychik,
sutin hatunchasqa kasqanta yuyariychik.
5Admirakuypaq ruwasqanmantayá
Tayta Diosman takiychik,
tukuy hinastinpiyá
chay ruwasqanta reqsichiychik.
6Sión moqopi yachaqkuna,
kusikuywan qaparispa takiychik.
Israelpa Chuya Diosnin
qamkuna ukupi kasqanraykuyá kusikuychik.
Chuya Qellqa Revisión @ Sociedad Bíblica Peruana, 2012