मती 4
4
ईसु ने परक
(मरकुस 1:12,13; लूका 4:1–13)
1 #
इबरा 2:18; 4:15 तणी वला पवितर आतमा ईसुई हुनी जगा मा लई गई ताकि सेतान हू विने परक किदी जाई हके। 2साळीस रात नी दाड़ो पुकजो रेवा बाद वणाय कईक पुक लागी। 3ते वणाय परकवा वालो वणा कनी आजो नी केजू, “अगर तु परमेसवर ने सुरो वे ते अणा पाटा हू केई दे के, या पाटा रूटा बणी जय।”
4ईसुई उतर आलजू, “दरम सासतर मा लकजू हे,
“‘मनक बस अणा रूटा हूस जीवतु नीं रे हे,
पण परमेसवर ने मुड़े हू निकलवा वाला हरेक वसन हू जीवतु रे हे।’”
5पसे सेतान वणाय परमेसवर ने पवितर नगर यरूसलेम लई गियो नी मनदिर ने फुन्गी माते ऊबो किदो, 6नी ईसु हू केजू, “अगर तु परमेसवर ने सुरो वे, ते आपड़े पोता ने नीसे पाड़ी दे, केमके दरम सासतर मा लकजू हे,
“‘वी तारे बारामा आपड़े हरगदुतो ने हुकम आलहीं,
नी वा तय आतो आत उटावी लीहीं,
ताकि तारे पोगय पाटा हू ठेपर नीं लागे।’”
7ईसुई उतर आलजू, “पण दरम सासतर यू बी के हे,
“‘तु आपड़े परबू परमेसवर ने परके नकी।’”
8पसे सेतान ईसुई एक मुटा मगरा माते लई गियो। नी दनिया ने हेता राज नी वणनो वेभव पाळजू। 9सेताने ईसु हू केजू के, “अगर तु मय दणवत करी ते ई हेती सीजी तय आली दई।”
10पसे ईसुई वणाहू केजू, “हे सेतान सीटी थाई जा, केमके सासतर मा लकजू हे के,
“‘तु आपड़े परबू परमेसवरेस दणवत कर,
नी विनेस सेवा कर।’”
11तेरे सेतान वणा कनी हू जातो रेजो, नी जुओ, हरगदुत आवीनी विने सेवा साकरी करवा लागा।
ईसु ने सेवा ने सरूआत
(मरकुस 1:14,15; लूका 4:14,15)
12 #
मती 14:3; मर 6:17; लूका 3:19,20 ईसुई जेरे यू हबलजू के, यूहना हवाडी दिदो गियो हे, ते ईसु गलील परदेस मा जातो रेजो। 13#यूह 2:12पण ईसु नासरत सुड़ीनी कफरनहूम नगर मा जी तलाव ने कानी जबूलून नी नपताली ने देस मा जाईनी रेवा लागो। 14यू तणी थाजू के, परमेसवर ने हाड़े हू बुलवा वाला यसायाय जी केजू वु पुरू थाए,
15“जबूलून नी नपताली ने देस,
दरिया वाली वाट माते यरदन नदी ने आतमणी हाड़े,
परमेसवर ने नीं जाणवा वाला ने देस गलील मा।
16जी मनका अदारा मा जीवी रेजअ त,
वणय मुटू उजाळू डिटु,
नी जी मोत ने बिक मा जीवी रेजा ता,
वणअ माते उजाळू समकजू।”
17 #
मती 3:2
वणी वळा हू ईसुई परसार करवू नी यू केवू सरू किदू के, “तमो आपड़े पाप हू मन बदलो, केमके हरग ने राज कनी आवी गियू हे।”
ईसुई सयार मातली हावा वाला हादजा
(मरकुस 1:16–20; लूका 5:1–11)
18जेरे ईसु गलील ने दरिया ने कनी हू जाई रेजो तो, ते वणाय बे पाई डिटा, समोन जी पतरस केवाए हे नी विने पाई अन्दरियास जी दरिया मा जाळ दड़ी रेजा ता, केमके वा मातली हावा वाला ता। 19ईसुई वणहू केजू, “मय हाते आवो, ते मुँ तमय हिकाड़ी के, मनका केम परमेसवर ने राज मा लावे।” 20वणय तरत आपड़े जाळ सुड़ी दिदी नी वणा वाहे थाई गिया।
21नी वी विय हू मोरी गियो ते वणाय बे पाई जबदी ने सुरो याकूब नी विने पाई यूहना वा आपड़े बाप जबदी ने हाते नाव माते आपड़े जाळी सई करता थकण डिटा, ईसुई वा बी हादजा। 22नी वा तरत नाव नी आपड़े बापे सुड़ीनी वणा वाहे थाई गिया।
ईसु ने उपदेस नी बिमारो ने होज करवू
(लूका 6:17–19)
23 #
मती 9:35; मर 1:39 नी ईसु हेता गलील देस मा फरतो थकण वणा ने परातना घेर मा परसार करतो नी हरग ने राज ने असल खबर हबलावतो नी मनका ने हर तरह ने बिमारी नी कमजोरी सीटी करतो रेजो। 24नी हेता सीरिया देस मा विने खबर फेलाई गई। तणी मनका हेते बिमारे जिय नानी बिमारजअ हू नी दुक मा हवाईलअ थकण त, नी जणअ मा बुरी आतमा नी उमार आवणा वालअ नी लकुआ ने बिमारे वणा कनी लाजअ नी वणाय वणय होज किदअ। 25नी गलील, नी दिकापुलिस, नी यरूसलेम, नी यहुदिया नी यरदन नदी ने पेली हाड़े हू पीढ़ वणा वाहे थाई गई।
اکنون انتخاب شده:
मती 4: WBR
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI
CC BY-NC-ND 4.0
