روملولارا 5
5
تاری ائنن باریشماق
1بله ده ائمان واسئطهسی ائنن صالح ساییلدیغیمیز اوچون، ربّئمئز عئسا مسئح واسئطهسی ائنن تاری ائنن باریشیمیز وار. 2اله اونون واسئطهسی ائنن ده ائچئنده دوردوغوموز بو فیضی ائمان ائنان اَله گتئردئک و تارینین جلالینین اومئدئنه فخر الهیئرئک. 3و آنجاق بو قدر یوخ، موصئبتلرده ده فخر الهیئرئک، چونکی بئلئرئک کی، موصئبت تحمّول یارادار، 4تحمّول شخصئیّت، شخصئیّت ده اومئد 5و اومئد اوتاندیرماز؛ چونکی تارینین محبّتی بئزه ورئلن موقدّس روحون واسئطهسی ائنن اورَکلرئمئزه تؤکولوب.
6چونکی بئز حله ضعئف اولاندا، مسئح موعیّن زاماندا گوناهکارلار یولوندا اؤلدی. 7صالح بئر آدامین عوضئنده بئرئنئن اؤلمهسی چتئن باش ورَر؛ گرچی مومکون دور بئرئنده بو شهامت اولا کی جانینی یاخشی بئر آدامین عوضئنده وره. 8آمّا تاری بئزه اولان محبّتئنی بونون ائنان ثابئت الهیئر کی، بئز حله گوناهکار اولاندا، مسئح بئزئم عوضئمئزده اؤلدی. 9ائندی کی، اونون قانی ائنن صالح ساییلمیشیق، بس نه قدر آرتیق اونون واسئطهسی ائنن ده تارینین قضبئندن نئجات تاپاجاغیق. 10چونکی اگر بئز تارینین دوشمنی اولان حالدا، اونون اوغلونون اؤلمهسی ائنن تاری ائنن باریشدیق، بس نه قدر داها چوخ، باریشمیش اولان حالدا اونون حیاتی ائنن نئجات تاپاجاغیق. 11نه فقط بو، بلکی بئز تاریدا دا ربّئمئز عئسا مسئحئن واسئطهسی ائنن فخر الهیئرئک کی، ائندی اونون واسئطهسی ائنن باریشیغا نایئل اولموشوق.
اؤلوم و حیات
12بونا گؤره، نجه کی، گوناه تک بئر آدامین واسئطهسی ائنن و اؤلوم ده گوناهین واسئطهسی ائنن دونیایا گئردی، اِله اوجور ده اؤلوم بوتون ائنسانلارا گلدی، چونکی هامی گوناه الهیئب. 13شرئعتدن قاباق دا دونیادا گوناه وار ائدی، آمّا شرئعت اولمایان یرده گوناه حسابا گلمز. 14آمّا آدمدن موسایا قدر اؤلوم هامییا حؤکمرانلیق الهدی، حتّا اولارا دا کی، آدمئن گوناهینا بنزهر بئر گوناه اله مهدئلر. آدم او گلهجک آدامین شکئلی ائدی.
15آمّا تارینین عوضسئز هدئیّهسی، تقصئر کئمی دیئل. چونکی اگر بئر نفرئن تقصئری اوزوندن چوخ آدام اؤلدولر، تارینین فیضی و تک بئر آدامین، یعنی عئسا مسئحئن فیضی ائنن ورئلن هدئیّه، بئر چوخلارینا داها دا چوخ ورئلدی. 16تارینین هدئیّهسی او تک بئر نفرئن گوناهینین نتئجهسی کئمی دیئل: بئر گوناهدان سورا گلن حؤکم محکومئیّت گتئردی، آمّا چوخ تقصئرلردن سورا گلن هدئیّه، صالحلئک گتئردی. 17چونکی اگر اؤلوم بئر تک آدامین تقصئری اوزوندن، او تک آدامین واسئطهسی ائنن حؤکمرانلیق اِله دی، بس نه قدر چوخ او آداملار کی، تارینین بول فیضئنی و صالحلئک هدئیّهسئنی قبول الهیئرلر، او تک بئر آدام، یعنی عئسا مسئحئن واسئطهسی ائنن حیاتدا حؤکمرانلیق الئیهجکلر.
18دمهلی، بئر گوناه اوزوندن نجه بوتون ائنسانلارا محکومئیّت گلدی، اِله اوجور ده، بئر صالح عمل اوزوندن بوتون ائنسانلارا حیات صالحلئیی گلدی. 19چونکی نجه بئر نفرئن ائطاعتسئزلئیی بئر چوخلارینی گوناهکار الهدی، اِله اوجور ده، تک بئر نفرئن ائطاعتی سایهسئنده بئر چوخلاری صالح ساییلاجاقلار.
20شرئعت آرایا گئردی کی، گوناه چوخالسین؛ آمّا گوناه چوخالان یرده تارینین فیضی لاپ دا چوخالدی. 21اله کی، گوناه اؤلوم ائنن حؤکمرانلیق الهدئیی کئمی، فیض ده ربّئمئز عئسا مسئحئن واسئطهسی ائنن، صالحلئیئن واسئطهسی ائنن ابدی حیات ورمک اوچون حؤکمرانلیق الهسئن.
اکنون انتخاب شده:
روملولارا 5: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company