لوقا روایت 15
15
ائتمئش قویونون مَثلی
1بو زامان بوتون باج ییغانلار و گوناهکارلار عئسانین یانینا یغیلیردیلار کی، اونون سؤزلرئنی اِشئتسئنلر. 2فرئسی فئرقهسئنئن عالئملری ائنن تؤورات موعلّئملری میریلدانیب دیئردئلر: «بو آدام گوناهکارلاری قبول اِله یئر و اولار ائنان یِمک یِیئر.»
3عئسا دا اولارا بو مثلی گتئرئب ددی: 4«سئزلردن کئم وار کی، یوز قویونی اولسا و اگر اولاردان بئرئنی ائتئرسه، قالان دوخسان دوقّوز قویونی چؤلده بوراخیب، ائتمئش قویونون دالیسیجا گِتمئیه و تاپاناجاق اونی آختارمئیه؟! 5او آدام ائتمئش قویونی تاپاندا، سِوئنئب اونی چئینئنه قویار 6و اِوه گلدئیی زامان اؤز دوستلار و قونشولارینی ییغیب دئیر: ”من ائنن شادلیق الهیئن، چونکی من ائتمئش قویونومی تاپمیشام.“ 7سئزه دیئرم کی، اِله بوجور دا تؤوبه الهین بئر گوناهکار اوچون، گؤیده بؤیوک شادلیق اولاجاق؛ او شادلیقدان آرتیق کی تؤوبهیه مؤحتاج اولمایان دوخسان دوقّوز صالح آداملاردان اؤتری اولار.
ائتمئش سئکه نئن مثلی
8یا دا هانسی آرواد وار کی، اون گوموش سئکه سی اولسا و اگر بئرئنی ائتئرسه چیراق یاندیریب، اِوی سوپوروب، اونی تاپاناجاق آختارمئیه؟! 9تاپان زامان دوستلار و قونشولارینی ییغیب دئیر: ”من ائنن شادلیق الهیئن، چونکی ائتئردئیئم سئکه نی تاپمیشام.“ 10سئزه دیئرم کی، اِله بوجور دا، تؤوبه الهین بئر گوناهکار اوچون تارینین ملکلری حوضوروندا شادلیق اولور.»
ائتمئش اوغولون مثلی
11عئسا ددی: «بئر کئشئنئن ائکی اوغلی وارائدی. 12بئر گون کئچئک اوغول آتاسینا ددی: ”آتا، مالیندان منه یِتئشن پایی، ائندی منه ور!“ آتا دا مالینی اولارین آراسیندا بؤلدی. 13بئر نِچه گون کِچندن سورا، کئچئک اوغول وار-یوخونی ییغیب، اوزاق بئر مملکته گِتدی. و اوردا عیاشلیق ائنان بوتون مالینی تلف الهدی. 14مالینین هامیسینی خَرج اِله یَندن سورا، او مملکتده بؤیوک بئر آجلیق اولدی و او مؤحتاج اولماغا باشلادی. 15اونا گؤره ده گِدئب، او مملکتئن آداملارینین بئرئنئن نؤکری اولدی. او دا اونی اؤز زمئسئنده، دونوز اوتارماغا گؤندَردی. 16اوغلان آرزی اِله یئردی کی، دونوزلارین یدئیی آشغال قابیقلار ائنان قارنینی دویورسون، هچ کس ده اونا بئر شی وِرمئردی. 17آمّا آخیردا اوغول اؤزونه گلئب ددی: ”آتامین ائشچئلرئنئن، هامیسینین بوللوقجا چؤرهیی وار، آمّا من بوردا آجلیقدان اؤلورَم. 18قالخیب آتامین یانینا گدَرَم اونا دئیهرم: آتا، تارییا و سَنه گوناه اِله مئشم. 19آرتیق سنئن اوغلون چاغیریلماغا لایئق دِیئلم. من ائنن اؤز ائشچئلرئنئن بئرئسی کئمی رفتار اِله.“
20اوغول قالخیب، آتاسینین اوئنه ساری گِتدی. آمّا حَله اوزاقدا اولاندا، آتاسی اوغولی گؤروب، اونا اورهیی یاندی و قاچیب اونی قوجاقلادی اؤپدی. 21اوغول اونا ددی: ”آتا، تارییا و سَنه گوناه اِلَه مئشم، آرتیق سنئن اوغلون چاغیریلماغا لایئق دِیئلم.“ 22آمّا آتا اؤز قوللارینا ددی: ”تِز اولون، پالتارلارین لاپ گؤزَلئنی گتئرئب اونا گیئندئرئن، بارماغینا اوزوک سالین و آیاقلارینا دا باشماق. 23کؤکَلدئلمئش دانانی گتئرئن، باشینی کَسئن؛ کی یِیئب شادلیق اِله یک! 24چونکی بو اوغلوم اؤلموشدی، دئرئلدی. ائتمئشدی، تاپیلدی.“ و شادلیق اِله مه یه باشلادیلار.
25بؤیوک اوغولی اَکئن یرئنده ائدی. قاییداندا، اِوه یاخینلاشدیغی زامان اوخوماق و اویناماق سَسی اِشئتدی. 26نؤکرلردن بئرئنی چاغیریب سوروشدی کی نه خبر دئر. 27نؤکر ده اونا ددی: ”قارداشین گلئب، آتان دا اونی صاغ-سالامات تاپدیغی اوچون کؤکلدئلمئش دانانی کَسئب.“ 28آمّا بؤیوک اوغول حئرصلهنئب، ائستمهدی ائچهری گئرسئن. آتاسی چیخیب اونا یالواردی. 29آمّا او، آتاسینا جاواب ورئب ددی: ”باخ، نچه ائللَردئر کی، سنه خئدمت الهمئشم و هچ زامان سنئن امرئندن چیخمامیشام. آمّا هچ واخت اولماییب کی، سن، کئچئک بئر کِچی منه وِرهسن کی، دوستلاریم ائنان شادلیق الهیم. 30آمّا سنئن مالینی پئس آروادلار ائنان تلف الهین بو اوغلون گلئب و سن اونون اوچون کؤکلدئلمئش دانانی کَسئبسَن!“ 31آتاسی اونا ددی: ”اوغلوم سن همئشه من ائنن سن و بوتون وار-یوخوم سنئندئر. 32ائندی بئزه یاراشار کی شادلیق اِلَه یئب سِوئنک، چونکی سنئن بو قارداشین اؤلموشدی، دئرئلدی. ائتمئشدی، تاپیلدی.“»
اکنون انتخاب شده:
لوقا روایت 15: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
