یوحنّا روایت 18
18
عئسا توتولور
1بو دوعانی الهیندن سورا عئسا شاگئردلری ائنن چیخیب قِدرون درهسئنئن او بئری تایینا کچدی. اوردا بئر باغ وار ائدی. عئسا و شاگئردلری بو باغا گئردئلر. 2عئسایا خیانت الهین یهودا دا بو یری تانیییردی، چونکی عئسا و شاگئردلری تز-تز اوردا ییغیشیردیلار. 3یهودا بئر دسته سرباز گؤتوروب، معبدئن باش کاهئنلری و فرئسی عالئملرئندن آلمیش موحافئظلر ائنن اورایا گلدی. اؤزلری ائنن فنرلر، مشعللر و سئلاحلار گتئرمئشدئلر. 4عئسا باشینا گلهجک هر شیی بئلن حالدا قاباغا گلئب اولارا ددی: «کئمی آختاریرسیز؟» 5اولار جاواب وردئلر: «ناصئرهلی عئسانی.» عئسا اولارا ددی: «منم.» اونا خیانت الهین یهودا دا اولار ائنان دورموشدی. 6عئسا «منم» ددئیی واخت، اولار دالی چکئلئب یره ییخیلدیلار. 7عئسا گئنه ده اولاردان سوروشدی: «کئمی آختاریرسیز؟» اولار جاواب وردئلر: «ناصئرهلی عئسانی.» 8عئسا ددی: «سئزه ددئم کی، منم. اگر منی آختاریرسیز، قویون بولار گتسئنلر.» 9بونی ددی کی، قاباقجا ددئیی بو سؤز یرئنه یتئشسئن کی:«سنئن منه وردئکلرئنئن هچ بئرئسئنی ائتئرمهمئشم.»
10شمعون پطروس اؤز قیلینجینی چکدی و لاپ بؤیوک کاهئنئن قولونی ووروب، صاغ قولاغینی کسدی. او قولون آدی مالخوس ائدی. 11او واخت عئسا پطروسا ددی: «قیلینجینی یرئنه قوی. آتانین منه وردئیی پئیالانی آیا ائچمهیئم؟»
پطروسون ائنکاری
12او زامان سربازلار اؤز فرماندهلری ائنن و یهودی مأمورلار ائنان عئسانی توتوب، اللرئنی باغلادیلار 13و اونی اوّل حنّانین یانینا آپاردیلار. چونکی حنّا، او ائل لاپ بؤیوک کاهئن اولان قیافانین قایینآتاسی ائدی. 14قیافا او آدام ائدی کی، یهودئلره تؤوصئیه اله مئشدی بئر تک آدامین اؤلمهسی خالقین یولوندا یاخشیدیر.
15شمعون پطروس و آیری بئر شاگئرد عئسانین دالیسیجا گتدئلر. او شاگئرد لاپ بؤیوک کاهئنئن تانیشلاریندان ائدی، اونا گؤره ده عئسا ائنن برابر لاپ بؤیوک کاهئنئن حیطئنه گئردی. 16آمّا پطروس اشئکده، قاپینین یانیندا دورموشدی. اونون اوچون ده لاپ بؤیوک کاهئن ائنن تانیش اولان او بئری شاگئرد قاپیچی قیز ائنان دانیشیب، پطروسی ائچهری گتئردی. 17بو آرادا قاپیچی قیز پطروسا ددی: «سن کی، بو آدامین شاگئردلرئندن دیئلسن؟» پطروس ددی: «دیئلم.»
18هاوا سویوق ائدی. نؤکرلر و موحافئظلر کؤمور یاندیرمیشدیلار و اونون اطرافیندا دوروب قیزیشیردیلار. پطروس دا اولار ائنان دوروب اؤزونی قیزیشدیریردی.
19او زامان لاپ بؤیوک کاهئن عئسادان شاگئردلری و تعلئملری حاقّیندا سوروشدی. 20عئسا اونا جاواب وردی: «من ددئکلرئمی عالمه آچیقجا دمئشم. همئشه یهودئلر ییغیلدیغی عئبادتگاهدا و معبدده تعلئم ورمئشم. من گئزلئنده هچ بئر شی دمهمئشم. 21نئیه مندن سوروشورسان؟ اولاردان سوروش کی ددئکلرئمی اشئدئبلر! اولار منئم نه ددئکلرئمی بئلئرلر.» 22عئسانین آغزیندان بو سؤزلر چیخان واخت، یانیندا دوران موحافئظلردن بئری عئسایا شئلّه ووروب ددی: «لاپ بؤیوک کاهئنه بله جاواب ورئرسن؟» 23عئسا اونا ددی: «اگر سهو بئر سؤز دانیشدیم، سهو الهدئیئمی گؤرسد. آمّا اگر ددئکلرئم دوغرودور، نه اوچون منی وورورسان؟» 24او زامان حنّا عئسانی قوللاری باغلی لاپ بؤیوک کاهئن قیافانین یانینا گؤندَردی.
25شمعون پطروس اوردا دوروب اؤزونی قیزیشدیریردی. اورداکی آداملارین بعضئسی اونا ددئلر: «مگر سن ده اونون شاگئردلرئندن دیئلسن؟» پطروس ائنکار الهیئب ددی: «دیئلم.» 26لاپ بؤیوک کاهئنئن قوللاریندان بئری کی، قولاغی کسئلن قول ائنان قوحوم ائدی و پطروس اونون قولاغینی کسمئشدی، ددی: «مگر من سنی اونونان باغدا گؤرمهدئم؟» 27پطروس گئنه ده ائنکار الهدی و او آندا خوروز بانلادی.
عئسا پئلاطین حوضوروندا
28سحر تِزدن یهودئلر عئسانی قیافانین یانیندان روم والئسئنئن سارایینا آپاردیلار. اولار اؤزلری سارایا گئرمهدئلر کی، شرئعته گوره نجئس ساییلماسینلار و مایاسیز چؤرک یمهیئنی یئیه بئلسئنلر. 29اونا گؤره ده پئلاط سارایدان اولارین یانینا چیخیب ددی: «بو آدامدان نه شئکایتئز وار؟» 30یهودئلر جاواب ورئب اونا ددئلر: «اگر بو آدام تقصئرلی اولماسایدی، اونی گتئرئب سنه تسلئم اله مزدئک.» 31پئلاط اولارا ددی: « سئز اؤزوز اونی آپارین و شرئعتئزه گؤره اؤزوز اونون حاقّیندا حؤکم اِله یئن.» یهودئلر اونا ددئلر: «بئزئم ائجازه مئز یوخدور کی بئرئنی اعدام الهیک.» 32بولار اونا گؤره اولدی کی، عئسانین نهجور اؤلوم ائنن اؤلهجهیی حاقّیندا ددئیی سؤز یرئنه یتئشسئن.
33او زامان پئلاط گئنه سارایا قاییدیب، عئسانی چاغیردی و اونا ددی: «آیا سن یهودئلرئن پادشاهیسان؟» 34عئسا جاواب وردی: «سن بونی اؤزوندن دیئرسن، یوخسا آیری آداملار منئم حاقّیمدا سنه دیئبلر؟» 35پئلاط جاواب وردی: «مگر من یهودئیم؟ سنی اؤز مئلّتئن و معبدئن باش کاهئنلری منه تسلئم الهیئبلر. نه الهیئبسن؟» 36عئسا جاواب وردی: «منئم پادشاهلیغیم بو دونیادان دیئل. اگر پادشاهلیغیم بو دونیادان اولسایدی، نؤکرلرئم جنگ اله یردئلر کی، من یهودئلرئن الئنه ورئلمهیئم. آمّا منئم پادشاهلیغیم بو دونیادان دیئل.» 37او زامان پئلاط اونا ددی: «دمک دوغرودان دا بئر پادشاهسان؟» عئسا جاواب وردی: «سن دیئرسن کی، من بئر پادشاهام. من بونون اوچون آنادان اولموشام و بونون اوچون بو دونیایا گلمئشم کی، حقئقت حاقّیندا شهادت ورئم. حقئقتئن طرفداری اولان هر کس منئم سسئمی اشئدئر.» 38پئلاط اونا ددی: «حقئقت نهدئر؟»
و بونی دئینده گئنه اشئیه، یهودئلرئن یانینا چیخیب اولارا ددی: «من اوندا هچ بئر تقصئر گؤرمورم. 39آمّا سئزئن بئر عادتئز وار کی، پاسخا بایرامیندا سئزئن اوچون زئندانیلردن بئرئنی آزاد الهیئم. آیا ائستهیئرسئز کی، یهودئلرئن پادشاهینی سئزئن اوچون آزاد الهیئم؟» 40یهودئلر قیشقیریب ددئلر: «بو آدامی یوخ، بلکی باراَبّانی آزاد اله!» و بو باراَبّا اوغری ائدی.
اکنون انتخاب شده:
یوحنّا روایت 18: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
