حوارئلرئن ائشلری 9
9
شاعولون ائمان گتئرمهسی
1بو آرادا شاعول کی، حله ده ربّئن شاگئردلرئنئن ضئدّئنه تهدئد و اؤلوم یاغدیریردی، لاپ بؤیوک کاهئنئن یانینا گدئب، 2دَمَشق شهرئنده اولان عئبادتگاهلار اوچون اوندان بئر نامه ائستهدی، اله کی طرئقته عایید اولان هر کسی تاپسا، ائستر کئشی اولسون ائستر آرواد، توتوب باغلاسین و اورشلئمه گتئرسئن.
3یولدا گدنده، دمشقه یاخینلاشدیغی زامان، بئردن گؤیدن بئر ائشیق اونون اطرافینا ائشیلدادی. 4شاعول یره ییخیلیب بئر سس اشئتدی کی، اونا دیئردی: «شاعول! شاعول! نه اوچون منه عذاب ورئرسن؟»
5شاعول ددی: «سن کئمسن، یارب؟»
او دا ددی: «من سنئن عذاب وردئیئن عئسایام. 6ائندی دور و شهره گت. اوردا نه الئیهجهیئن سنه دیئلهجک.»
7شاعول ائنان سفره چیخان آداملار دونوب قالمیشدیلار؛ اولار سسی اشئدئردئلر، آمّا هچ کئمی گؤرموردولر. 8شاعول یردن دوردی و گرچی گؤزلری آچیق ائدی، آمّا هچ بئر شی گؤره بئلمئردی؛ بونا گؤره اَلئندن توتوب اونی دَمَشقه آپاردیلار. 9اوچ گون گؤزلری گؤرموردی؛ نه بئر شی یدی، نه ده ائچدی.
10دمشقده حنانئیا آدیندا بئر شاگئرد وار ائدی. رب اونا رؤیادا ددی: «حنانئیا!»
او دا ددی: «بلی، یارب!»
11رب اونا ددی: «دور، دوز دیئلن کوچهیه گت و یهودانین اِوئنده طرسوسلی شاعول آدلانان بئر کئشئنی آختار. او ائندی دوعا الهیئر. 12او رؤیادا حنانئیا آدیندا بئر کئشئنی گؤروب کی، ائچهری گئرئب اونون اوستونه اَل قویدی اِله کی، گؤزلری گؤرسون.»
13آمّا حنانئیا جاواب وردی: «یارب، بو آدامین حاقّیندا چوخلاریندان اشئتمئشم کی، اورشلئمده سنئن موقدّسلرئنه نه قدر پئسللئک الهیئب. 14و بوردا باش کاهئنلردن ائختئیاری وار کی، بوتون سنئن آدینی ذئکر الهینلری توتوب باغلاسین.»
15آمّا رب اونا ددی: «گت، او منئم سچدئیئم قابدیر، اله کی منئم آدیمی قیرییهودئلر، پادشاهلار و ائسرایئل خالقی یانینا آپارسین. 16اونا گؤرسدهجهیم کی، منئم آدیمین خاطئرئنه گرک نه قدر عذاب چکسئن.»
17حنانئیا گدئب او اِوه گئردی و اللرئنی اونون اوستونه قویوب ددی: «شاعول قارداش! گلدئیئن یولدا سنه گؤرونن رب عئسا منی گؤندَرئب کی، گؤزلرئن گئنه گؤرسون و موقدّس روح ائنان دولاسان.» 18او آندا شاعولون گؤزلرئندن پولجوق کئمی بئر شی دوشدی. اونون گؤزلری گئنه گؤردی و قالخیب تعمئد آلدی. 19سورا یمک ییئب قووّتلندی.
شاعول اعلان الهمهیه باشلاییر
بئر نچه گون ده دمشقده اولان شاگئردلر ائنن قالدی. 20شاعول فورَن عئبادتگاهلاردا عئسا حاقّیندا اعلان الهمهیه باشلاییب دیئردی: «عئسا تارینین اوغلودور.» 21اشئدنلرئن هامیسی حیران قالیب دیئردئلر: «مگر بو آدام او دیئل کی، اورشلئمده بو آدی ذئکر الهینلری محو الهیئردی و بورایا دا اونون اوچون گلئب کی، اولاری قولوباغلی باش کاهئنلرئن یانینا آپارسین؟!» 22آمّا شاعول داها دا قووّتلهنئب، عئسانین وعده ورئلن مسئح اولدوغونی ثابئت الهمک ائنن دَمَشقده یاشایان یهودئلری مات قویوردی.
23چوخ گونلر کچندن سورا، یهودئلر اونی اؤلدورمک اوچون نقشه چکدئلر. 24آمّا اولارین قصدی شاعولا معلوم اولدی. اولار گجه-گوندوز شهرئن دروازالارینی گودوردولر کی، اونی اؤلدورسونلر. 25آمّا شاگئردلری گجهائکن اونی بئر سبده قویدولار و شهر دووارینین باجاسیندان ساللاییب، آشاغی اندئردئلر.
26شاعول، اورشلئمه گلدئیی واخت، اللشئردی کی، شاگئردلره قوشولسون؛ آمّا هامی اوندان قورخوردی چونکی اونون شاگئرد اولدوغونا ائنانمیردیلار. 27آمّا بارنابا اونی گؤتوروب، حوارئلرئن یانینا گتئردی و اولارا نقل الهدی کی، نجه شاعول یولدا ربّی گؤروب و رب اونونان دانیشیب و نجه دَمَشقده عئسانین آدیندا جسارت ائنن تعلئم ورئب. 28بله ده شاعول اولار ائنان قالدی و اورشلئمده، باش چکدئکلری هر یرده حوارئلر ائنن ائدی و ربّئن آدیندا جسارت ائنن تعلئم ورئردی. 29یونانی دانیشان یهودئلر ائنن ده دانیشیب بحث الهیئردی، آمّا اولار بئر یول آختاریردیلار کی، اونی اؤلدورسونلر. 30اوندا کی قارداشلار بوندان خبردار اولدولار شاعولی گؤتوروب قیصرئیّهیه گتئردئلر و اوردان طرسوس شهرئنه گؤندَردئلر.
31بله ده کئلئسا، بوتون یهودئیهده، جلئلده و سامئرهده آراملیق تاپیب قووّتلهنئردی؛ و ربّئن قورخوسوندا و موقدّس روحون تشوئقئنده یاشاییب چوخالیردی.
پطروسون خئدمتی
32پطروس هر طرفی گزن واخت، لئدّهده یاشایان موقدّسلرئن ده یانینا گلدی. 33اوردا اِنئیاس آدیندا بئر نفر ائنن راستلاشدی کی، ائفلئج اولدوغونا گؤره، سکّئز ائلدن بری دؤشکده یاتیردی. 34پطروس اونا ددی: «انئیاس، عئسا مسئح سنه شفا ورئر. قالخ و دؤشه یئنی ییغیشدیر!» او دا او آندا قالخدی. 35لئدّه و شارون دا یاشایانلارین هامیسی اونی گؤردولر و ربّه ساری دؤندولر.
36یافا شهرئنده یاشایان طابئتا آدیندا بئر شاگئرد وار ائدی. طابئتانین ترجومهسی جیراندیر. بو آرواد دائم یاخشیلیق الهیئب فاغیرلارا کؤمک الهیئردی. 37بو آرواد او گونلرده ناخوشلاییب اؤلدی و جسدئنی یویاندان سورا، بالاخانایا قویدولار. 38لئدّه یافایا یاخین ائدی، بله ده شاگئردلر پطروسون اوردا اولدوغونی اِشئدنده، اونون یانینا ائکی نفری گؤندَرئب یالواردیلار کی، «یوبانمادان یانیمیزا گل!»
39پطروس قالخیب اولار ائنان گتدی. گلدئیی واخت، اونی بالاخانایا آپاردیلار. بوتون دول آروادلار پطروسون یانیندا دوروب آغلاییردیلار و بوتون او کؤینکلر و پالتارلاری گؤرسدئردئلر کی، جیران دئرئلئیئنده اولار اوچون تئکمئشدی.
40آمّا پطروس اولارین هامیسینی اشئیه گؤندَردی و دئز چؤکوب دوعا الهدی. سورا جسده ساری دؤنوب ددی: «طابئتا، قالخ!» آرواد گؤزلرئنی آچدی و پطروسی گؤرن واخت، قالخیب اوتوردی. 41پطروس آروادین الئندن توتوب قالخیزدی و موقدّسلری و دول آروادلاری چاغیریب، اونی دئری اولارا تاپشیردی. 42بو، بوتون یافادا یاییلدی و بئر چوخلاری ربّه ائمان گتئردئلر. 43پطروس چوخ گونلر یافادا شمعون آدیندا بئر دابّاغین اِوئنده قالدی.
اکنون انتخاب شده:
حوارئلرئن ائشلری 9: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
