حوارئلرئن ائشلری 13
13
بارنابا و شاعول گؤندَرئلئر
1انطاکئیهده اولان کئلئسادا بعضی پیغمبرلر و موعلّئملر وار ائدی؛ بارنابا، و نئگر چاغیریلان شمعون، کرِنِیلی لوکئیوس، حاکئم هئرودون سود قارداشی ماناعِن و شاعول. 2او زامان کی، اولار ربّه خئدمت الهیئب، اوروج توتموشدولار، تارینین موقدّس روحی ددی: «تعیئن الهدئیئم ائش اوچون بارنابا و شاعولی منه آییرین.» 3اوندا اوروج توتوب دوعا الهیندن سورا، اولارین اوستونه اَللرئنی قویوب یولا سالدیلار.
تارینین کلامینین خوش خبری قئبرئس ده
4بله ده، اولار موقدّس روح طرفئندن گؤندَرئلن حالدا، سلوکئیهیه گتدئلر و اوردان گمی ائنن قئبرئسه گلدئلر. 5سالامئس شهرئنه چاتدیقلاری زامان، یهودئلرئن عئبادتگاهلاریندا تارینین کلامینی اعلان الهمهیه باشلادیلار. یوحنّا دا اولارا کؤمکچی ائدی.
6بوتون جزئرهنی پافوس شهرئنه قدر گزندن سورا، باریشّوع آدیندا یهودی بئر جادوگر و یالانچی پیغمبره راست گلدئلر. 7او روملی والی ’سرگئیوس پولوسون‘ یولداشلاریندان ائدی. والی کی آغیلّی بئر آدام ائدی بارنابا و شاعولی چاغیریب، تارینین کلامینی اشئتمک ائستهدی. 8آمّا علئما کی آدی جادوگر ترجومه اولونور اولارا ضئدّ دوروب اَللشدی کی، والئنی ائماندان آزدیرسین. 9آمّا شاعول کی، پولوس آدیندا دا تانینیردی، موقدّس روح ائنان دولی گؤزلرئنی اونا دئکئب، ددی: 10«ای هر جور حئیله و حؤقّهبازلیق ائنان دولی آدام، ای ائبلئس اوغلی، ای بوتون صالحلئیئن دوشمنی، ربّئن دوز یوللارینی اَیری الهمکدن اَل چکمهیهجکسن؟! 11ائندی باخ، ربّئن الی سنئن اوستونه گلئب؛ کور اولاجاقسان و موعیّن بئر واختا قدر گونشی گؤرمهیهجکسن!»
او آندا اونون اوستونه بئر دومان و بئر قارانلیق دوشدی و اورا-بورا سورونوب، بئرئنی آختاریردی کی، الئندن توتوب آپارسین. 12او زامان والی، نه باش وردئیئنی گؤرَنده، ربّئن تعلئمئنه مات قالیب ائمان گتئردی.
پولوس و بارنابا اَنطاکئیهده
13پولوس و یولداشلاری دهنزه ووروب، پافوس شهرئندن پامفئلئیه وئلایتئنئن پِرجه شهرئنه گلدئلر. آمّا اوردا یوحنّا اولاردان آیریلیب اورشلئمه قاییتدی. 14اولار پِرجهدن کچئب پئسئدئیه منطقهسئده کی انطاکئیه شهرئنه گلدئلر و موقدّس شنبه گونی عئبادتگاها گدئب اوتوردولار. 15تؤورات و پیغمبرلرئن یازیلارینی اوخویاندان سورا، عئبادتگاه ریئسلری اولارا خبر گؤندَرئب ددئلر: «قارداشلار، اگر خالقا تشوئق اوچون سؤزوز وار، دیئن.»
16او زامان پولوس قالخدی و اَلی ائنن ائشاره الهیئب ددی: «ای ائسرایئلئن کئشئلری، ای تاریدان قورخانلار، قولاق آسین! 17بو ائسرایئل خالقینین تاریسی آتالاریمیزی سچدی و مئصئر دئیاریندا قالان زامان اولاری بؤیوک الهدی و بؤیوک بئر قودرت ائنن اولاری اوردان چیخارتدی. 18و قیرخ ائله قدر چؤلده اولاری دؤزدی. 19کَنَعان دئیاریندا یدّی مئلّتی هلاک الهیندن سورا، اولارین اؤلکهلرئنی بؤلوب اؤز خالقینا مئراث وردی. 20بولارین هامیسی دؤرد یوز الّی ائل عرضئنده باش وردی.
«بولاردان سورا سمویئل پیغمبره قدر اولارا داورلر وردی. 21سورا پادشاه ائستهدئلر؛ تاری دا بنیامئن قبئلهسئندن قئش اوغلی شاعول آدیندا بئر کئشئنی اولارا وردی کی قیرخ ائل اولارا پادشاهلیق الهدی. 22اونی ردّ الهیندن سورا، داوودی اولارا پادشاه تعیئن الهدی و اونون بارهسئنده شهادت ورئب ددی: ”یسّه اوغلی داوودی اورهیئمه مووافئق بئر آدام تاپمیشام کی، بوتون ائستهدئیئمی یرئنه یتئرهجک.“
23«بو آدامین نسلئندن، تاری، وعدهیه گؤره، بئر نئجات ورن یعنی عئسانی ائسرایئله گؤندردی. 24اونون گلمهسئندن قاباق، یحیا بوتون ائسرایئل خالقینا تؤوبه تعمئدئنی اعلان الهمئشدی. 25یحیا اؤز دؤورونی تاماملایاندا دیئردی؛ ”منی کئم ساییرسیز؟ من او دیئلم. آمّا باخین، مندن سورا بئری گلئر کی، من اونون باشماغینین باغینی دا آچماغا لایئق دِیئلم.“
26قارداشلار، ای ائبراهئم پیغمبرئن نسلی و ای سئزئن آرازدا اولان تاریدان قورخان قیر یهودئلر! بو نئجات کلامی بئزه گؤندَرئلئب. 27اورشلئمده ساکئن اولانلار و اولارین ریئسلری عئسانی تانیمادیلار و اونی محکوم الهمک ائنن، پیغمبرلرئن یازیلارینی کی هر شنبه گونی اوخونور، یرئنه یتئردئلر. 28اوندا اؤلومه لایئق بئر دلئل تاپمادیقلاری حالدا، پئلاطدان ائستهدئلر کی، اونی اؤلدورسون. 29و اونون بارهسئنده یازیلمیش اولان بوتون شیلری یرئنه یتئرئب، اونی چارمیخدان اِندئردئلر و قبئره قویدولار. 30آمّا تاری اونی اؤلولردن دئرئلتدی. 31عئسا، چوخ گونلر عرضئنده اؤزونی اونونان جلئلدن اورشلئمه گلنلره گؤرستدی، اله همن او آداملارا کی، ائندی خالقین آراسیندا اونون شاهئدلریدئرلر.
32«بئز، آتالاریمیزا ورئلن وعدهنئن خوش خبرئنی سئزه اعلان الهیئرئک کی، 33بو وعدهنی تاری، عئسانی دئرئلتمک ائنن اولارین اؤولادلاری اولان بئزلر اوچون یرئنه یتئردی. نجه کی، ائکئنجی مزموردا دا یازیلیب:
«”سن منئم اوغلومسان،
بو گون من سنه آتا اولدوم.“
34«تاری اونی اؤلولردن دئرئلتدی اله کی اصلا چورومهیی گؤرمه سئن. تاری بله دیئب:
«”موقدّس و یقئن برکتلرئنی
کی وعده سی داوودا ورئلئب
سئزه ورهجهیم.“
35بونا گؤره آیری بئر یرده بونی دا دیئر:
«” قویمایاجاقسان سنئن موقدّسئن
چورومهیی گؤرسون.“
36چونکی داوود اؤز دؤورانیندا تارینین ائراده سئنه خئدمت الهیئب، اؤلدی و آتالارینا قوشولوب چورومه یی گؤردی. 37آمّا تارینین دئرئلتدئیی شخص چورومه یی گؤرمهدی.
38«بله ده، ای قارداشلار، بئلئن کی، اونون واسئطهسی ائنن گوناهلارین باغیشلانماسی سئزه اعلان اولونور 39و اونون سایهسئنده ائمان گتئرن هر کس هر شیدن آزاد اولونور، او شیلردن کی، موسانین شرئعتی ائنن آزاد اولا بئلمئردئز. 40بونون اوچون دئقّت الهیئن کی، پیغمبرلرئن کئتابلاریندا دیئلن سئزئن باشیزا گلمهسئن:
41«”باخین، ای تحقئر الهینلر،
حیرتدن مات قالین و محو اولون؛
چونکی سئزئن گونلرئزده من اِله بئر ائش گؤرورَم کی،
اونی بئری سئزه بیان الهسه ده،
ائنانمازسیز.“»
42پولوس و بارنابا عئبادتگاهدان اشئیه چیخان واخت، خالق اولارا یالواریردیلار کی، گلن موقدّس شنبه ده اولارا بو سؤزلر دیئلسئن. 43جاماعات عئبادتگاهدان داغیلاندا، یهودئلردن و یهود دئنئنه دؤنَنلردن چوخلاری پولوس و بارنابانین دالیسیجا گتدئلر؛ پولوس و بارنابا دا بو آداملار ائنان دانیشیب اولاری تشوئق الهیئردئلر کی، تارینین فیضئنده ثابئت قالسینلار.
44گلن موقدّس شنبه تخمئنَن بوتون شهر ییغیلدی کی، تارینین کلامینی اشئتسئن. 45آمّا یهودئلر، جاماعاتی گؤرنده، پاخیلّیقدان دولدولار و پولوسون ددئیی سؤزلره ضئدّ دانیشیب حؤرمتسئزلئک الهدئلر.
46آمّا پولوس و بارنابا جسارت ائنن دانیشیب ددئلر: «لازیم ائدی کی، تارینین کلامی اوّل سئزه دیئلسئن. ائندی کی، سئز اونی ردّ الهیئرسئز و ابدی حیاتا لایئق اولمادیغیزا حؤکم الهیئرسئز، باخین، بئز ده قیرییهودئلر طرفئنه دؤنوروک. 47چونکی رب بئزه بله امر الهیئب:
«”سنی قیرییهودئلر اوچون ائشیق قویدوم کی،
نئجاتی یرئن او بئری باشینا قدر یِتئرهسن.“»
48قیرییهودئلر بو سؤزی اشئدن واخت سوئندئلر و شادلیق الهیئب تارینین کلامینی عئزّتلندئردئلر؛ و ابدی حیاتا تعیئن اولونانلارین هامیسی ائمان گتئردئلر.
49و ربّئن کلامی بوتون او منطقه ده یاییلیردی. 50آمّا یهودئلر مؤعتبر دئندار آروادلاری و شهرئن نوفوذلی آداملارینی قالخیزیب فئتنه یاراتدیلار کی، پولوس و بارنابانی اذئیّت الهسئنلر. و اولاری اؤز منطقهلرئندن قوودولار. 51پولوس و بارنابا دا آیاقلارینین توزونی اولارین ضئدّئنه سئلکئب، ائقونئیه شهرئنه گتدئلر. 52شاگئردلر شادلیق و موقدّس روحدان دولی ائدئلر.
اکنون انتخاب شده:
حوارئلرئن ائشلری 13: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
حوارئلرئن ائشلری 13
13
بارنابا و شاعول گؤندَرئلئر
1انطاکئیهده اولان کئلئسادا بعضی پیغمبرلر و موعلّئملر وار ائدی؛ بارنابا، و نئگر چاغیریلان شمعون، کرِنِیلی لوکئیوس، حاکئم هئرودون سود قارداشی ماناعِن و شاعول. 2او زامان کی، اولار ربّه خئدمت الهیئب، اوروج توتموشدولار، تارینین موقدّس روحی ددی: «تعیئن الهدئیئم ائش اوچون بارنابا و شاعولی منه آییرین.» 3اوندا اوروج توتوب دوعا الهیندن سورا، اولارین اوستونه اَللرئنی قویوب یولا سالدیلار.
تارینین کلامینین خوش خبری قئبرئس ده
4بله ده، اولار موقدّس روح طرفئندن گؤندَرئلن حالدا، سلوکئیهیه گتدئلر و اوردان گمی ائنن قئبرئسه گلدئلر. 5سالامئس شهرئنه چاتدیقلاری زامان، یهودئلرئن عئبادتگاهلاریندا تارینین کلامینی اعلان الهمهیه باشلادیلار. یوحنّا دا اولارا کؤمکچی ائدی.
6بوتون جزئرهنی پافوس شهرئنه قدر گزندن سورا، باریشّوع آدیندا یهودی بئر جادوگر و یالانچی پیغمبره راست گلدئلر. 7او روملی والی ’سرگئیوس پولوسون‘ یولداشلاریندان ائدی. والی کی آغیلّی بئر آدام ائدی بارنابا و شاعولی چاغیریب، تارینین کلامینی اشئتمک ائستهدی. 8آمّا علئما کی آدی جادوگر ترجومه اولونور اولارا ضئدّ دوروب اَللشدی کی، والئنی ائماندان آزدیرسین. 9آمّا شاعول کی، پولوس آدیندا دا تانینیردی، موقدّس روح ائنان دولی گؤزلرئنی اونا دئکئب، ددی: 10«ای هر جور حئیله و حؤقّهبازلیق ائنان دولی آدام، ای ائبلئس اوغلی، ای بوتون صالحلئیئن دوشمنی، ربّئن دوز یوللارینی اَیری الهمکدن اَل چکمهیهجکسن؟! 11ائندی باخ، ربّئن الی سنئن اوستونه گلئب؛ کور اولاجاقسان و موعیّن بئر واختا قدر گونشی گؤرمهیهجکسن!»
او آندا اونون اوستونه بئر دومان و بئر قارانلیق دوشدی و اورا-بورا سورونوب، بئرئنی آختاریردی کی، الئندن توتوب آپارسین. 12او زامان والی، نه باش وردئیئنی گؤرَنده، ربّئن تعلئمئنه مات قالیب ائمان گتئردی.
پولوس و بارنابا اَنطاکئیهده
13پولوس و یولداشلاری دهنزه ووروب، پافوس شهرئندن پامفئلئیه وئلایتئنئن پِرجه شهرئنه گلدئلر. آمّا اوردا یوحنّا اولاردان آیریلیب اورشلئمه قاییتدی. 14اولار پِرجهدن کچئب پئسئدئیه منطقهسئده کی انطاکئیه شهرئنه گلدئلر و موقدّس شنبه گونی عئبادتگاها گدئب اوتوردولار. 15تؤورات و پیغمبرلرئن یازیلارینی اوخویاندان سورا، عئبادتگاه ریئسلری اولارا خبر گؤندَرئب ددئلر: «قارداشلار، اگر خالقا تشوئق اوچون سؤزوز وار، دیئن.»
16او زامان پولوس قالخدی و اَلی ائنن ائشاره الهیئب ددی: «ای ائسرایئلئن کئشئلری، ای تاریدان قورخانلار، قولاق آسین! 17بو ائسرایئل خالقینین تاریسی آتالاریمیزی سچدی و مئصئر دئیاریندا قالان زامان اولاری بؤیوک الهدی و بؤیوک بئر قودرت ائنن اولاری اوردان چیخارتدی. 18و قیرخ ائله قدر چؤلده اولاری دؤزدی. 19کَنَعان دئیاریندا یدّی مئلّتی هلاک الهیندن سورا، اولارین اؤلکهلرئنی بؤلوب اؤز خالقینا مئراث وردی. 20بولارین هامیسی دؤرد یوز الّی ائل عرضئنده باش وردی.
«بولاردان سورا سمویئل پیغمبره قدر اولارا داورلر وردی. 21سورا پادشاه ائستهدئلر؛ تاری دا بنیامئن قبئلهسئندن قئش اوغلی شاعول آدیندا بئر کئشئنی اولارا وردی کی قیرخ ائل اولارا پادشاهلیق الهدی. 22اونی ردّ الهیندن سورا، داوودی اولارا پادشاه تعیئن الهدی و اونون بارهسئنده شهادت ورئب ددی: ”یسّه اوغلی داوودی اورهیئمه مووافئق بئر آدام تاپمیشام کی، بوتون ائستهدئیئمی یرئنه یتئرهجک.“
23«بو آدامین نسلئندن، تاری، وعدهیه گؤره، بئر نئجات ورن یعنی عئسانی ائسرایئله گؤندردی. 24اونون گلمهسئندن قاباق، یحیا بوتون ائسرایئل خالقینا تؤوبه تعمئدئنی اعلان الهمئشدی. 25یحیا اؤز دؤورونی تاماملایاندا دیئردی؛ ”منی کئم ساییرسیز؟ من او دیئلم. آمّا باخین، مندن سورا بئری گلئر کی، من اونون باشماغینین باغینی دا آچماغا لایئق دِیئلم.“
26قارداشلار، ای ائبراهئم پیغمبرئن نسلی و ای سئزئن آرازدا اولان تاریدان قورخان قیر یهودئلر! بو نئجات کلامی بئزه گؤندَرئلئب. 27اورشلئمده ساکئن اولانلار و اولارین ریئسلری عئسانی تانیمادیلار و اونی محکوم الهمک ائنن، پیغمبرلرئن یازیلارینی کی هر شنبه گونی اوخونور، یرئنه یتئردئلر. 28اوندا اؤلومه لایئق بئر دلئل تاپمادیقلاری حالدا، پئلاطدان ائستهدئلر کی، اونی اؤلدورسون. 29و اونون بارهسئنده یازیلمیش اولان بوتون شیلری یرئنه یتئرئب، اونی چارمیخدان اِندئردئلر و قبئره قویدولار. 30آمّا تاری اونی اؤلولردن دئرئلتدی. 31عئسا، چوخ گونلر عرضئنده اؤزونی اونونان جلئلدن اورشلئمه گلنلره گؤرستدی، اله همن او آداملارا کی، ائندی خالقین آراسیندا اونون شاهئدلریدئرلر.
32«بئز، آتالاریمیزا ورئلن وعدهنئن خوش خبرئنی سئزه اعلان الهیئرئک کی، 33بو وعدهنی تاری، عئسانی دئرئلتمک ائنن اولارین اؤولادلاری اولان بئزلر اوچون یرئنه یتئردی. نجه کی، ائکئنجی مزموردا دا یازیلیب:
«”سن منئم اوغلومسان،
بو گون من سنه آتا اولدوم.“
34«تاری اونی اؤلولردن دئرئلتدی اله کی اصلا چورومهیی گؤرمه سئن. تاری بله دیئب:
«”موقدّس و یقئن برکتلرئنی
کی وعده سی داوودا ورئلئب
سئزه ورهجهیم.“
35بونا گؤره آیری بئر یرده بونی دا دیئر:
«” قویمایاجاقسان سنئن موقدّسئن
چورومهیی گؤرسون.“
36چونکی داوود اؤز دؤورانیندا تارینین ائراده سئنه خئدمت الهیئب، اؤلدی و آتالارینا قوشولوب چورومه یی گؤردی. 37آمّا تارینین دئرئلتدئیی شخص چورومه یی گؤرمهدی.
38«بله ده، ای قارداشلار، بئلئن کی، اونون واسئطهسی ائنن گوناهلارین باغیشلانماسی سئزه اعلان اولونور 39و اونون سایهسئنده ائمان گتئرن هر کس هر شیدن آزاد اولونور، او شیلردن کی، موسانین شرئعتی ائنن آزاد اولا بئلمئردئز. 40بونون اوچون دئقّت الهیئن کی، پیغمبرلرئن کئتابلاریندا دیئلن سئزئن باشیزا گلمهسئن:
41«”باخین، ای تحقئر الهینلر،
حیرتدن مات قالین و محو اولون؛
چونکی سئزئن گونلرئزده من اِله بئر ائش گؤرورَم کی،
اونی بئری سئزه بیان الهسه ده،
ائنانمازسیز.“»
42پولوس و بارنابا عئبادتگاهدان اشئیه چیخان واخت، خالق اولارا یالواریردیلار کی، گلن موقدّس شنبه ده اولارا بو سؤزلر دیئلسئن. 43جاماعات عئبادتگاهدان داغیلاندا، یهودئلردن و یهود دئنئنه دؤنَنلردن چوخلاری پولوس و بارنابانین دالیسیجا گتدئلر؛ پولوس و بارنابا دا بو آداملار ائنان دانیشیب اولاری تشوئق الهیئردئلر کی، تارینین فیضئنده ثابئت قالسینلار.
44گلن موقدّس شنبه تخمئنَن بوتون شهر ییغیلدی کی، تارینین کلامینی اشئتسئن. 45آمّا یهودئلر، جاماعاتی گؤرنده، پاخیلّیقدان دولدولار و پولوسون ددئیی سؤزلره ضئدّ دانیشیب حؤرمتسئزلئک الهدئلر.
46آمّا پولوس و بارنابا جسارت ائنن دانیشیب ددئلر: «لازیم ائدی کی، تارینین کلامی اوّل سئزه دیئلسئن. ائندی کی، سئز اونی ردّ الهیئرسئز و ابدی حیاتا لایئق اولمادیغیزا حؤکم الهیئرسئز، باخین، بئز ده قیرییهودئلر طرفئنه دؤنوروک. 47چونکی رب بئزه بله امر الهیئب:
«”سنی قیرییهودئلر اوچون ائشیق قویدوم کی،
نئجاتی یرئن او بئری باشینا قدر یِتئرهسن.“»
48قیرییهودئلر بو سؤزی اشئدن واخت سوئندئلر و شادلیق الهیئب تارینین کلامینی عئزّتلندئردئلر؛ و ابدی حیاتا تعیئن اولونانلارین هامیسی ائمان گتئردئلر.
49و ربّئن کلامی بوتون او منطقه ده یاییلیردی. 50آمّا یهودئلر مؤعتبر دئندار آروادلاری و شهرئن نوفوذلی آداملارینی قالخیزیب فئتنه یاراتدیلار کی، پولوس و بارنابانی اذئیّت الهسئنلر. و اولاری اؤز منطقهلرئندن قوودولار. 51پولوس و بارنابا دا آیاقلارینین توزونی اولارین ضئدّئنه سئلکئب، ائقونئیه شهرئنه گتدئلر. 52شاگئردلر شادلیق و موقدّس روحدان دولی ائدئلر.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company