حوارئلرئن ائشلری 12
12
پطروسون حبسدن قاچیشی
1اله بو زاماندا، هئرود پادشاه کئلئسایا عایید اولان بعضئلرئنه ظولم الهمهیه باشلادی 2و یوحنّانین قارداشی یعقوبی قیلینج ائنان اؤلدورتدی. 3یهودئلرئن بو ائشدن خوشلاندیغینی گؤرَنده، داوام ورئب پطروسی دا توتدوردی. او واخت مایاسیز چؤرک بایرامینین گونلری ائدی. 4هئرود پطروسی توتدوراندان سورا، اونی زئندانا سالدی و دؤرد نفردن عئبارت دؤرد دسته سربازا تحوئل وردی کی اونون کشئیئنی چکسئنلر. هئرود ائستهیئردی کی، مایاسیز چؤرک بایرامیندان سورا اونی خالقین حوضورونا چیخارتسین.
5بله ده پطروس زئنداندا ساخلانیردی، آمّا کئلئسا طرفئندن تارینین حوضورونا اونون اوچون دائم دوعا اولونوردی.
6اِله همن گجه کی، هئرود ائستهیئردی پطروسی خالقین حوضورونا چیخاردا، او ائکی زنجئر ائنن باغلانمیش و ائکی سربازین آراسیندا یاتمیشدی، کشئکچئلر ده قاپی آغزیندا زئندانین کشئیئنی چکئردئلر. 7بئردن ربّئن بئر ملهیی ظاهئر اولدی و حوجرهنی بئر نور ائشیقلاندیردی. ملک پطروسون بؤیرونه ووروب اونی اویاتدی و ددی: «تز دور!» و زنجئرلر پطروسون اَللرئندن دوشدی.
8ملک اونا ددی: «قورشاغینی باغلا، باشماغینی دا گِی.» پطروس دا بله الهدی. ملک اونا ددی: «عبانی گِی و منئم دالیمجا گل.» 9پطروس اشئیه چیخیب اونون دالیسیجا گتمهیه داوام وردی. او بئلمئردی کی، ملهیئن الهدئکلری دوغرودور بلکی اله دوشونوردی کی، یوخی گؤرور. 10اولار بئرئنجی و ائکئنجی کشئکچئنی کچندن سورا، شهره چیخان دمئر قاپینین یانینا یتئشدئلر کی، اؤزو-اؤزوندن اولارا آچیلدی. اولار چیخیب بئر کوچهنی کچدئلر و بئر آندا ملک اوندان آیریلدی.
11پطروس اؤزونه گلدئیی واخت ددی: «ائندی دوغرودان بئلئرم کی، رب ملهیئنی گؤندَرئب و منی هئرودون اَلئندن و بوتون او بلالاردان کی یهود خالقی گؤزله یئردی منئم باشیما گله، قورتاریب.»
12بونی باشا دوشدویی زامان، مرقوس چاغیریلان یوحنّانین آناسی مریمئن اِوئنه گتدی. بئر چوخلاری اوردا ییغیلیب دوعا الهیئردئلر. 13کوچه قاپیسینی دؤین واخت، رودا آدیندا خئدمتچی بئر قیز گلدی کی قاپینی آچسین. 14پطروسون سسئنی تانییاندا، شادلیقدان قاپینی آچمادان ائچهری قاچیب خبر وردی کی، پطروس قاپیدادیر.
15آمّا اولار اونا ددئلر: «دلی اولوبسان!» آمّا قیز تأکئد الهیئردی کی، بلهدئر. اولار دا دیئردئلر: «بو اونون ملهییدئر!»
16آمّا پطروس حله ده قاپینی دؤیوردی. اولار آچدیقلاری زامان، اونی گؤروب حیرته دوشدولر. 17پطروس اولارا الی ائنن ائشاره الهدی کی، ساکئت اولسونلار. اوندا ربّئن اونی زئنداندان نجه چیخارتدیغینی اولارا نقل الهدی. سورا ددی: «بولاری یعقوب و قارداشلارا خبر ورئن.» و اوردان چیخیب آیری بئر یره گتدی.
18سحر آچیلاندا سربازلار آراسیندا بؤیوک بئر ولوله وار ائدی کی، گؤرهسن پطروسا نه اولدی. 19هئرود پطروسی آختاریب تاپمایاندا کشئکچئلری ائستئنطاق الهدی و امر الهدی کی، اولار اعدام اولونسونلار. اؤزی ده یهودئیهدن قیصرئیّهیه گدئب، اوردا قالدی.
هئرود پادشاهین اؤلومی
20هئرود صور و صئدون اهالئسئنه قضبلنمئشدی؛ اولار دا سؤزی بئر الهیئب اونون یانینا گلدئلر و پادشاهین فرّاشباشیسی بلاستوسی اؤز طرفلرئنه چکئب صولح ائستهیئردئلر، چونکی اولارین مملکتی پادشاهین مملکتئندن ارزاق آلیردی.
21تعیئن اولونموش گونده، هئرود سلطنت پالتارینی گیئب، تخت اوستونده اَیلَشدی و اولارا نوطق الهمهیه باشلادی. 22خالق قیشقیریردی: «بو ائنسان سسی یوخ، بئر آللاه سسیدئر!» 23او آندا ربّئن بئر ملهیی هئرودی ووردی، چونکی جلالی تارییا ورمهدی و قوردلار طرفئندن ییئلئب جان وردی.
24آمّا تارینین کلامی ووسعت آلیب یاییلیردی.
25بارنابا و شاعول خئدمتلرئنی یرئنه یتئرندن سورا، مرقوس چاغیریلان یوحنّانی دا اؤزلری ائنن گؤتوروب اورشلئمدن قاییتدیلار.
اکنون انتخاب شده:
حوارئلرئن ائشلری 12: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
حوارئلرئن ائشلری 12
12
پطروسون حبسدن قاچیشی
1اله بو زاماندا، هئرود پادشاه کئلئسایا عایید اولان بعضئلرئنه ظولم الهمهیه باشلادی 2و یوحنّانین قارداشی یعقوبی قیلینج ائنان اؤلدورتدی. 3یهودئلرئن بو ائشدن خوشلاندیغینی گؤرَنده، داوام ورئب پطروسی دا توتدوردی. او واخت مایاسیز چؤرک بایرامینین گونلری ائدی. 4هئرود پطروسی توتدوراندان سورا، اونی زئندانا سالدی و دؤرد نفردن عئبارت دؤرد دسته سربازا تحوئل وردی کی اونون کشئیئنی چکسئنلر. هئرود ائستهیئردی کی، مایاسیز چؤرک بایرامیندان سورا اونی خالقین حوضورونا چیخارتسین.
5بله ده پطروس زئنداندا ساخلانیردی، آمّا کئلئسا طرفئندن تارینین حوضورونا اونون اوچون دائم دوعا اولونوردی.
6اِله همن گجه کی، هئرود ائستهیئردی پطروسی خالقین حوضورونا چیخاردا، او ائکی زنجئر ائنن باغلانمیش و ائکی سربازین آراسیندا یاتمیشدی، کشئکچئلر ده قاپی آغزیندا زئندانین کشئیئنی چکئردئلر. 7بئردن ربّئن بئر ملهیی ظاهئر اولدی و حوجرهنی بئر نور ائشیقلاندیردی. ملک پطروسون بؤیرونه ووروب اونی اویاتدی و ددی: «تز دور!» و زنجئرلر پطروسون اَللرئندن دوشدی.
8ملک اونا ددی: «قورشاغینی باغلا، باشماغینی دا گِی.» پطروس دا بله الهدی. ملک اونا ددی: «عبانی گِی و منئم دالیمجا گل.» 9پطروس اشئیه چیخیب اونون دالیسیجا گتمهیه داوام وردی. او بئلمئردی کی، ملهیئن الهدئکلری دوغرودور بلکی اله دوشونوردی کی، یوخی گؤرور. 10اولار بئرئنجی و ائکئنجی کشئکچئنی کچندن سورا، شهره چیخان دمئر قاپینین یانینا یتئشدئلر کی، اؤزو-اؤزوندن اولارا آچیلدی. اولار چیخیب بئر کوچهنی کچدئلر و بئر آندا ملک اوندان آیریلدی.
11پطروس اؤزونه گلدئیی واخت ددی: «ائندی دوغرودان بئلئرم کی، رب ملهیئنی گؤندَرئب و منی هئرودون اَلئندن و بوتون او بلالاردان کی یهود خالقی گؤزله یئردی منئم باشیما گله، قورتاریب.»
12بونی باشا دوشدویی زامان، مرقوس چاغیریلان یوحنّانین آناسی مریمئن اِوئنه گتدی. بئر چوخلاری اوردا ییغیلیب دوعا الهیئردئلر. 13کوچه قاپیسینی دؤین واخت، رودا آدیندا خئدمتچی بئر قیز گلدی کی قاپینی آچسین. 14پطروسون سسئنی تانییاندا، شادلیقدان قاپینی آچمادان ائچهری قاچیب خبر وردی کی، پطروس قاپیدادیر.
15آمّا اولار اونا ددئلر: «دلی اولوبسان!» آمّا قیز تأکئد الهیئردی کی، بلهدئر. اولار دا دیئردئلر: «بو اونون ملهییدئر!»
16آمّا پطروس حله ده قاپینی دؤیوردی. اولار آچدیقلاری زامان، اونی گؤروب حیرته دوشدولر. 17پطروس اولارا الی ائنن ائشاره الهدی کی، ساکئت اولسونلار. اوندا ربّئن اونی زئنداندان نجه چیخارتدیغینی اولارا نقل الهدی. سورا ددی: «بولاری یعقوب و قارداشلارا خبر ورئن.» و اوردان چیخیب آیری بئر یره گتدی.
18سحر آچیلاندا سربازلار آراسیندا بؤیوک بئر ولوله وار ائدی کی، گؤرهسن پطروسا نه اولدی. 19هئرود پطروسی آختاریب تاپمایاندا کشئکچئلری ائستئنطاق الهدی و امر الهدی کی، اولار اعدام اولونسونلار. اؤزی ده یهودئیهدن قیصرئیّهیه گدئب، اوردا قالدی.
هئرود پادشاهین اؤلومی
20هئرود صور و صئدون اهالئسئنه قضبلنمئشدی؛ اولار دا سؤزی بئر الهیئب اونون یانینا گلدئلر و پادشاهین فرّاشباشیسی بلاستوسی اؤز طرفلرئنه چکئب صولح ائستهیئردئلر، چونکی اولارین مملکتی پادشاهین مملکتئندن ارزاق آلیردی.
21تعیئن اولونموش گونده، هئرود سلطنت پالتارینی گیئب، تخت اوستونده اَیلَشدی و اولارا نوطق الهمهیه باشلادی. 22خالق قیشقیریردی: «بو ائنسان سسی یوخ، بئر آللاه سسیدئر!» 23او آندا ربّئن بئر ملهیی هئرودی ووردی، چونکی جلالی تارییا ورمهدی و قوردلار طرفئندن ییئلئب جان وردی.
24آمّا تارینین کلامی ووسعت آلیب یاییلیردی.
25بارنابا و شاعول خئدمتلرئنی یرئنه یتئرندن سورا، مرقوس چاغیریلان یوحنّانی دا اؤزلری ائنن گؤتوروب اورشلئمدن قاییتدیلار.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company