دوومین نامه قرنتیانیرا 9
9
خَلا اِن اورشلیمی مسیحیونرا
1ایسَه دِ لازِم نییَه اِم خیدمتی خونه کن موقدسَه آدَمونرا اَنجوم بَبی شِمَرا بِنوِسم، 2اِمی خونه کن بموستیمه کاریرا چَنَه خشیرون و اِمی خونه مَقدونیَه ایماندارون وَریکا شمَرا ایفتخار کردَمه.اَیِنِم واتَیَه کن شمَه اَوَسالیکا تا ایسَه خَلا دوعِه اَخائیَه ولَتیرا آمادَ بیرون. شمَه اِم غَیرَت خَیلی اَوونکا نی اِم کاریرا جیکو ژِشَه. 3ولی اِم برا اون رونه بکَمه تا ثابیت ببو چمن ایفتخاری کن اِم موضوع خونه شمه سَر داریمَه دَدارمبو، بَسکم تا هَتَه کن واَتمَه حاضیر ببَه. 4مبو کن اَگَم چند نفر مَقدونیَه ایماندارونکا کَسی بَمِنه بان سرآگِنِن کن شمَه حاضیر نیرون، اَمه اَ ایطمینانی کن شمَه سَر داریمون شرمندَ آبَم، دِ اِمیکا کن شمَه اِشتَن چَنَه شرمندَ آبَه کا چیی ایی نِمَه وات. 5پس واجب ویندمَه کن بَرا اونکا بِپیام نارتَر شمَه ویندِرا بان و اَ خَلااِنی کن وعدَ دوعَرون بَه تدارک بِوینن. تا اِم خلا، خلایی ببو کن صدق دِلینه دوعَرون ببو نِه دیم پِنوعِه نَه.
6چمن گَف اِمه: هَرکَس کم بِکَشِه، کم نی بَدورنوستی، و هَر کَم فِروون بِکَشِه، فِروون نی پِرَگَت. 7هَر کَم هَدَ بدَرِ کن اِشتَن دِلیکا نَظَر دارِ، نِه دیم پِنوعِه نَه و قَرَزینَه، اِمی خونه کن خدا اَ کن خَشینَه خلا دَرِ، رَی بَداشتیَه. 8و خدا بَشایَه شِمَرا هر نعمتی کن ببو ایضاف آکَرِ تا هَمَه چیکا اوزون اِشتَن احتیاجون اَندازَهر نعمتی بدارِ و هَر چاکَه کاری اَنجوم دوعِه را، فِرَوون بِدارَ. 9هَتَه کن کیتاو مزموریکا نِوشته بَیَه:
«دستو دیلبازینَه گیدَلییِنِش بخشِستَه،
چَیی صالح بِه تا اَبَد آمبستَه.»
10و اَ کن دونَه کَشاوَرزیرا و هَردِرا نون آرَدا، شمَه دونَه کَشتو کاریرا آمادَ کردشَه، بَرَکت آرَدا و شمَه صالح بِه اَکینی فرَوون بَکَیَه. 11شمه هر چیی اییکا دولتمند بَبیرونَه تا هر طَرَفیکا دستو دلباز ببَه و شمَه اِم دستو دل بازی چَمَه واسیطنَه خدا شکر کردِرا تَمون آرَب.
12چون کن اِم خیدمَت نه تاکَه موقدسَه آدَمون نیازی برطرف بَکَی، بَسکَم باعیث بَبی خَیلیی اِن بی حد اندازَ خدا شکر بِکَن. 13اِم خیدمتی خونه مردوم خدا شکوه جلال آنَّدا اِمی خونه کن نِه تاکَه ایتراف بکَرون مسیح انجیلی ایمان دارَ بَسکم اَوون و دییرَ کسون اَ چیی ایی دلَکا کن هِستِرونَه شریک بَکَرون. 14هنته نیی خدا اَ یالَه فیضی کن شمَه سَریکارَ اَیِن شمَرا خَشینَه دوا بَکَن. 15خداوندی، چَی یالَه خلا خونه کن حتی زون نییَشا چَی تَریفی دوعِه شکر بکَمون.
اکنون انتخاب شده:
دوومین نامه قرنتیانیرا 9: CTB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company