Hebreo 7
7
U Saserdote a ti Melquizedek
1Ti Melquisedek ay hare ti Salem sakay saserdote nu Kataasan a Diyos. Nikuna a pasole dán ti Abraham a gábwat tu págpuksa tu hare hide ay tinagbu siya ni Melquisedek sakay kinagi na, “Pagpalaán ka nu Panginoon.” 2Inyatád nikuna ni Abraham u ikapo nu atanan a naalap na tu gera. (U purumero a kahulugan nu ngahan ni Melquisedek ay, “Hare a Matuwid.” Sakay hare be siya ni Salem, a u gusto na a kagiyán ay “Hare ni kapayapaan.”) 3I Hariyan iye ay awan ti ama sakay ina kanya awan bi siya neenak sakay awan ti kamatayan. Konna siya tu Anak nu Diyos a saserdote hanggan-hanggan.
4Ina u paketaan ni sakodya ti kadakila ti Melquisedek! Inyatád nikuna ni Abraham a pinakaama nu lahe tam u ikapo nu naalap na tu gera. 5Nadid, ayun tu Kautusan ni Moises, u saserdote hide a gábwat tu lahe ni Levi ay nangalap ti ikapo tu Israelita hide maski ni pare-pareho hide a gábwat tu lahe ni Abraham. 6Ti Melquisedek ay awan gábwat tu lahe ni Levi, pero nakatanggap siya ti ikapo a gábwat ni Abraham. Pinagpala na pa ti Abraham a pinanantuwan nu Diyos. 7Tukoy tam a atanan a mas mataas u mangatád ti págpapala nan tu pinagpala. 8U Levita hide a tumanggap ti ikapo ay matay; pero pinatunayan nu Kasulatan a biyag ti Melquisedek. 9Kaya maare a kagiyán a ti Levi a tumanggap ti ikapo, ay nagikapo be tu pamamag-itan ni Abraham. 10Dipo awan palla neenak ti Levi, makagi a atoy palla siya tu baggi nu ninuno na a ti Abraham nikuna a tagbuwán siya ni Melquisedek.
11U Kautusan ay inyatád nu Diyos tu Israelita hide tán magin ganap hide. Ni u pagin ganap ay natanggap tamon, tu pamamag-itan nu saserdote a gábwat tu lahe ni Levi ay awan dán nakwa kailangan u iba a saserdote, ayun tu pagkasaserdote ni Melquisedek a iba tu pagkasaserdote ni Aaron. 12Ni baguwán u pagkasaserdote ay kailangan be a baguwán u Kautusan. 13U kákkagiyán ku he a saserdote ay u Panginoon Jesus. Kabilang siya tu agum a lahe sakay maski essa tu lahe na ay awan ti nagin saserdote. 14Dipo tukoy nu atanan a tolay a gábwat tu lahe ni Juda u Panginoon tam. Sakay awan nabanggit ni Moises u lahe a itod nikuna a kagiyán na u tungkul tu saserdote hide.
Iba a Saserdote Konna ni Melquisedek
15Mas lalo pa iye a nagin maliwanag nikuna a nagkahod ti iba a saserdote a kapareho ni Melquisedek. 16Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan. 17Dipo konna he u kinagi nu Kasulatan tungkul nikuna, “Saserdote ka hanggan-hanggan, a konna tu pagkasaserdote ni Melquisedek.” 18Kanya ngane, inibutan dán nu Diyos u date a Kautusan dipo mahina sakay awan ti bisa. 19Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.
20I biguwan iye a pag-asa ay mas maganda dipo iye u sinumpaan nu Diyos. Awan siya simmumpa nikuna a gimitán na a saserdote u lahe hide ni Levi. 21Pero simmumpa siya nikuna a gimitán na a saserdote ti Jesus, konna tu kinagi na,
“Simmumpa u Panginoon a hiko u Saserdote hanggan-hanggan!
Sakay awan magbabagu u isip na.”
22Dipo ni Jesus ay nakasiguradu kitamon tu mas maganda a kasunduwan.
23Tu itod ay makpal u saserdote hide dipo ni matay u essa ay mapalitan siya nu essa, para makatulos tu tungkulin de. 24Pero ti Jesus ay biyag hanggan-hanggan, kanya awan ti katapusan u pagkasaserdote na. 25Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.
26Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet. 27Awan siya kapareho nu agum hide a pinakapuno a saserdote a kailangan pa a magalay kada aldew. U purumero de a iyalay ay para tu sadile de a kasalanan, sakay káttapos ay para tu kasalanan nu katolayan. Pero ti Jesus ay pumensan la nagalay sakay awan dán kailangan a huwayán, itod ay nikuna a inyalay na u sadile na. 28U napile hide tu itod a saserdote a ayun tu Kautusan ay palagi a te kahinaan dipo tolay labe hide. Pero ayon tu pananto nu Diyos kinagi na a u mismu na a Anak u magin pinakapuno a saserdote hanggan-hanggan. Sakay awan siya ti kahinaan. I panantuwan iye nu Diyos ay dimodyan a dimmemát nan u Kautusan.
اکنون انتخاب شده:
Hebreo 7: MBJC
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Pahanan Agta New Testament © Philippine Bible Society and Wycliffe Bible Translators, Inc., 2017.