Gimet 4
4
Ti Pedro sakay ti Juan tu Atubang nu Sanedrin
1Nadid, mentaras magupos palla di Pedro sakay ti Juan tu tolay hide ay inadeniyan hide nu saserdote hide, u kapitan nu guwardiya hide tu templo, sakay u Saduseo hide. 2Grabi u iyamut de tu duwwa a apostol dipo ibábbaheta de tu tolay hide a nabiyag a huway ti Jesus. Sakay iye u mángpatunay a mabiyag a huway u patay hide. 3Kanya dinakáp de ti Pedro sakay ti Juan. Imbistigaan di pa nakwa hide a duwwa kanya la ay gibi dán, kaya ingkulung di hide hanggan tu dimadimang. 4Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.#4:4 Basaán tu Gimet 5:14, 1 Pedro 2:2.
5Tu kadimadimangan ay namágkatipun ti Jerusalem u puno nu saserdote hide, puno nu Judio hide sakay u tagapagtoldu hide tu Kautusan. 6Kaguman bi hod ti Anas a pinakapuno a saserdote, sakay ti Caifas, ti Juan, ti Alejandro, sakay tu agum pa hide a miyembro nu pamilya ni Anas. 7Inyangay di hod di Pedro sakay ti Juan sakay tinanung, “Kándeya a ngahan oni kapangyariyan u ginamit moy tu págpapiyya tu tolay a lopog?” 8Kanya nagupos ti Pedro a tehhod a kapangyariyan nu Banal a Ispirito, kinagi na, “Hikam a puno nu saserdote hide sakay puno nu Judio hide,#4:8 Basaán tu Gimet 2:1-4, Gimet 4:31, Efeso. 5:18. 9ni itanung moyay nikame ay tungkul tu págpapiyya ti tolayáy a lopog,#4:9 Basaán tu Gimet 28:2, Tito 3:4. 10gusto ko a matukuyan moy a atanan sakay konna be nikam a lahe ni Israel a itolayan iye a mágtaknág tu atubang moy ay nagpiyya dipo tu kapangyariyan ni Jesu-Cristo a taga-Nazaret. Siya u impaku moy tu kudus sakay binuno moy, pero biniyag siya a huway nu Diyos. 11Ti Jesus, u gusto a kagiyán nu sumássulat tu Banal a Kasulatan a,
‘U bito a inadiyan nu mágtolnák hide ti bilay,
ay siya u nagin pinaka pundasyon a bito.’#4:11 Basaán tu Awit 118:22.
12Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”#4:10-12 Basaán tu Mateo 21:33-34, 1 Corinto 3:10-11.
13Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod. 14Magupos pa nákwa hide kontara tu makataka-taka a ginimet di Pedro sakay ti Juan, pero dipo mágtaknág tu adene de u tolay a pinapiyya de ay timmahimik dálla hide. 15Kanya pinaluwas di pala u duwwa a apostol tu pamággipun-ipunan de sakay namágguhon-uhon hide. 16Kinagi de, “Ánya gimitán tamay nadid nide? Tukoy dán nu atanan a taga-Jerusalem hide u ginimet de a makataka-taka a bagay kaya awan tamon iye mepamen. 17Para awan dán kumalat u pángngaral de tu tolay hide ay kagiyan tam hide a diyan dán hide magtoldu tungkul ni Jesus.” 18Kanya impadulaw de a huway di Pedro sakay ti Juan sakay kinagiyan di hide a diyan magupos oni magtoldu tungkul ni Jesus. 19Pero timmábbeg ti Pedro sakay ti Juan, “Hikamon i manghatulay ni ánya u tama sakay ni ánya u maganda tu atubang nu Diyos; sunudán mikam beman oni sunudán me u Diyos? 20Awan me maare a awan ibaheta u netan me sakay u nasaneg me.”#4:18-20 Basaán tu Mateo 22:15-21, Roma 13:1-7. 21Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala. 22Dipo u tolay a pinagpiyya de tu pamamagitan nu himala ay mahigit dán a áppat a pulo a taon a lumpo.
U Dasal nu Mánnampalataya hide
23Nikuna makaluwas dán di Pedro sakay ti Juan, ay immangay hide tu kakagumanan de hide sakay imbaheta de ni ánya u kinagi nu puno nu saserdote hide sakay u puno nu Judio hide. 24Pákkasaneg hod nu mánnampalataya hide ay nagkaessa hide a nagdasal, “Panginoon, hiko u nanglalang tu langet, tu luta, tu diget sakay tu atanan a bagay a katoy hod.#4:24 Basaán tu Exodo 20:11, Awit 146:6. 25Ti David a Tagapagserbi mo tu itod ay indipalongo nu Banal a Ispirito kanya insulat na u konna he:
‘Bakin wád a tunay iyamutay nu Hentil hide?
Sakay bakin nagbalak u Judio hide ti baka-bakán?
26Nagkaessa u hare hide ti lutaáy,
Sakay u pupuno hide para lumaban tu Panginoon sakay tu pinile na hide.’#4:25-26 Basaán tu Hebreo 8:7-12.
27Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi. 28Tu ginimet de ay natupad dán u balak mo tu itod. Sakay nangyare iye tu kapangyariyan mo sakay tu kagustuwan mo. 29Sakay nadid Panginoon, ay pagisipan de kame ti madukás. Tulungan mo u tagapagserbi mo hide a mepangaral me ti buung tapang u Upos mo. 30Payagen mu dán tu pamamag-itan nu kapangyariyan ni Jesus a banal mo a tagapagserbi a mapapiyya me u te saket hide sakay makagimet kame ti himala sakay makataka-taka a bagay.” 31Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.#4:31 Basaán tu Lukas 11:13, Gimet 13:2-3.
32Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan. 33Tu begsák nu kapangyariyan nu Diyos ay tulos-tulos la a magpatunay u apostol hide tungkul tu kákkabiyag a huway nu Panginoon Jesus. Kanya pinagpala nu Diyos u atanan a mánnampalataya. 34Awan ti kinulang tu kailangan de dipo inlako nu mánnampalataya hide u luta de hide sakay bilay, 35sakay u pilak a naglakuwan de ay inyatád de tu apostol hide. Sakay inyatád be iye nu apostol hide tu te kailangan hide.#4:32-35 Basaán tu Gimet 2:42-47, Roma 1:11-12, 1 Juan 1:3.
36Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.” 37Inlako ni Jose u luta na sakay u pilak ay inyatád na tu apostol hide.
اکنون انتخاب شده:
Gimet 4: MBJC
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Pahanan Agta New Testament © Philippine Bible Society and Wycliffe Bible Translators, Inc., 2017.
Gimet 4
4
Ti Pedro sakay ti Juan tu Atubang nu Sanedrin
1Nadid, mentaras magupos palla di Pedro sakay ti Juan tu tolay hide ay inadeniyan hide nu saserdote hide, u kapitan nu guwardiya hide tu templo, sakay u Saduseo hide. 2Grabi u iyamut de tu duwwa a apostol dipo ibábbaheta de tu tolay hide a nabiyag a huway ti Jesus. Sakay iye u mángpatunay a mabiyag a huway u patay hide. 3Kanya dinakáp de ti Pedro sakay ti Juan. Imbistigaan di pa nakwa hide a duwwa kanya la ay gibi dán, kaya ingkulung di hide hanggan tu dimadimang. 4Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.#4:4 Basaán tu Gimet 5:14, 1 Pedro 2:2.
5Tu kadimadimangan ay namágkatipun ti Jerusalem u puno nu saserdote hide, puno nu Judio hide sakay u tagapagtoldu hide tu Kautusan. 6Kaguman bi hod ti Anas a pinakapuno a saserdote, sakay ti Caifas, ti Juan, ti Alejandro, sakay tu agum pa hide a miyembro nu pamilya ni Anas. 7Inyangay di hod di Pedro sakay ti Juan sakay tinanung, “Kándeya a ngahan oni kapangyariyan u ginamit moy tu págpapiyya tu tolay a lopog?” 8Kanya nagupos ti Pedro a tehhod a kapangyariyan nu Banal a Ispirito, kinagi na, “Hikam a puno nu saserdote hide sakay puno nu Judio hide,#4:8 Basaán tu Gimet 2:1-4, Gimet 4:31, Efeso. 5:18. 9ni itanung moyay nikame ay tungkul tu págpapiyya ti tolayáy a lopog,#4:9 Basaán tu Gimet 28:2, Tito 3:4. 10gusto ko a matukuyan moy a atanan sakay konna be nikam a lahe ni Israel a itolayan iye a mágtaknág tu atubang moy ay nagpiyya dipo tu kapangyariyan ni Jesu-Cristo a taga-Nazaret. Siya u impaku moy tu kudus sakay binuno moy, pero biniyag siya a huway nu Diyos. 11Ti Jesus, u gusto a kagiyán nu sumássulat tu Banal a Kasulatan a,
‘U bito a inadiyan nu mágtolnák hide ti bilay,
ay siya u nagin pinaka pundasyon a bito.’#4:11 Basaán tu Awit 118:22.
12Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”#4:10-12 Basaán tu Mateo 21:33-34, 1 Corinto 3:10-11.
13Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod. 14Magupos pa nákwa hide kontara tu makataka-taka a ginimet di Pedro sakay ti Juan, pero dipo mágtaknág tu adene de u tolay a pinapiyya de ay timmahimik dálla hide. 15Kanya pinaluwas di pala u duwwa a apostol tu pamággipun-ipunan de sakay namágguhon-uhon hide. 16Kinagi de, “Ánya gimitán tamay nadid nide? Tukoy dán nu atanan a taga-Jerusalem hide u ginimet de a makataka-taka a bagay kaya awan tamon iye mepamen. 17Para awan dán kumalat u pángngaral de tu tolay hide ay kagiyan tam hide a diyan dán hide magtoldu tungkul ni Jesus.” 18Kanya impadulaw de a huway di Pedro sakay ti Juan sakay kinagiyan di hide a diyan magupos oni magtoldu tungkul ni Jesus. 19Pero timmábbeg ti Pedro sakay ti Juan, “Hikamon i manghatulay ni ánya u tama sakay ni ánya u maganda tu atubang nu Diyos; sunudán mikam beman oni sunudán me u Diyos? 20Awan me maare a awan ibaheta u netan me sakay u nasaneg me.”#4:18-20 Basaán tu Mateo 22:15-21, Roma 13:1-7. 21Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala. 22Dipo u tolay a pinagpiyya de tu pamamagitan nu himala ay mahigit dán a áppat a pulo a taon a lumpo.
U Dasal nu Mánnampalataya hide
23Nikuna makaluwas dán di Pedro sakay ti Juan, ay immangay hide tu kakagumanan de hide sakay imbaheta de ni ánya u kinagi nu puno nu saserdote hide sakay u puno nu Judio hide. 24Pákkasaneg hod nu mánnampalataya hide ay nagkaessa hide a nagdasal, “Panginoon, hiko u nanglalang tu langet, tu luta, tu diget sakay tu atanan a bagay a katoy hod.#4:24 Basaán tu Exodo 20:11, Awit 146:6. 25Ti David a Tagapagserbi mo tu itod ay indipalongo nu Banal a Ispirito kanya insulat na u konna he:
‘Bakin wád a tunay iyamutay nu Hentil hide?
Sakay bakin nagbalak u Judio hide ti baka-bakán?
26Nagkaessa u hare hide ti lutaáy,
Sakay u pupuno hide para lumaban tu Panginoon sakay tu pinile na hide.’#4:25-26 Basaán tu Hebreo 8:7-12.
27Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi. 28Tu ginimet de ay natupad dán u balak mo tu itod. Sakay nangyare iye tu kapangyariyan mo sakay tu kagustuwan mo. 29Sakay nadid Panginoon, ay pagisipan de kame ti madukás. Tulungan mo u tagapagserbi mo hide a mepangaral me ti buung tapang u Upos mo. 30Payagen mu dán tu pamamag-itan nu kapangyariyan ni Jesus a banal mo a tagapagserbi a mapapiyya me u te saket hide sakay makagimet kame ti himala sakay makataka-taka a bagay.” 31Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.#4:31 Basaán tu Lukas 11:13, Gimet 13:2-3.
32Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan. 33Tu begsák nu kapangyariyan nu Diyos ay tulos-tulos la a magpatunay u apostol hide tungkul tu kákkabiyag a huway nu Panginoon Jesus. Kanya pinagpala nu Diyos u atanan a mánnampalataya. 34Awan ti kinulang tu kailangan de dipo inlako nu mánnampalataya hide u luta de hide sakay bilay, 35sakay u pilak a naglakuwan de ay inyatád de tu apostol hide. Sakay inyatád be iye nu apostol hide tu te kailangan hide.#4:32-35 Basaán tu Gimet 2:42-47, Roma 1:11-12, 1 Juan 1:3.
36Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.” 37Inlako ni Jose u luta na sakay u pilak ay inyatád na tu apostol hide.
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Pahanan Agta New Testament © Philippine Bible Society and Wycliffe Bible Translators, Inc., 2017.