2 Tesalonica 3
3
Ipagdasal Moy Kame
1Nadid, kákkapatkákka me hide, ipagdasal moy kami be para u upos nu Panginoon ay mabilis a mekalat sakay masaya a tanggapán nu iba pa hide a lugar, a konna tu ginimet moy.#3:1 Basaán tu 1 Tesalonica 5:25; 1:8. 2Ipagdasal moy kami be a iligtas kame nu Diyos tu mágkadukás a tolay. Dipo awan atanan a tolay ay maniwala tu itoldu me.#3:2 Basaán tu Roma 15:31.
3Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.#3:3 Basaán tu 1 Corinto 1:9; 1 Tesalonica 5:24. 4Dipo tu Panginoon ay dakál u tiwala me nikam sakay tukoy me a tulos-tulos moy a sunudán u intoldu me nikam.
5Igiya kam nakwa nu Panginoon tán lalo moy a maintendiyan u tungkul tu pagmahal nu Diyos sakay tu tiyaga a gabwat ni Cristo.
Dapat Kitam a Magtarabaho
6Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.#3:6 Basaán tu 1 Corinto 5:4, 5, 11; 1 Tesalonica 5:14. 7Tukoy moy labe a dapat moy a ahigán u ginimet me. Awan kame nagin tamad a magtarabaho nikuna a hod kami palla hina.#3:7 Basaán tu 1 Tesalonica 1:6, 9. 8Awan kame immasa maski ni ti deya nikam tu kákkabiyag me, nan binayaden me u natanggap me nikam. Aldew ay ti gibi ay nagtarabaho kame para awan kame kailangan a mangabala nikam a mangaged ti magastus me.#3:8 Basaán tu 1 Tesalonica 2:9; Gimet 18:3; Efeso 4:28. 9Ginimet mi iye bakán a awan kame ti karapatan a maguhay tu tulung moy nan atáden me kam ti halimbawa a dapat moy a ahigán.#3:9 Basaán tu 2 Tesalonica 3:7. 10Nikuna a kaguman moy kame palla, ay sa iye u utus a kinagi me nikam: “Diyan moy pakanán u deyaman a umád a magtarabaho.”#3:10 Basaán tu 1 Tesalonica 4:11.
11Kanya ikagi me nikam nadid iiye a utus, dipo nabaheta me a te umád nikam a magtarabaho, a awan ti agum a gággimitán nan mak-alam tu biyag nu agum a tolay.#3:11 Basaán tu 2 Tesalonica 3:6. 12Tu ngahan nu Panginoon tam a ti Jesu-Cristo, mahigpit me a kagiyán ti tolayan iye hide a ayusan de u biyag de sakay magtarabaho hide para tu kabiyagen.#3:12 Basaán tu 1 Tesalonica 4:1,11.
13Kákkapatkákka me hide, diyan kam magsawa a maggimet ti maganda.#3:13 Basaán tu Galacia 6:9. 14Ni tehhod man hina a awan sumunud ti kákkagiyan kuwáy ti sulatáy, tandaan moy siya sakay iwasan para mapasanike siya. 15Pero diyan moy be siya ibilang a kadima moy. Nan, tolduwan moy siya, ta dipo siya ay nebilang dán a kapatkákka moy.
16U Panginoon tam a naggábwatan nu kapayapaan ay siya nakwa u mangatád nikam ti kapayapaan tu atanan a pagkakataun. Nakwa ay pirme kam a aguman nu Panginoon.#3:16 Basaán tu Ruth 2:4.
17Hikán a ti Pablo u nagsulat ti iye a pángngumusta nikam: Iye u pirma ko tu atanan a sulat ko. Konnaák he a magsulat.#3:17 Basaán tu 1 Corinto 16:21.
18Pagpalaan kam nakwa nu Panginoon tam a ti Jesu-Cristo.#3:18 Basaán tu 16:20; 1 Tesalonica 5:28.
اکنون انتخاب شده:
2 Tesalonica 3: MBJC
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Pahanan Agta New Testament © Philippine Bible Society and Wycliffe Bible Translators, Inc., 2017.