1 Corinto 16
16
U Tulung tu Kákkapatkákka hide ti Judea
1Nadid ay tungkul be tu tulung a naipun moy para tu kákkapatkákka hide ti Judea, gimitán moy u konna tu kinagi ko tu mánnampalataya hide ti Galacia.#16:1 Basaán tu Gimet 24:17. 2Kada dipalongo a aldew nu sasimba ay mangsáddi dán u balang essa ayun tu kitaán na, sakay ipunán itod para awan dán kailangan a magaged ti tulung káddemát ko hina.#16:2 Basaán tu Gimet 20:7, 2 Corinto 9:4-5. 3Káddemát ko hina ay paangayán ko ti Jerusalem u tolay hide a napili moy a mangtawed tu tulung moy sakay manggimiták be ti sulat para ipakilala hide tu mánnampalataya hide ti Jerusalem.#16:3 Basaán tu 2 Corinto 8:18-19. 4Pero ni kailangan a umangayák be ti Jerusalem ikuyog ko dálla hide.
U Plano hide ni Pablo
5Bumisitaák hina kággábwat ko ti Macedonia, dipo kailangan ko a humoyot hod.#16:5 Basaán tu Roma 15:26, Gimet 19:21. 6Bakay magmalayák hina sakay hedák dán hina a magpalipas ti amiyan tán matulunganák moy tu pangangailangan ko tu sumunud ko a páglakbay ni hádya man itod. 7Dipo umád ko a basta la a humoyot hina; nan gusto ko nakwa a magmalay hina ni kaluuban nu Panginoon.#16:7 Basaán tu Gimet 18:21.
8Pero plano ko a mágyan he ti Efeso wáy hanggan tu Pentecostes.#16:8 Pentecostes: Iye ay u piyesta a ipagsaya nu Judio hide tu kássidung nu Banal a Ispirito tu dipalongo hide a mánnamplataya ti Jerusalem. 9Dipo makpál he a pagkakataun para tu págserbi tam, maski makpal u kumontara nikán.#16:9 Basaán tu Gimet 19:9.
10Káddemát hina ni Timoteo ay tanggapán moy siya ti maganda tánni mapayapa u kaluuban na, dipo kapareho ko siya a tagapagserbi nu Panginoon.#16:10 Basaán tu Gimet 16:1. 11Dyan moy siya imemenos. Nan tu kállakad na ay tulungan moy siya tu kailangan na hide tánni makasole he siya nikán a tehhod a kapayapaan. Dipo áuhayán ko siya sakay tu kákkapatkákka tam hide.
12Tungkul be tu kapatkákka tam a ti Apolos mahigpit ko siya a pinákpágguhunan a bumisita hina, kaguman nu kákkapatkákka hide, pero awan kan palla siya hina makaangay nadid. Pero ni tehhod kan a pagkakataun ay bumisita siya hina.#16:12 Basaán tu Gimet 18:24.
Pangkatapusan a Pággupos
13Magin handa kam sakay magpakatatag tu pánnampalataya moy. Magpakatapang kam sakay magpakatibay.#16:13 Basaán tu Awit 31:24, Efeso 6:10. 14Anya man u gimitán moy ay dapat gimitán moy a tehhod a págmahal.
15Nadid, kákkapatkákka ko hide, tukoy moy a u pamilya ni Estefanas u kadipalonguwan a Kristiyano ti Acaya; sakay inlaan de u sadile de tu págserbi tu pinile hide nu Diyos. Ipákpágguhon ko nikam, 16a pasakup kam tu konna nide sakay tu deya man a tumáttulung tu tagapagserbi hide nu Panginoon.
17Masayaák a tahod tu káddemát di Estefanas, Fortunato, sakay ti Acaico. Maammawák nikam a atanan pero nabawasan ti badit dipo katoy he hide dakál u tulung de nikán. 18Hide u nangpasaya nikán, sakay konna be nikam. Pahalagaan moy u konna hina hide a tolay.
19Kumustaán kam nu mánnampalataya hide ti Asia. Kumustaán kam be tu ngahan nu Panginoon di Aquila sakay Priscila sakay u kákkapatkákka hide a mamággipun-ipun tu bilay de.#16:19 Basaán tu Gimet 18:2, Roma 16:5. 20Sakay kumusta kam be kagi nu atanan a kákkapatkákka he. Magkumustaan kam bilang mátkaka ni Cristo.
21Hikán a ti Pablo u nagsulat ti iye a pángngumusta.#16:21 Basaán tu Colosas 4:18, Galacia 6:11, 2 Tesalonica 3:17.
22Parusaan nakwa nu Panginoon u awan magmahal nikuna! Dumemát ka dán nakwan, Panginoon me!#16:22 Basaán tu Roma 9:3.
23Pagpalaán kam nakwa nu Panginoon a ti Jesus.
24Mahal takam a atanan bilang kákkapatkákka ko ni Cristo Jesus. Amen.
اکنون انتخاب شده:
1 Corinto 16: MBJC
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Pahanan Agta New Testament © Philippine Bible Society and Wycliffe Bible Translators, Inc., 2017.