རོ་མཱ་པ། 14

ལེའུ་བཅུ་བཞི།

སྐྱོན་འཛུགས་བགྱིད་མི་དགོས་པའི་སྐོར།

1ཁྱེད་ཀྱ་ཀྱིས་དད་སེམས་ཆུང་མ་ཀྱ་ལེ་ཁས་ལེན་གྱིས་ཤིག ཡིན་ནའང་། བསམ་ཚུལ་མི་འདྲ་བ་དེ་ལེ་རྩོད་གླེང་མ་བགྱིད་ཅིག 2མི་ལ་ལས་ཟས་རིགས་ཡེ་རེ་ཟ་ཆོག་གྱོ་འོད་དི་དད་པ་བྱས་ནའང་། ཡང་དད་སེམས་ཆུང་མ་ཡིན་མཁན་མི་ལ་ལས་ཀྱིས་སྔོ་ཚལ་མ་གཏོགས་གཞན་མ་མི་ཟ་འོད་དིག 3ཟས་རིགས་ཡེ་རེ་ཟ་མཁན་གྱིས་སྔོ་ཚལ་མ་གཏོགས་མི་ཟ་མཁན་མི་ལེ་སྐྱོན་འཛུགས་མ་བགྱིད་ཅིག ཡང་སྔོ་ཚལ་མ་གཏོགས་མི་ཟ་མཁན་གྱིས་ཟས་རིགས་ཡེ་རེ་ཟ་མཁན་མི་ལེ་སྐྱོན་འཛུགས་མ་བགྱིད་ཅིག ཅི་ལེ་ཟེར་ནི། དཀོན་མཆོག་གིས་མི་དེ་ཀྱ་ལེ་ཟང་ཁས་ལེན་གནང་པི་དིག 4མི་གཞན་གྱི་གཡོག་པོ་ལེ་སྐྱོན་འཛུགས་བགྱིད་མཁན་ཁྱོད་སུ་ཡིན་དོ། ཁོའི་བདག་པོས་ཁོ་རང་ལེ་ཆ་འཇོག་འཐོབ་འོད་དིང་མེད་ཀྱི་སྐོར་ལེ་ཐག་གཅོད་བགྱིད་མཁན་ཡིན་དིག ཡང་ཁོ་རང་ཉེས་མེད་ངང་ནས་བརྟན་པོ་སྡོད་ཐུབ་ཀྱི་དིག ཅི་ལེ་ཟེར་ནི། སྐྱབས་མགོན་ཡེ་ཤུ་ནི་ཁོ་རང་བརྟན་པོ་སྡོད་དུ་འཇུག་མཁན་དེ་ཡིན་དིག 5མི་ལ་ལས་ཉིན་མ་འདི་ནི་ཉིན་མ་གཞན་མ་ལས་ལྷག་ཚོད་རྩལ་ཆེན་ཞིག་ཡིན་དིག་ཟིན་རྩི་འོད་དི་དིང་། ཡང་མི་ལ་ལས་ཉིན་མ་ཡེ་རེ་གཅིག་མཚུངས་ཡིན་དི་རྩི་འོད་དིག ཡིན་ནའང་། མི་ཡེ་རེས་རང་སོ་སོའི་སེམས་ལེ་ཐེ་ཚོམ་མེད་དི་བརྟན་པོ་བགྱིད་དགོས་འོད་དིག 6ཡང་དམིགས་བསལ་གྱི་ཉིན་མ་ཡིན་དི་རྩི་མཁན་གྱིས་ཇོ་བོ་དཀོན་མཆོག་གི་དོན་དུ་སྲུང་གྱོ་འོད་དི་དིང་། ཡང་ཟས་རིགས་ཡེ་རེ་ཟ་མཁན་གྱིས་ཇོ་བོ་དཀོན་མཆོག་ལེ་བཀའ་དྲིན་ཆེ་ཞུ་ཕེན། ཇོ་བོའི་དོན་དུ་ཟ་དིང་། ཟ་རིགས་ཡེ་རེ་མི་ཟ་མཁན་གྱིས་ཟང་། ཇོ་བོའི་དོན་དུ་མི་ཟ་འོད་དི་དིང་། དཀོན་མཆོག་ལེ་བཀའ་དྲིན་ཆེ་ཞུས་པི་དིག 7འུ་ཀྱ་ཀྱིས་རང་གི་དོན་ལེ་འཚོ་བ་མི་སྐྱེལ་འོད་དིག ཡང་རང་གི་དོན་ལེ་ཟང་མི་ཤི་འོད་དིག 8འཚོ་བ་སྐྱེལ་ནའང་ཇོ་བོ་དཀོན་མཆོག་གི་དོན་ལེ་འཚོ་བ་སྐྱེལ་གྱོ་འོད་དིག ཤི་ནི་ཇོ་བོའི་དོན་ལེ་ཤི་འོད་དིག འོ་དེ་ལེ་བརྟེན་ཏེ། འུ་ཀྱ་ཟང་འཚོ་བ་སྐྱེལ་ནའང་ཤི་ནའང་ཇོ་བོའི་ཡིན་དིག 9ཤི་གསོན་གཉིས་ཀ་ཇོ་བོའི་ཡིན་དི་ཆེད་དུ། སྐྱབས་མགོན་ཡེ་ཤུ་སྐུ་གྲོངས་ཏེ་ཡང་དང་གསོན་པོ་བྱུང་པི་དིག 10འོ་དེ་ལེ་བརྟེན་ཏེ། ཁྱེད་ཀྱ་ཀྱིས་ཅི་ལེ་རང་གི་ཆོས་གྲོགས་སྤུན་ཟླ་ཀྱ་ལེ་སྐྱོན་འཛུགས་བགྱིད་དི་ཡིན་དོ། ཅིའི་དོན་ལེ་མཐོང་ཆུང་བགྱིད་དི་ཡིན་དོ། ཅི་ལེ་ཟེར་ནི། འུ་ཀྱ་ཡེ་རེ་ནི་བཟང་ངན་གྱི་ཁྲིམས་ཐགས་གཅོད་ས་དཀོན་མཆོག་གི་ཞུགས་ཁྲིའི་མདུན་དུ་ལངས་དགོས་འོད་དིག 11གསུང་རབ་ཀྱི་མདོ་ནང་ལེ་ཟང་།

ཇོ་བོ་དཀོན་མཆོག་གིས། །

ང་བདེན་པ་ངོ་ཐོག་གསོན་པོ་ཡིན་ཕེན། །

པུས་མོ་འོད་ཚད་ཀྱིས་ང་ལེ་ཕྱག་འཚལ། །

ལྕེ་མོ་འོད་ཚད་ཀྱིས་ང་ནི་དངོས་གནས། །

དཀོན་མཆོག་ཡིན་དི་ཁས་ལེན་བགྱིད། །

ཟིན་གསུངས་འོད་དིག#14.11 ཚིགས་བཅད་འདི་ནི་ལུང་སྟོན་པ་ཡེ་ཤ་ཡཱས་བྲིས་པའི་མདོ་ལེའུ་ 45 ཨང་ 23 ནང་ལེ་གཟིགས་རོགས། 12འོ་དེ་ལེ་བརྟེན་ཏེ། འུ་མི་རེ་རེས་བཟང་ངན་ཅི་བྱས་པའི་དོན་དེ་ཀྱ་དཀོན་མཆོག་ལེ་རྩིས་འབུལ་དགོས་འོད་དིག

ཆོས་གྲོགས་སྤུན་ཟླ་ཀྱ་ལེ་བར་ཆད་མི་བཟོ་བའི་སྐོར།

13འོ་དེ་ལེ་བརྟེན་ཏེ། ད་ཕྱིན་ཆད་འུ་ཀྱ་ཕན་ཚུན་གཅིག་གིས་གཅིག་ལེ་སྐྱོན་འཛུགས་མ་བགྱིད་ཅིག ཡང་མི་སུས་ཟང་སྤུན་ཟླའི་ལམ་ལེ་བར་ཆད་དིང་། འགག་རྡོ་མི་བཟོ་བའི་སེམས་ཐག་གཅོད་ཅིག 14ང་ནི་ཇོ་བོ་ཡེ་ཤུ་ལེ་དད་པ་བགྱིད་མཁན་ཞིག་ཡིན་དི་ཆ་ནས། མི་གཙང་བའི་དངོས་པོ་གཅིག་ཟང་མེད་དེ་ནི། ངས་ཡིད་ཆེས་བརྟན་པོ་བགྱིད་འོད། ཡིན་ནའང་། མི་སུ་ཞིག་གིས་དངོས་པོ་ཅི་ཞིག་མི་གཙང་བ་ཡིན་དི་བརྩིས་ནི། ཁོའི་ཆེད་དུ་དངོས་པོ་དེ་མི་གཙང་བ་ཞིག་ཡིན་དིག 15གལ་སྲིད་ཁྱོད་ཀྱིས་ཅི་བཟས་པའི་ཁ་ཟས་ཀྱིས་སྤུན་ཟླའི་སེམས་འཁྲུགས་ནི། དེ་ནི་བྱམས་སེམས་ཀྱི་སྤྱོད་ལམ་ཅོག་འདྲ་མ་བྱས་པི་དིག སྐྱབས་མགོན་ཡེ་ཤུ་ནི་ཁོའི་དོན་ལེ་ཟང་སྐུ་གྲོངས་གནང་ཕེན། ཁྱོད་ཀྱི་ཁ་ཟས་ཀྱིས་ཆོས་གྲོགས་སྤུན་ཟླ་དེ་རྩ་མེད་འགྲོ་རུ་མ་འཇུག 16ཁྱོད་ཀྱིས་བཟང་པོ་བརྩིས་པ་དེ་ལེ་མི་གཞན་གྱིས་དམའ་འབེབས་གཏོང་དུ་མ་འཇུག 17ཅི་ལེ་ཟེར་ནི། དཀོན་མཆོག་གི་རྒྱལ་ཁབ་ནི་ཟ་འཐུང་ལེ་བརྟེན་མེད་དིག ཡིན་ནའང་། དྲང་བདེན་དིང་ཞི་བདེ། དམ་པའི་ཐུགས་ཉིད་ནང་གི་དགའ་སྤྲོ་དེའི་ངང་ལེ་འཚོ་བ་སྐྱེལ་རྒྱུ་ཆེད་དུ་ཡིན་དིག 18དོན་དེ་ཅོག་འདྲ། སྐྱབས་མགོན་ཡེ་ཤུ་ལེ་ཞབས་ཕྱི་ཞུ་མཁན་དེ་ལེ། དཀོན་མཆོག་ཐུགས་མཉེས་པོ་གནང་གྱོ་འོད་དི་མ་ཟད། མི་ཀྱ་ཀྱིས་ཟང་ཁས་ལེན་བགྱིད་ཀྱི་དིག 19འོ་དེ་ལེ་བརྟེན་ཏེ། འུ་ཀྱ་ཀྱིས་ཞི་བདེ་དིང་ཕན་ཚུན་བར་ཡར་བསྐྱེད་འགྲོ་རྒྱུ་དོན་ལེ་འབད་བརྩོན་བགྱིད་དགོས་འོད་དིག 20ཁ་ཟས་ཀྱི་ཆེད་དུ་དཀོན་མཆོག་གི་ཕྱག་ལས་རྩ་མེད་མ་གཏོང་ཞིག ཟས་རིགས་ཡེ་རེ་ནི་གཙང་མ་ཡིན་ནའང་། མི་སུ་ཞིག་གིས་ཁ་ཟས་རྐྱེན་གྱིས་མི་གཞན་ལེ་བར་ཆད་བཏང་ནི། དེ་ཟང་ཁོའི་ཉེས་སྐྱོན་ཡིན་དིག 21ཤ་ཟ་རྒྱུ་དིང་ཆང་འཐུང་རྒྱུ་དིང་། ཡང་དེ་མིན་དོན་ཅི་ཞིག་གི་བརྒྱུད་ནས་སྤུན་ཟླ་ལེ་བར་ཆད་གཏོང་གྱོ་འོད་ནི། ཁོང་ཀྱ་ལེ་བར་ཆད་མི་གཏོང་བའི་ཆེད་དུ། དོན་དེ་ཀྱ་ཅི་གང་མ་བྱས་ནི་དགའ་མོ་འོད་དིག 22དོན་དེའི་སྐོར་ལེ་ཁྱོད་ཀྱི་བསམ་ཚུལ་དེ་རང་གི་སེམས་ནང་ལེ་དིང་། དཀོན་མཆོག་གི་དྲུང་དུ་བོར། མི་སུ་ཞིག་གིས་ཅི་བྱས་ནའང་། བགྱིད་ཆོག་འོས་པའི་བྱ་བ་བྱས་པི་དེ་ལེ་སྐྱོན་འཛུགས་མི་བགྱིད་མཁན་དེ་ལེ་བྱིན་རླབས་ཐོབ་འོད་དིག 23ཡིན་ནའང་། ཐེ་ཚོམ་སྐྱེས་ཏེ་བཟས་ནི། དེ་ནི་དད་པའི་བརྒྱུད་ནས་མ་བཟས་འོད་ཕེན། ཉེས་ཆད་ཕོག་གྱི་དིག ཅི་ལེ་ཟེར་ནི། དད་པའི་བརྒྱུད་ནས་མ་བྱས་པ་དེ་ཡེ་རེ་སྡིག་པ་ཡིན་དིག །

اکنون انتخاب شده:

རོ་མཱ་པ། 14: DLPO

های‌لایت

کپی

مقایسه

به اشتراک گذاشتن