རོ་མཱ་པ། 13

ལེའུ་བཅུ་གསུམ།

འགོ་ཁྲིད་ཀྱི་བཀའ་ལེ་བརྩི་དགོས་པའི་སྐོར།

1མི་ཀུན་གྱིས་སྲིད་གཞུང་གི་དབང་ཆ་འོད་ཡོད་འགོ་ཁྲིད་ཀྱི་བཀའ་ལེ་ཉན་དགོས་འོད་དིག ཅི་ལེ་ཟེར་ནི། དཀོན་མཆོག་གིས་གནང་བའི་དབང་ཆ་དེ་མ་གཏོགས་ཤིག་ལེ། དེ་མིན་པའི་དབང་ཆ་ཅི་ཞིག་འོད་ནའང་། དེ་ནི་དཀོན་མཆོག་གིས་གནང་བའི་དབང་ཆ་མ་དིག 2འོ་དེ་ལེ་བརྟེན་ཏེ། མི་སུ་ཞིག་གིས་འགོ་ཁྲིད་ལེ་ངོ་ལོག་བྱས་ནི། དཀོན་མཆོག་གི་ཆོས་ཁྲིམས་ལེ་ཟང་ངོ་ལོག་བྱས་པི་མ་ཟད། རང་གིས་རང་ལེ་ཆད་པ་ཕོག་ཏུ་བཅུག་པི་དིག 3ཅི་ལེ་ཟེར་ནི། སྤྱོད་ལམ་ངན་པ་བགྱིད་མཁན་ཀྱ་མ་གཏོགས། སྤྱོད་ལམ་བཟང་པོ་བགྱིད་མཁན་ཡིན་ནི། དབང་ཆ་འོད་ཡོད་འགོ་ཁྲིད་ཀྱ་ལེ་འཁྱར་སྣང་བགྱིད་དགོས་མེད་དིག གལ་སྲིད་ཁྱོད་རང་དབང་ཆ་འོད་ཡོད་འགོ་ཁྲིད་ཀྱི་འཁྱར་སྣང་འོག་ནས་ཐར་འདོད་འོད་ནི། ཁྱེད་ཀྱ་ཀྱིས་ལས་བཟང་པོ་གྱིས་ཤིག དེ་ནས་ཁོང་ཀྱ་ཀྱིས་ཁྱེད་ཀྱ་ལེ་བསྟོད་ར་གཏོང་གྱི་དིག 4འགོ་ཁྲིད་དེ་ཀྱ་ནི་དཀོན་མཆོག་གི་ཞབས་ཕྱི་ཡིན་ཕེན། ཁྱེད་ཀྱ་ལེ་ཕན་ཐོགས་འོད་དིག ཡང་ཁྱེད་ཀྱ་ཀྱིས་ལས་ངན་པ་ཞིག་བྱས་འོད་ནི། འཁྱར་སྣང་བགྱིད་དགོས་འོད་དིག ཅི་ལེ་ཟེར་ནི། འགོ་ཁྲིད་ཁོས་དོན་མེད་སྟོང་པ་ལེ་རལ་གྲི་མི་འདོགས་འོད་དིག ཁོ་ནི་ངན་པ་བགྱིད་མཁན་ཀྱ་ལེ་ཆད་པ་གཏོང་མཁན་དཀོན་མཆོག་གི་ཞབས་ཕྱི་པ་ཞིག་ཡིན་དིག#13.4 དཀོན་མཆོག་གི་ཐུགས་ཁྲོ་ཟེར་རི་དོན་ནི། ཁོང་ཁྲོ་སླང་པི་མ་དིག སྡིག་ཉེས་ཀྱི་ཉེས་ཆད་གཏོང་རྒྱུ་དེ་ཡིན་དིག 5འོ་དེ་ལེ་བརྟེན་ཏེ། ཁྱེད་ཀྱ་ཀྱིས་ཡིན་གཅིག་དཔོན་རིགས་ཀྱི་བཀའ་ལེ་ཉན་དགོས་འོད་དིག དེ་ནི་ཉེས་ཆད་ལེ་འཛེམ་སྣང་བགྱིད་རྒྱུ་པ་རྐྱང་དོན་ལེ་མ་དིག སེམས་པ་དྲང་པོ་བགྱིད་རྒྱུ་ཆེད་དུ་ཟང་ཡིན་དིག 6ཡང་ཁྱེད་ཀྱ་ཀྱིས་ཁྲལ་འཇལ་དགོས་པའི་རྒྱུ་མཚན་ཟང་དེ་རང་གི་ཆེད་དུ་ཡིན་དིག ཅི་ལེ་ཟེར་ནི། དབང་ཆ་འོད་ཡོད་འགོ་ཁྲིད་ཀྱ་ནི་དོན་དེ་རང་ལེ་དབང་འཛིན་བགྱིད་མཁན་དཀོན་མཆོག་གི་ཞབས་ཕྱི་པ་ཞིག་ཡིན་དིག 7མི་སུ་ཞིག་ལེ་ཐོབ་འོས་པ་ཡིན་ནི། དེ་འབུལ་དགོས་འོད་དིག ཁྲལ་འཇལ་དགོས་འོས་པ་ཞིག་ཡིན་ནི་ཁྲལ་འཇལ་དགོས་འོད་དིག ཚོང་ཁྲལ་འཇལ་དགོས་འོས་པ་ཡིན་ནི། ཁོང་ལེ་ཁྲལ་འཇལ་དགོས་འོད་དིག གུས་ཞབས་བགྱིད་དགོས་འོས་པ་ཞིག་ཡིན་ནི། དེ་ལེ་གུས་ཞབས་བགྱིད་དགོས་འོད་དིག བརྩི་བཀུར་བགྱིད་དགོས་འོས་པ་ཞིག་ཡིན་ནི། དེ་ལེ་བརྩི་བཀུར་གྱིས་ཤིག

བྱམས་བརྩེ་བ་བགྱིད་དགོས་པའི་སྐོར།

8ཕན་ཚུན་གཅིག་གིས་གཅིག་ལེ་བྱམས་བརྩེ་བ་བགྱིད་རྒྱུ་མ་གཏོགས་དོན་ཅི་ཆ་ནས་མི་གཞན་ལེ་བུ་ལོན་ཟུག་ཏུ་མ་འཇུག ཅི་ལེ་ཟེར་ནི། མི་གཞན་ལེ་བྱམས་བརྩེ་བ་བགྱིད་མཁན་གྱིས་ཆོས་ཁྲིམས་བསྒྲུབས་པི་བགྱིད་འོད་དིག 9བྱི་བོ་བྱི་མོ་མ་བགྱིད། མིའི་སྲོག་མ་གཅོད། རྐུ་མ་མ་རྐུས། ཧམ་སེམས་མ་བགྱིད་ཟིན་གསུངས་པའི་ཆོས་ཁྲིམས་དེ་ནི། ཁྱོད་ཀྱིས་རང་ལེ་བརྩེ་བ་བགྱིད་དི་ཅོག་འདྲ། རང་གི་ཁྱིམ་མཚེས་ལེ་ཟང་བརྩེ་བ་བགྱིད་འོད་དིག་ཟེར་རི་བཀའ་དེ་ནི། དེའི་ནང་ལེ་འདུས་འོད་དིག#13.9 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་གསུམ་པ་ལེ་ཝི་ཚུལ་ཁྲིམས་ལེའུ་ 19 ཨང་ 18 ནང་ལེ་གཟིགས་རོགས།#13.9 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་གཉིས་པ་ཐེགས་ལེའུ་ 20 ཨང་ 13-15 དིང་། ཡང་ 17 ནང་ལེ་གཟིགས་རོགས། ལུང་སྟོན་པ་མོ་ཤེས་བྲིས་པའི་མདོ་ལྔ་པ་བཀའ་ལུང་ལེའུ་ 5 ཨང་ 17-19 དིང་། ཨང་ 21 ནང་ལེ་གཟིགས་རོགས། 10བྱམས་པས་ཁྱིམ་མཚེས་ལེ་གནོད་པ་མི་བགྱིད་འོད་དི་མ་ཟད། བྱམས་པས་ཆོས་ཁྲིམས་སྒྲུབ་གྱོ་འོད་དིག

11ཡང་ཁྱེད་ཀྱ་ཀྱིས་དུས་སྐབས་འདི་ཧ་གོ་ཕེན། ད་འོ་དེ་གི་ཅོག་འདྲ་གྱིས་ཤིག འུ་ཀྱ་ཀྱིས་སྔར་དད་པ་སྐྱེས་པའི་དུས་དེ་ལས་ལྷག་ཚོད། ད་ལྟ་འུ་ཀྱ་ཀྱི་ཐར་པ་དེ་ཉེ་མོ་སླེབས་འོད་ཕེན། གཉིད་སད་པའི་དུས་ལེ་སླེབས་འདུག 12མཚན་མོ་རྫོགས་ཏེ། ཉིན་མོ་སླེབས་ལྷག་འདུག འུ་ཀྱ་ཀྱིས་མུན་ནག་གི་སྤྱོད་པའི་ལས་དེ་སྤངས་ཏེ་འོད་ཟེར་གྱི་མཚོན་ཆ་གྱོན་དགོས་འོད་དིག 13ངོ་ཚ་མེད་པའི་སྤྱོད་ལམ་དིང་། ཆང་ཨ་རག་གིས་བཟི་བ། བྱི་བོ་དིང་བྱི་མོ། འདོད་ཆགས། རྩོད་གླེང་དིང་ཕྲག་དོག་མེད་དི་ངང་ནས་ཉིན་ལེ་འགྲོ་བ་ཅོག་འདྲ། སྤྱོད་ལམ་དྲང་པོ་དགོས་པ་འོད་དིག 14སྐྱབས་མགོན་ཇོ་བོ་ཡེ་ཤུ་ནི་གོས་ཅོག་འདྲ་རང་གི་ལུས་ལེ་གྱོན་ཏེ། སྡིག་པའི་གཤིས་ཀའི་འདོད་པ་དེ་ཚིམ་པར་བགྱིད་རྒྱུའི་བསམ་བློ་དེ་སྤོངས་ཤིག །

اکنون انتخاب شده:

རོ་མཱ་པ། 13: DLPO

های‌لایت

کپی

مقایسه

به اشتراک گذاشتن