मत्ती 19
19
तलाक चे बारे मां ईशु ची शिक्षा
(मरकुस 10:1–12)
1जिसे बेले ईशु ये बाता केहती चुकला, ते गलील कनु चाह्ला गेला, ते यरदन नदी चे पार यहूदिया चे प्रदेस मां आला। 2तब बङी भीड़ ओचे भांसु टुरती पली, ते ओणे ओठे वानु चंगा करले।
3तब फरीसी ओची परीक्षा गेहणे वास्ते आती कर किहुं लाग़ले, “का हर हेक वजह कनु आपणी घराआली नु त्याग़णे वाजिब छै?”
4ईशु ने उत्तर ङिला, “का तम्ही पवित्रशास्त्र मां कोनी पढ़ले कि जेह्णे वानु बणाले, ओणे शुरु कनु मर्द ते असतरी बणाती कर केहले, 5‘ये वजह मर्द आपणे आई-ब़ा कनु अलग़ हुती कर आपणी घराआली चे लारे रिही ते वे ङोनी हेक तन हुवे?’ 6तां वे हमा ङोन कोनी, पर हेक तन छी। ऐवास्ते जानु नरीकारा ने जोड़ले, ओनु इन्सान अलग़ ना करो।”
7 #
मत्ती 5:31
फरीसिया ने ईशु नु केहले, “बल्ति मूसा ने ईं का ठहराले कि त्यागपत्र ङिती कर विनु छोड़ती ङिया?”
8ईशु ने वानु केहले, “मूसा ने तम्चे मना ची कठोरता ची वजह तम्हानु आपणी-आपणी घराआली नु छोड़ती ङेणे ची आज्ञा ङिली, पर शुरु कनु इसड़े कोनी हुते। 9#मत्ती 5:32; 1 कुरि 7:10,11ते मैं तम्हानु किहे पला, कि जको कुई व्यभिचार नु छोड़ती कुई नेरी वजह कनु आपणी घराआली नु त्याग़ती कर ङुजी लारे बीहा करे, ओ व्यभिचार करे, ते जको वे छोड़ली आली लारे बीहा करे, ओ वी व्यभिचार करे।”
10चैला ने ईशु नु केहले, “अगर मर्दा चा असतरी लारे इसड़ा सम्बन्ध छै, ते बीहा करने आच्छे कोनी।”
11ईशु ने वानु केहले, “सारे हा वचन ना मन सग़ी, हेको ओही कर सग़े जाई सहायता नरीकार कर सग़े। 12कांकि कोच्छ हीजड़े इसड़े छी जको आई चे ढिड्डा कनु ही इसड़े जमले। ते कोच्छ हीजड़े इसड़े छी जानु बन्दा ने हीजड़े बणाले, ते कोच्छ बन्दी इसड़ी छी, जेह्णे स्वर्ग़ा चे राज़ मां जाणे वास्ते बीहा कोनी करने चा फैंसला करला। जको ऐ उपदेशा नु गेहणे चाहवे ऊं गिहो।”
ब़ाला नु आशीर्वाद
(मरकुस 10:13–16; लूका 18:15–17)
13तब लौक ब़ाला नु ओचे गोढु आणले कि ओ वांचे उपर हाथ मेहलो ते प्राथना करो, पर चैला ने वानु धमकाले। 14ईशु ने केहले, “ब़ाला नु माये गोढु आऊं ङिया, ते वानु मना ना करा, कांकि स्वर्ग़ चा राज़ इसड़ा चा ही छै।”
15ते ईशु वांचे उपर हाथ मेहलती कर उठु चाह्ला गेला।
धन्नी बन्दे ते अनन्त जीवन
(मरकुस 10:17–31; लूका 18:18–30)
16हेक बन्दे ईशु चे गोढु आले ते ओनु केहले, “हे गुरु, मैं किसे भले काम करे कि अनन्त जीवन गिहे?”
17ओणे ओनु केहले, “तु माये कनु भलाई चे बारे मां कां पूछी पला? भला तां हेक ही छै, पर अगर तु जीवन मां जाणे चाहवी, तां ओचीया आज्ञा नु मनले कर।”
18ओणे ईशु नु केहले, “किसी आज्ञा?”
ईशु ने केहले, “ये आज्ञा छी, ‘हत्या नी करनी, व्यभिचार नी करना, चोरी नी करनी, कूड़ी ग़वाही नी ङेणी। 19आपणे ब़ा ते आई चा कद्दर करियो’ ते ‘आपणे पड़ोसीया लारे आपणे समान प्रेम राखीयो।’ ”
20ते ओ जवाना ने ईशु नु केहले, “यां सब नु तां मैं मनले छै, हमा माये मां किसी बाते ची कमी छै?”
21ईशु ने ओनु केहले, “अगर तु सेद्ध हुवणे चाहवी तां जा, आपणे सब कोच्छ बेचती कर कंगाला नु ङे, ते तनु स्वर्ग़ा मां धन मिली, ते आती कर माये भांसु टुरती पड़।”
22पर ओ जवान ईं सुणती कर उदास हुला ते चाह्ला गेला, कांकि ओ ब़ोहत धनवान हुता।
23बल्ति ईशु ने आपणे चैला नु केहले, “मैं तम्हानु सच्च किहे पला कि धनवान चे स्वर्ग़ चे राज़ मां जाणे मुश्किल छै। 24तम्हानु बल्ति किहे पला कि नरीकारा चे राज़ मां धनवान चे जाणे कनु ऊंठा चे सुई चे दुक्का महु निकलती जाणे आसान छै।”
25ईं सुणती कर चैला ने ब़ोहत अचम्भित हुती कर केहले, “बल्ति काया उद्धार हो सग़े?”
26ईशु ने वांचे सनु ङेखती कर केहले, “इन्साना कनु तां ईं ना हो सग़ी, पर नरीकारा कनु सब कोच्छ हो सग़े।”
27ऐचे उपर पतरस ने ओनु केहले, “ङेख, अम्ही तां सब कोच्छ छोड़ती कर दुधे भांसु टुरती पले, तां अम्हानु का मिली?”
28 #
मत्ती 25:31;
लूक 22:30
ईशु ने वानु केहले, “मैं तम्हानु सच्च किहे पला कि नवीं सृष्टि मां जिसे बेले मैं इन्साना चा पूत आपणी महिमा चे सिंहासना उपर ब़ेसी, तां तम्ही वी जको माये भांसु टुरती पले छिवा, ब़ारहा सिंहासना उपर ब़ेसती कर इस्राएल चे ब़ारहा गोत्रा चा न्यां करा। 29ते जेह्णे वी घर, जा भावां नु, जा ब़ेहणीया नु, जा ब़ा नु, जा आई नु, जा ब़ाला-ब़च्चा नु, जा खेता नु माये नांवा वास्ते छोड़ती ङिले, ओनु साओ गुणा मिली, ते ओ अनन्त जीवन चा अधिकारी हुवी। 30#मत्ती 20:16; लूक 13:30पर ब़ोहत से जको पेहले छी, वे भांसु हुवे, ते जको भांसु छी, वे पेहले हुवे।
اکنون انتخاب شده:
मत्ती 19: ODR
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
CC BY-NC-ND 4.0
