KEJADIAN 38
38
Yehuda ru Tamar
1Ku mase ajeh, Yehuda kidek itenek-menang lalu kiet nu kote Adulam. Ku pajeh kek kigei besama ru numom keral imuh Hira. 2Ku pajeh Yehuda kibakek numom kerdor Kanaan, de iapak imuh Sua. Telas ajeh Yehuda kijeg kerdor ajeh. 3Lalu kerdor ajeh kimakok ru kiperyos numom kenon keral. Yehuda kisebot kenon ajeh Er. 4Kerdor ajeh kimakok nij ru kiperyos numom kenon keral. Kek kisebot muh ikenon ajeh Onan. 5Telas ajeh kek kimakok nij ru kiperyos numom kenon keral. Kek kisebot muh ikenon ajeh Syela. Yehuda kigei ku Kezib mase Syela biperyos.
6Bile Er ya kiraknak, Yehuda kiperjeg Er ikenon sulog ajeh ru Tamar. 7Tapi kelaku Er ihad jehat lei Yahweh Kiberiknos nu kek lalu Kikot inyawe.
8Telas ajeh Yehuda kiurok nu Onan menang Er, “Jegloh ru balu tenek hek ru besamaloh ru kek. Behloh tanggongjawab hek nu kek kerana hek menang gengsir ilei entem. Begei ajehloh icare tenek hek buleh kikep ikenon-cenok.” 9Tapi Onan kipanei kenon de yos ajeh doh pek kijadi hak kek. Kerana ajeh, jap kali kibesama ru balu itenek ajeh, kek kibiar ibenih jot ku luar supaye itenek walah ikenon-cenok. 10Ikelaku ajeh kibeh Yahweh Kiberiknos lalu Yahweh Kikot inyawe juga.
11Telas ajeh Yehuda kiurok nu Tamar imengsau, “Jogloh nu deg apak hek ru geiloh ku pajeh sebegei balu lei kenon eng Syela kiraknak.” Yehuda kiurok begei ajeh kerana kisengoh Syela doh bikot inyawe begei nar mom itenek. Jadi, Tamar pen kijog nu deg iapak.
12Memerip iluniu ju kenjeh, kenah Yehuda kidat. Bile mase pebekabongan ya dij, Yehuda kipakat Hira ikawat mai Adulam ajeh baiet nu Timna baiha-buruk mai de begunteg sentol idombe.
13Tamar kikep gah tentang Yehuda itak ajeh doh kihol nu Timna kaha-gunteg sentol idombe. 14Kerana ajeh, Tamar kiganti ipenakei mai balu ya penakei kilek. Kek kitutop irenes ya nuhenglei tudog, lalu kigei ku pintu gerbang kote Enaim ku nong de kituju nu Timna. Tamar kibeh begei ajeh kerana kek pekseg juga biperjeg ru Syela kenon Yehuda de iloj ajeh hamapen Syela ya kiraknak.
15Bile Yehuda kineng Tamar, kek kisabek kerdor ajeh numom pelacor kerana kitutop irenes. 16Yehuda kiperek nu kek ku beg nong ajeh ru kiurok, “Eng ngha-besama ru hek.” Kek pek kipanei kerdor ajeh mengsau ilei sendiri.
Tamar kiberlag, “Maka de jenha-og nu eng?”
17Yehuda kiurok nij, “Eng doh ngog nuikor kambeg nyengnyam nu hek.”
Tamar kiberlag, “Buleh, asal mong jenamin canuk lei jenog kambeg ajeh.”
18-19Yehuda kitanya, “Maka de buleh ngha-og nu hek?”
Tamar kiberlag, “Ogloh eng meterai jen. Og juga icog ru tungkat de jenen ajeh.” Lalu Yehuda kiog iarap ajeh nu kek ru ubai pen baibesama. Telas ajeh Tamar kijog nu imadeg, kibuka itudog renes, ru kilog nij ipenakei mai balu. Lalu Tamar kimakok.
20Memerip iluniu ju kenjeh Yehuda kingeng Hira ikawat supaye kien kambeg ha kerdor ajeh ru kisemanj arap jenamin de ya kiog nu kerdor ajeh entem, tapi Hira pek kiburuk kerdor ajeh. 21Hira kitanya nu sengoi ku Enaim, “Ku belokka pelacor de kikerakjak ku kuel, ilei de selalo kigu-poj ku beg nong adeh?”
Naiberlag, “Pek pernah mong pelacor de kikerjak ku kuel ku padeh.”
22Kerana ajeh, Hira kilos nu Yehuda ru kiurok, “Eng pek ngburuk kerdor ajeh. Amen hijoi engrok mai ku pajeh, pek pernah mong pelacor de kikerakjak ku kuel ku pajeh.”
23Yehuda kiurok, “Biarloh arap ajeh kidek ya kek, asal hik pek hikep malu. Eng ya ngbeusehe ngha-bayar kerdor ajeh tapi hek pek haburuk kek.”
24Kira-kira nik gencek ju kenjeh, Yehuda kikep gah tentang Tamar imengsau ya kibesama ru mai ru ya kimakok.
Lalu Yehuda kior, “Enloh kek ru todloh lei dat!”
25Sementare Tamar bien nu luar, kek kiog bengsat nu itak, “Eng bipemakok ya sengoi de bepunya arap adeh. Periksaloh meterai adeh, icog, ru tungkat adeh. Nengloh, arap bok adeh.”
26Yehuda kikenal arap ajeh ru kiurok, “Kerdor adeh pek besalah kerana eng pek ngperjeg kek ru kenon eng Syela.” Yehuda pek kibesama ru Tamar nij.
27Bile ya lei imase Tamar kiperikyos, kek kipanei kek doh kiperyos kenon kerbar. 28Tengah kek kiperikyos, numom ju sanget kerbar ajeh kiperhol iteg. Bidat kicap teg sanget ajeh ru kibeg ya sengrai ceher. Sambel ajeh bidat kiurok, “Sanget adeh kiyos canuk.” 29Tapi sanget ajeh kitarek iteg nij ru sanget de nanek nij kiyos lebeh canuk. Telas ajeh bidat kiurok, “Begei adeh hek hapaksa diri lihek hahol!” Lalu sanget de biperyos lebeh canuk ajeh bisebot imuh Peres.#38:29 Peres: Muh adeh imaksod, kipaksa hol. 30Telas ajeh baruloh biperyos imenang nij, de iteg bibeg ya sengrai ceher. Kenon ajeh bisebot imuh Zerah.#38:30 Zerah: Muh adeh imaksod, nyap ku arik dui.
اکنون انتخاب شده:
KEJADIAN 38: AEH
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.