إنجيل يوحنا 14
14
يسوع يعزي التلاميذ
1«ما تخافوا أنتوا تآمنوا بالله، آمنوا فييا كمان. 2في بيوت أبويا بيوت كتيره، ولو ما كان كدا ما كنت قولتلكم! أنا رايح علشان أرتبلكم مكان. 3وبعد ما أروح علشان أرتبلكم المكان، أرجع لكم وأخدكم معايا علشان تكونوا في المكان اللي ما أنا موجود فيه. 4انتوا تعرفوا لفين أنا رايح، وتعرفوا الطريق».
5قال توما: «يا سيد ما نعرف لفين أنت رايح، فكيف حنعرف الطريق؟».
يسوع هو الطريق للأب
6رد علية يسوع: «أنا الطريق والحق والحياة. ما يقدر أحد ييجي للأب إلا عن طريقي. 7اذا انتوا عرفتوني، بكدا تكونوا عرفتوا أبويا كمانه، ومن داحين تعرفوه وشفتوه ». 8فقاللو فيليبس: «يا سيد ورينا الأب وبكفينا!». 9رد عليه يسوع: «صارلي هادي الفترة الطويله وأنا معاكم وما تعرفني يا فيليبس؟ اللي شافني يكون شاف الأب، كيف تقول: ورينا الأب؟ 10انت ما تآمن أنو أنا في الأب والأب فييا؟ الكلام دا اللي أقوله ما أقوله من عندي، بس الأب اللي هو فييا يسوي أعماله هادي. 11صدقوني: أنا في الأب والأب فييا، وصدقوني علشان هادي الأعمال. 12الحقيقة الحقيقة أقولكم: اللي يآمن فييا يسوي الأعمال اللي أنا أسويها، لكن يسوي أعظم منها، لأني أنا رايح لعند أبويا. 13أي شي تطلبوا بإسمي اسويه لكم، علشان يتمجد الأب في الأبن. 14اذا طلبتوا شي باسمي، رح أسويه.
الوعد بالروح القدس
15اذا انتوا تحبوني سووا اللي أوصيكم عليه. 16ورح أطلب من الأب أنو يعطيكم مساعد تاني يبقى معاكم للأبد. 17هادا المساعد هو روح الحق اللي ما يقدر العالم أنو يقبلوا لأنو ما يشوفه ولا يعرفه، بس أنتوا تعرفوه لأنو معاكم وحيكون في جوّاكم. 18ما رح أسيبكم ايتام، لكن رح أرجع لكم. 19بعد شوي العالم ما يشوفني. بس أنتوا رح تشوفوني. لأني أنا حي، انتوا كمانا رح تحيوا. 20داك اليوم تعرفوا أني في أبويا، وأنتوا فييا، وأنا فيكم. 21مين اللي عندوا وصاياي، يسويها، وهو اللي يحبني. واللي يحبني، أبويا يحبه، وأنا أحبة وأعلن لو عن نفسي».
22سأله يهوذا، غير الإسخريوطي: «ياسيد، ايش اللي صار علشان تخبرنا عن نفسك وما تخبرها للعالم؟». 23رد عليه يسوع: «اللي يحبني يسوي بكلامي، وأبويا يحبه، ونجي، نسوي لنا بيت عنده. 24واللي ما يحبني ما يسوي كلامي. وهادا الكلام اللي تسمعوه مو من عندي، هو من عند الأب اللي أرسلني. 25أنا قولتلكم هادي الحاجات وأنا لسه عندكم. 26لكن الروح القدس، اللي عينه الأب واللي رح يرسله بإسمي، هو رح يعلمكم كل شي، ويذكركم بكل شي قلته لكم.
27اترك لكم السلام. اعطيكم سلامي. أنا اعطيكم مو زي ما يعطيكم العالم. لا تخافوا ولا ترتعبوا. 28سمعتوا ايش اللي قولتلكم: أنا رايح من عندكم بس رح أرجعلكم. اذا انتوا تحبوني، حتفرحوا لأني رايح لعند الأب، لأنو الأب أعظم مني. 29هادا أنا عرفتكم باللي حيصير قبل ما يصير، علشان لما يصير تآمنوا. 30ما رح أكلمكم كتير بعد كدا، لأنو سيد هادا العالم جاي لي، بس ما له شي فيّ. 31هادا الشي رح يصير علشان العالم يعرف إني أحب الأب، وأني اسوي زي ما وصاني الأب. قوموا! نروح من هنا
اکنون انتخاب شده:
إنجيل يوحنا 14: HNAV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hijazi New Arabic Version © 2024 Strategic Resource Group
