إنجيل يوحنا 12
12
صب العطر على يسوع
1وقبل الفصح بست أيام جا يسوع لبيت عليا بلدة لعازر اللي أقامه من بين الأموات. 2وعملولو عزومة عشا، وكانت مرتا تخدم، وكان لعازر واحد من الجالسين معاه. 3وأخدت مريم تلت لتر من عطر الناردين الخالص والغالي، ودهنت فيه رجول يسوع بعدين مسحنها بشعرها، انتشرت الريحة الطيبة في كل البيت. 4قال واحد من التلاميذ، وهو يهوذا الأسخريوطي، واللي كان حيخون يسوع: 5«ليش ما ينباع هادا العطر بتلتمية دينار وتتوزع على المساكين؟» 6وهو ما قال هادا الكلام لأنو يعطف على المساكين، قاله لأنو كان حرامي، وهو كان أمين الصندوق وكان يختلس من اللي يودع فيه. 7رد عليه يسوع «سيبها! أنا احتفظت بهادا العطر ليوم دفني. 8المساكين موجودين عندكم في كل وقت، بس أنا مو موجود عندكم في كل وقت».
9وعرف كتير من اليهود انو يسوع كان في بيت عليا، جووا مو علشان يشوفوا يسوع، لكن علشان يشوفوا لعازر اللي أقامة من بين الأموات. 10قرر رؤسا الكهان أنهم يقتلوا لعازر كمانا. 11لأنو كتير من اليهود كانوا يسيبوهم بسببه ويآمنوا بيسوع.
الدخول الانتصاري
12وفي اليوم اللي بعده، عرف الناس الكتير اللي جووا للعيد أنو يسوع جاي لأروشليم. 13حملوا سعف النخل وطلعوا علشان يستقبلوه وهم يهتفوا «اوصنا! تبارك اللي جاي باسم الرب هو ملك اسرائيل!» 14ولقى يسوع جحش وركب عليه، زي ما أنكتب: 15« ما تخافي يا بنت صهيون، ملكك جاي لك راكب على جحش آتان».
16وما عرف تلاميذ يسوع في البداية أن هادا كان تكملة للنبوءه. بس بعد ما تمجد يسوع تذكروا أن الكتاب قال هادا عنه، وأنهم سووا هادا علشانه
17والجموع اللي كانوا معاه لما نادى على لعازر من القبر وأحياه من بين الأموات كانوا يشهدولو بهادا الشي. 18عشان كذا خرجت الناس تستقبله ، لانهم سمعوا انه عمل هذه الايه 19قال الفرسيين لبعضهم: «تشوفوا كيف ما تستفيدوا بشي؟ هادي كل الناس ما شية وراه!»
يسوع يتنبأ بموته
20وكان من بين اللي جووا اورشليم للتعبد في أيام العيد ناس من اليونانيين. 21راحوا لفليبس، وهو من بيت صيدا في منطقة الجليل، وقالولو: «يا سيد، نبغى نشوف يسوع». 22جا فيلُبُّس وقال لندراؤوس، بعدين راحوا مع بعض وخبروا يسوع.
23قاللهم يسوع: «قربت ساعة تمجيد ابن الإنسان. 24الحقيقة الحقيقة أقولكم: أن حبة القمح تبقى وحيده اذا ما وقعت في الأرض وماتت. أما اذا ماتت فهي راح تنتج حب كتير، 25اللي يتمسك بحياته رح يخسرها. واللي ما يتمسك بحياته في هادا العالم رح يوفرها للحياة الأبدية. 26اللي يبغى يخدمني يتبعني فين ما رح أكون رح يكون خادمي معايا كمانه. وكل واحد يخدمني أبويه يكرموا.
27نفسي مضطربة دحين، ايش أقول؟ يا أبويا أنقذني من الساعة الجايه عليه؟ لا ،علشان هادي الساعة جيت. 28يا أبويا يا مجد السما»
وشويه صوت من السما يرد: مجدتو ورح امجده كمانا 29ناس من الحاضرين اللي سمعوا الصوت قالوا: «هادا صوت رعد!» بس ناس تانيين قالوا «كلمو ملاك!» 30رد يسوع: «هادا الصوت ماكان علشاني هادا الصوت علشاننكم 31داحين وقت الحكم على هادا العالم! داحين ينطرد سيد هادا العالم للخارج! 32ولما أَرْتَفِعْ عن الأرض حينجذب لي الكل ». 33قال هادا الكلام علشان يدي إشارة للموته اللي رح يموتها. 34قال ناس من الحاضرين: «عَلَّمَتْنا الشريعة أنو المسيح رح يبقى حي للابد، كيف تقول أنو ابن الإنسان لازم أنو يتعلق؟ من هو ابن الإنسان هادا؟». 35قاللهم يسوع:« يبقى النور معاكم لوقت قصير. واصلوا السير ما دام النور يشرق عليكم، علشان ما يجي الضلام عليكم، لأنو اللي يمشي في الضلام ما يعرف لفين يروح. 36آمنوا بالنور ما دام النور معاكم، وصيروا اولاد النور».
وبعد ما يسوع قال هادا الكلام، راح واختفى.
مآمنين ومو مآمنين بين اليهود
37ورغم أنو سوى قدامهم آيات كتيره مره، بس ما آمنوا فيه. 38وعلشان يصير اللي قاله النبي أشعيا: «يارب من آمن بكلامنا؟ وَلِمَنْ ظَهَرَتْ يد الرب؟». 39وما قدرو يآمنوا، لأنو أشعيا قال كمانه 40«انعمت عيونهم وقست قلوبهم، علشان ما يشوفوا بعيونهم ويفهموا في قلوبهم، ويتوبوا علشان أشفيهم.». 41وقال أشعيا هادا لما شاف مجد الرب وتكلم عنه. 42وكمان كتير من الرؤسا آمنوا بيسوع من غير ما يعلنوا بإيمانهم، علشان خايفين أنو ينحكم عليهم بالطرد من المجمع، 43مفضلين المجد الجاي من الناس على المجد الجاي من الله.
44قال يسوع بصوت عالي: «مين يآمن فييا، هو ما يآمن فييا لكن باللي أرسلني 45واللي شافني شاف اللي أرسلني 46جيت نور للعالم، علشان ما يبقى أحد آمن فييا في الضلام. 47وإزا أحد سمع كلامي وما يآمن فييا، أنا ما أحكم علية، أنا بس جيت علشان أخلص العالم مو علشان أحكم العالم. 48اللي يرفضني وما يقبل كلامي، مين اللي يحكم علية: الكلمة اللي قولتها هي اللي تحكم علية في الآخره 49لأنو أنا ما اتكلم بشي من عندي، أنا أقول اللي وصاني في الأب اللي أرسلني 50وأنا أعرف أنو وصيتوا هي حياة أبدية: الكلام اللي أقوله، أقوله زي ما قاله لي الأب».
اکنون انتخاب شده:
إنجيل يوحنا 12: HNAV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hijazi New Arabic Version © 2024 Strategic Resource Group
