إنجيل يوحنا 10
10
الراعي الصالح والقطيع حقو
« 1الحقيقة الحقيقة أقولكم: انو اللي يدخل حظيرة الخرفان مو من الباب بس يدخل من مكان تاني، يكون بكدا حرامي ولص. 2أما اللي يدخل من الباب يكون راعي الخرفان. 3والبيبان ينفتحوا له، والخراف تسمع صوته، وينادي الخرفان حقونه كل واحد باسمه ويقودها برّه الحظيره. 4ولما يخرجها كلها ويمشي قدامها وهي تمشي وراه لأنها تعرف صوته. 5وهي ما تتبع الغريب وتهرب منه، لأنها ما تعرف صوت الأغراب. 6يسوع ضرب لهم هادا المثل بس هم ما فهموا ايش يقصد.
7علشان كدا رجع وقال: الحقيقة الحقيقة أقوللكم: أنا باب الخرفان 8كل اللي جووا قبلي كانو حرامية وسراقين، والخرفان ما انخلقت علشانهم. 9أنا الباب. كل واحد دخل فييا يخلص، يدخل ويخرج ويلاقي المرعى. 10الحرامي ما ييجي لغير أنو يسرق ويدبح ويقتل أما أنا جيت علشان تكون لهم حياة، كل الحياة! 11أنا الراعي الصالح والراعي الصالح يضحي بحياته علشان يفدي خرفانه 12بس الاجير مو زي الراعي، لأنو الخرفان مو ملكه ولمن يشوف الديب جاي يهرب علشان ينجو، والديب يخطف الخرفان ويقضي عليها. 13هو يهرب لأنو انجبر يهرب وما يهتم للخرفان. 14بس أنا الراعي الصالح، أعرف خرفاني وخرفاني تعرفني 15زي ما الأب يعرفني وأنا أعرفه وأنا اضحي بنفسي علشان افدي خرفاني. 16وعندي خرفان تانية مو من هادي الحظيره، لازم أجمعها كمان، وتسمع صوتي علشان يصير قطيع واحد وراعي واحد.
17الأب يحبني علشان أنا اضحي بحياتي علشان استردها. 18ولا أحد ياخد حياتي، لكن أنا اللي اضحي فيها باختياري عندي السلطة إني أضحي فيها وعندي السلطة إني أسترجعها. هادي الوصية تلقيتها من أبوية».
19انقسم اليهود في رايهم على هادا الكلام 20كتيرين منهم قالوا: «هو يهذي لان في شيطان ساكن فيه. ليش تسمعوا له؟». 21وناس تانيين قالوا: «هادا الكلام مو من انسان يسكنه شيطان. الشيطان يقدر يفتح عيون العميان؟».
االيهود ما آمنوا
22وفي وقت العيد حق تجديد الهيكل في الشتا. 23كان يسوع يتمشى في الهيكل في قاعة سليمان. 24تجمع اليهود حوله وقالولو: «لمتى تخلينا محتارين فيك؟ اذا انت المسيح بجد، قولنا بصراحة». 25رد عليهم يسوع: «قللتلكم بس انتوا ما تصدقوا والأأعمال اللي اسويها باسم أبوية، هي اللي تشهد لي. 26بس انتوا ما تصدقوا لأنكم مو خرفاني. 27خرفاني تسمع صوتي وأنا أعرفها وهي تعرفني. 28وأديها الحياة الأبدية، ما تهلك للأبد ولا في أحد يقدر ياخدها مني. 29الأب اللي إداني هيه هو أعظم من الكل، وما يقدر أحد أنو ياخد من يد الأب أي شي 30أنا والأب واحد!».
31شال اليهود الحجاره مره تانية علشان يرموهها علية 32قاللهم يسوع: «شوفتم اعمال كتيرة صالحة من عند أبويه، أي عمل بسببه تبغوا ترجموني ؟». 33ردوا عليه: «ما نرجمك بسبب أي عمل صالح، نرجمك علشانك تجدف على الرب. علشان تسوي نفسك الله، بس انت انسان!». 34قللهم يسوع: «مو مكتوب في شريعتكم: أنا قلت انكم إلَه؟ 35اذا كانت الشريعة تقول عن اللي نزلت عليهم كلمة الله آلهة وما ممكن أنو يتنقض الكتاب. 36وانتوا تقولوا للي قدسو الأب وارسلة للناس: انت تجدف بس لأني قلت: انا ابن الله؟ 37اذا كنت ما أسوي أعمال أبوية، لا تصدقوني. 38أما اذا كنت اسوي داك الشي لازم تصدقوا، اذا كنتم لا تصدقوني أنا. ساعتها هتعرفوا وتتأكدوا إنه فيا و أنا فيه».
39صاروا مره تانيه يبغوا يقبضوا عليه، بس مره تانية أفلت من يدينهم. 40ورجع للضفة التانية من نهر الأردن المكان اللي كان فيه يوحنا يعمد من قبل. وعاش هناكا. 41جالوا ناس كتيره وهمه يقولوا: «يوحنا ما سوى آية واحدة، بس كل اللي قالو عن هادا الراجل كان حقيقه» 42وآمن فيه ناس كتيره هناكا.
اکنون انتخاب شده:
إنجيل يوحنا 10: HNAV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hijazi New Arabic Version © 2024 Strategic Resource Group
