Mercos 4
4
Matal el-mzeri3
1Reje3 YASOU3 y3allim 7add el-ba7r, w-tjamma3o 7awlo nes ktir, la-daraje enno toli3 3al-shakhtoura bel-ba7r w-2a3ad fiya, wel-nes kella 3al-shatt.
2Sar ye7kyon bel-amtel 3an eshya ktire. W-2allon:
3"Sma3o! Ra7 el-mzeri3 ta-yezra3.
4Houe w-3am yezra3, fi kamm 7abbe wa2a3o 3ala 7affit el-tari2, w-ejo el-3safeer w-akalouwon.
5W-ghayron wa2a3o 3ala ard 7ajar, ma-fiya ktir trab, farrakho bi-ser3a, li2anno terbeton mish ghami2a.
6W-lamma tol3it el-shams deblo, w-li2anno ba3don bala shloush, yebso.
7W-wa2a3 ghayron bel-shawk, toli3 el-shawk w-khana2on w-ma 3ato thamar.
8W-ghayron wa2a3 bi-ard taybe, w-athmaro, fi thamara 7emlit tleteen, w-thamara sitteen, w-thamara miyye."
9W-2al YASOU3: "yalle 3endo dineyn, khallih yesma3!."
Leysh 3am ye7kyon bel-amtel
10Lamma sar YASOU3 wa7do ma3 yalle bidallo 7addo w-ma3 tlemizo el-tna3sh, sa2alouh 3an ma3na el-amtel,
112allon: "ento n3atalkon serr malakout ALLAH. Bass yalle ba3don barra byesma3o kell shi bel-amtel,
12li2annon: byettalla3o w-ma bishoufo, byesma3o w-ma byefhamo, 7atta ma ysir baddon ytoubo, w-khatayahon yenghafaro."
Tefsir matal el-mzeri3
13Min ba3da 2al la-tlemizo: "ma fhemto hal-matal? Keef, fa-ezan, 3am tefhamo amtel tenye?
14El-mzeri3 byezra3 kalem ALLAH,
15w-fi nes metl hal-zar3 yalle nzara3 3a-7affit el-tari2, byesma3o kalem ALLAH, byeje el-shaytan w-byesro2 yalle nzara3 fiyon.
16W-fi nes metl el-zar3 yalle nzara3 bi-ard 7ajar, bass yesma3o kalem ALLAH bye2balouh bi-se3et el-se3a w-byefra7o,
17bass li2anno nfouson mish mrassakha, ma byethbato 3ala ra2y. W-eza mara2o bi-di2a aw edtihad bi-sabab kelmet ALLAH, byenkro imenon.
18W-fi nes metl el-zar3 yalle nzara3 bel-shawk, byesma3o kelmet ALLAH,
19bass hmoum el-dene w-moughrayet el-ghena wel-shahawet el-be2ye bitfout 3al-2loubon w-btekhno2 kelmet ALLAH w-ma btethmor.
20W-fi nes metl el zar3 yalle nzara3 bel-ard el-taybe, byesma3o kelmet ALLAH w-bye2balouwa fa-bye7mlo shi tleteen, shi sitteen, w-minnon bye7mlo miyye."
Matal el-srej
212allon YASOU3: "fi 7ada bijeeb el-srej w-bi7otto ta7t el-mekyel aw ta7t el-takht? Amma bi7otto bi-matra7 3ale?
22Ma fi shi mekhfe ella ma ra7 ybayyin, w-ma fi shi serr ella ra7 yen3araf.
23Yalle 3endo dineyn, khallih yesma3!"
Matal el-kayl
24W-2allon: "ntebho shou 3am tesma3o! Bel-kayl yalle bitkayylo fih ra7 ykayyloulkon w-zyede,
25li2anno yalle ma3o shi bya3touh aktar. W-yalle ma ma3o shi, byettekhad minno 7atta yalle ma3o."
Matal el-zar3 yalle byekbar
262al YASOU3: "byeshbah malakout ALLAH rejjel byezra3 bi-7a2lo.
27Bel-leyl w-bel-nhar, eza ken neyim aw we3e, el-zar3 bifarrikh w-byekbar, w-houe ma bya3rif keef sar hal-shi.
28El-ard bta3te minna la-7ala el-3eshbe awwal shi, w-ba3den el-senble, w-ba3den el-2am7 yalle bimalle el-senble.
29W-lamma yendaj el-2am7, w-yeje wa2et el-2atf, byekhod el-mzeri3 el-manjal w-byo7sod."
Matal 7abbit el-khardal
30W-2al YASOU3: "bi-shou badna nshabbih malakout ALLAH? W-bi-ayya matal menmattlo?
31Houe metl 7abbit khardal, wa2et mnezra3a bel-ard bitkoun azghar min kell el-7boub bel-ard,
32bass lamma tfarrikh, bte3la w-bitsir akbar min kell el-mazrou3at, w-ghsouna bimeddo ktir, la-daraje enno tyour el-sama bteje w-bta3mil 3shoush bi-fayyeta."
33W-ken YASOU3 ye7ke ktir min hal-amtel ta-ywassellon kelmet ALLAH 3ala 2add ma bye2daro yefhamo.
34W-ma 7ekehon ella bel-amtel, bass wa2et yalle bye23od ma3 tlemizo la-7alon ken yfasserlon kell shi.
YASOU3 bisakkit el-3asfe
35Haydak el-yawm, 3ashiye, 2allon: "ta3o ne2ta3 3al-shatt el-tene."
36Tarako el-nes w-ra7o bel-shakhtoura, w-ken fi ma3on shkhatir tenye.
37W-habbet 3asfe 2awiye w-sar el-mawj a3la min el-shakhtoura la-daraje kenit ra7 tentele may.
38W-ken YASOU3 neyim bi-ekher el-shakhtoura, w-teke raso 3al-mkhadde. Wa3ouh w-2aloulo: "ya mou3allim, mish sheyif enno ra7 neghra2 w-nmout?"
39Se3eta 2am w-sakkat el-ree7 w-2al lal-ba7r: "skot! hda!" W-hedyit el-3asfe w-sar fi houdou2 3al-ekher.
40W-2al YASOU3 la-tlemizo: "shou bekon khayfin? Ba3d ma 2ãmanto?."
41Saytar 3leyon el-khawf, w-2alo la-ba3don: "meen hayda? Ta-el-ree7 wel-ba7r bitee3ouh!."
اکنون انتخاب شده:
Mercos 4: BB3arabe
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lebanese.bible © 2024 Bible Society Lebanon
Bible Society street Bible Society Center Sed El Bouchryeh Beirut - Lebanon P.O.Box: 11-0747 Riad El Solh, Beirut 1107 2060, Lebanon
All Rights Reserved.
