Š. Matéu 9
9
Krie IX.
1E po tše u‐ngjit te varka, škoi mbatân, e vate te χora e tîje.
2E njô i súaltin perpara nje paralíteke tše rrîje i štẽn mbe štrat. E pâr Džesúi bessen e tire, i θa paralítekut: Bẽn zemer, ti bîr, te ndeljenen mekátete tẽnte.
3E njô tsa nder Skribrat θân mbe vetχên: Kî malkón.
4E pâr Džesúi nder trût e tire, θa: Pse ju pensoni te ljiga te zémerat túaje?
5Tš’ ešt mê ljê te θúaš: Te ndeljenen mekátete tẽnte: o te θúaš: Ngreu, e ets?
6E se te dini, se Biri njeríut kâ zotrîn mbi δên te ndeljenje mekátete, aχíera i θot paralítekut: Ngreu, mirr štratin tẽnte, e ets te špia jote.
7E po tše u‐ngre, vate te špia tîje.
8Pâr kte prana gjindet u‐marmarostin, e nderúan Tenzôn, tše jep kta te mundur njérezvet.
9E škúar atéi Džesúi, pâ nje burr uljet te bankuni i gabeljotvet, tše θeχej Matê. E i θot: Eja pas meje. E ngréitur aí, vate pas atîje.
10E kje se aí iš uljet mbe tríes te špia, e njô šûm gabeljotra e te mekatrúam arδur, u‐úljetin bašk me Džesúin, e δišípuljit e tîje.
11E pâr Fariserat, i θân δišípuljevet tîje: Pse Δáskalji îje χâ me gabeljotrat e me te mekatrúamit?
12E gjegjur kto Džesúi, θa atire: Jo atá tše rrîn mîr dúan jatrúan, po atá tše rrîn ljik.
13Ju prana vatur mesoni tše ešt: Ljipisî dua, e jo sagrifitse. Pse ú nẽng erδa te θerrísia te dréitit, po te mekatrúamit.
14Aχíerna i kjasen atîje δišípuljit e Janjit, tue θẽn: Pse na, e Fariserat, agjerónjemi šûm: e δišípuljit e tû nẽng agjeronjen?
15E i θa atire Džesúi: Mund kjânjen te biljt e špîs δẽ́nderrit per sâ δénderri ešt me ta? Vĩnjen prana ditet kûr δẽ́nderri vién i ndziêrr ka atá: e aχíera kân t’ agjironjen.
16Mosnjerî štie nj’ arren petku te traše mbi nje te vešur te viéter: pse te piótet e atîje χeljkje te véšuren, e mé e maδe beχet vera.
17Ne štíen veren e rê nde rrešikjet te viéter; se ndemós škjiren rrešikjet, e vera derδet, e rrešikjet biren. Po štíen veren e rê nde rrešikje te rî, e njera e jetrit ruχen.
18Si θôje aí kto šurbise atire, njô arδur nje krie e aδoraren, tue θẽn: Zot, se bilja ime naní vdikje: po arδur ti, vêre doren tẽnde mbi até, e ajó rron.
19E ngréitur Džesúi, vate pas atîje, e bašk δišípuljit e tîje.
20E njô nje grua, tše rriθ gjak ka dimbeδiét viét, kjasur prapa, i ngau poδên e te vésures tîje.
21Pse θôje mbe vetχên: Nde ngafša vetmiθ te véšuren e tîje, ú šeronem.
22E po tše u‐prúar Džesúi, e pâ até, θa: Bẽn zemer, ti bîlje, bessa jote te šerói. E u‐šerúa grúaja tše nd’ at χêr.
23E arδur Džesúi te špia kréit, e pâr atá tše bijen fiškétevet e gjinde tše bejen θírrema, i θot atire:
24Mbjiδi: se vášeza nẽng vdikje, po fiê. E atá e kjéšejen.
25Kûr prana gjíndia kje ndziêrre atéi, χíjetur aí, múar doren e sâje. E vášeza u‐ngre.
26E kejó e θẽn vate nder gjiθ atá katunde.
27E si Džesúi u‐nise atêje, u‐vûn pas atîje di te verber, tše θerrísejen, e θojen: Kina ljipisî, bîr i Daviδit.
28Si prana vate te špia, ju‐kjásetin te vérberit. E Džesúi i θot: Kini bes se ú mund bẽnje keté? I θon atîje: Eχ, Zot.
29Aχíerna ngau sît e tire, tue θẽn: Ju kjofte bẽn si bessa júaje.
30E ju‐χaptin sît e tire: e Džesúi ju‐kanós, tue θẽn: Rúani te mos e die njerî.
31Po atá dâlje atéi, e šprištin nder gjiθ atá katunde.
32Dâlje prana atá, njô i súaltin perpara nje burr mung i zẽn ka špirti χúaje.
33E štûr jašte špirti χúaje, mungu folji, e gjíndete u‐marmarostin, tue θẽn: Mosnjeχêr u‐pâ keštú nd’ Israélet.
34Fariserat prana θojen: Aí ndzíer δimonte me kríen e δimonvet.
35E Džesúi vêje tue étsur gjiθ χorat, e katundet, tue mesúar te sinagogat e tire, e tue preδikartur vangjeljin e rregjerîs, e tue šerúar nga semûnd, e nga gramî te gjíndia.
36E tue pâr gjindet, kje mundur ka ljipisía per ta: se išen te ljoδta, e te špríšura si delje tše se kân pekurâr.
37Aχíera θot δišípuljvet e tîje: Te korra jân šûm, po korez pak.
38Andái parkaljéseni zotin e áravet, te dergônje korez te arat e tîje.
اکنون انتخاب شده:
Š. Matéu 9: AAE1869
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Përktheu nga greqishtja 1869.
