Марко 6

Исус отфрлен во Назарет

(Мт 13,53-58; Лк 4,16-30)

1Па излезе оттаму и дојде во Својот роден крај; а по Него одеа и Неговите ученици. 2#1,22; Лк 6,6; Јн 7,15И кога дојде сабота, Тој почна да поучува во синагогата и мнозина од оние што Го слушаа, се чудеа и говореа: „Од каде Му е ова? И каква е оваа мудрост што Му е дадена, та такви чуда стануваат преку Неговите раце? 3#3,31; Мт 12,46; Јн 6,42Нели е Овој дрводелецот, Синот на Марија, брат на Јаков, Јосија, Јуда и на Симон? И нели Неговите сестри се овде, меѓу нас?“ И се соблазнија поради Него. 4#Јн 4,44А Исус им рече: „Ниеден пророк не е без чест, освен во својот роден крај, меѓу роднините и во својот дом.“ 5#2,5; Лк 4,40И таму не можеше да направи ниту едно чудо; освен што излекува неколкумина болни, полагајќи ги рацете врз нив.

Исус ги испраќа дванаесеттемина апостоли

(Мт 10,5-15; Лк 9,1-6)

6И се чудеше на нивното неверие. Па одеше по околните села и поучуваше. 7#3,14-15; Лк 10,1И ги повика дванаесеттемина, и почна да ги праќа по двајца и им даде власт над нечистите духови. 8#Лк 10,4Па им заповеда да не земаат ништо за по пат, освен по еден стап: ниту торба, ниту леб, ниту пари во појасот. 9Туку да се обуени во сандали и да не облекуваат по две облеки. 10#Лк 10,7И им рече: „Ако влезете во некоја куќа, останете во неа сѐ додека не си отидете од тоа место. 11#Мт 10,14.18А ако некаде не ве примат, ниту ве послушаат, излегувајќи оттаму, истресете го правот од своите нозе, за ним да им се посведочи. Вистина ви велам: полесно ќе им биде на Содом и на Гомор во судниот ден, отколку на тој град.“ 12#Мт 3,2Тие појдоа и проповедаа покајание. 13#Мт 14,14; Јк 5,14-15Изгонуваа многу демони, и многумина болни помазуваа со масло и лекуваа.

Ирод и Исус

(Мт 14,1-2; Лк 9,7-9)

14 # Мт 16,14 И царот Ирод слушна за Исус, зашто се прочу Неговото име, па рече: „Јован Крстител воскреснал од мртвите и затоа се случуваат чуда преку него.“ 15#Мал 3,23; Мт 21,11Едни велеа: „Илија е!“, а други: „Пророк е, или како еден од пророците.“ 16А Ирод, штом чу, рече: „Тоа е Јован, на кого јас му ја отсеков главата; тој воскреснал од мртвите!“

Смртта на Јован Крстител

(Мт 14,3-12; Лк 3,19-20)

17 # Лк 3,19-20 Бидејќи самиот Ирод беше пратил да го фатат Јован, го врза и го фрли во затвор, поради Иродијада, жената на брат му Филип, со која Ирод се беше оженил. 18#3 Мојс 18,16; 20,21Зашто Јован му велеше на Ирод: „Не ти е дозволено да ја имаш жената на твојот брат!“ 19А Иродијада се озлоби против него и сакаше да го убие, но не можеше. 20Зашто Ирод се плашеше од Јован, знаејќи дека тој е праведен и свет човек, и го штитеше; многу работи вршеше откако ќе го слушнеше, а со задоволство го слушаше. 21#1 Мојс 40,20И настана погоден ден кога Ирод, за својот роденден, им приготви вечера на своите кнезови, началници и галилејски старешини; 22и влезе ќерката на Иродијада, играше и им угоди на Ирод и на гостите. Тогаш царот ѝ рече на девојката: „Барај од мене што сакаш и ќе ти дадам!“ 23#Ест 5,3.6; 7,2И ѝ се заколна: „Што и да побараш од мене, ќе ти дадам, дури и половината од моето царство.“ 24А таа излезе и ја праша својата мајка: „Што да побарам?“ Таа ѝ одговори: „Главата на Јован Крстител!“ 25И веднаш со брзање влезе кај царот и побара, говорејќи: „Сакам уште сега на чинија да ми ја дадеш главата на Јован Крстител!“ 26Царот се натажи, но заради заклетвата и гостите не сакаше да откаже. 27И царот веднаш испрати џелат и му нареди да ја донесат неговата глава. 28А тој отиде во затворот, го обезглави и ја донесе неговата глава на чинија, па ѝ ја предаде на девојката, а девојката ја даде на својата мајка. 29#Мт 27,59-60Кога неговите ученици слушнаа, дојдоа, го зедоа неговото тело и го положија во гроб.

Исус нахранува пет илјади луѓе

(Мт 14,13-21; Лк 9,10-17; Јн 6,1-14)

30 # Лк 6,13; 10,17 И се собраа апостолите кај Исус, па Го известија за сѐ што направиле и поучувале. 31#2 Мојс 16; 5 Мојс 8,3.16; Пс 77,24-25.29; 105,40; Мудр 16,20-26; 1 Кор 10,3#2,2; 3,20А Тој им рече: „Дојдете вие самите во пусто место и одморете се малку.“ Зашто мнозина доаѓаа и си одеа, така што немаа време ни да јадат. 32И отидоа со кораб во пусто место, насамо. 33И народот ги виде кога си одеа; и мнозина Го познаа, па од сите градови пеш поитаа таму; и ги претекнаа и се собраа околу Него. 34#4 Мојс 27,17; 3 Цар 22,17; Ез 34,5.15.23; 37,24; Зах 10,2; Пс 22,1; 76,20; 2 Цар 18,16; Мт 9,36А Исус, излегувајќи, виде многу народ и се смилува над нив, зашто беа како овци без пастир; и почна да ги поучува за многу нешта. 35#8,1-9И бидејќи веќе стана доцна, Неговите ученици пристапија кон Него и рекоа: „Местово е пусто, а и доцна е; 36распушти ги за да отидат по околните села и населби и да си купат леб, зашто нема што да јадат.“ 37Тој им одговори и рече: „Дајте им вие да јадат!“ А тие Му рекоа: „Да појдеме ли да купиме за двесте денарии леб, па да им дадеме да јадат?“ 38Потоа Тој ги праша: „Колку лебови имате? Отидете и видете!“ И кога видоа рекоа: „Пет леба и две риби.“ 39Тогаш Исус им рече на сите да седнат во групи по зелената трева. 40И седнаа во групи по сто и по педесет. 41#Мт 14,19; Лк 9,16; 22,19; 24,30Тој ги зеде петте леба и двете риби, погледна кон небото, ги благослови и ги раскрши лебовите, и им ги даде на Своите ученици, за да им ги стават пред нив; исто така им ги раздели и двете риби на сите. 42#Ис 25,6-8; 55,1-2; Мт 8,11И јадеа сите и се наситија. 43#8,19И собраа дванаесет кошеви полни со парчиња од лебот и од рибите. 44А оние што јадеа од лебовите, беа околу пет илјади мажи.

Исус чекори по вода

(Мт 14,22-33; Јн 6,15-21)

45И веднаш ги натера Своите ученици да влезат во коработ и да отидат пред Него на другата страна, кон Витсаида, додека Тој да го распушти народот. 46#1,35; 3,13; Лк 6,12; 9,28; Јн 6,15А Тој, одделувајќи се од нив, отиде во гората за да се помоли. 47Кога се стемни, коработ беше среде морето, а Тој сам на копното. 48#2 Мојс 33,19.22; 34,6; Пс 76,19; Јов 9,8И ги виде како се мачат веслајќи, зашто ветрот беше спротивен; а околу четвртата ноќна стража#6,48 четвртата ноќна стража т.е. рано наутро, меѓу 4 и 6 часот. дојде кај нив, одејќи по морето, и сакаше да ги одмине. 49#Лк 24,37А тие, кога Го видоа како оди по морето, помислија дека тоа е привидение, и почнаа да викаат; 50#16,6; 2 Мојс 3,14; 5 Мојс 32,39; Ис 41,4; 43,10; Јн 8,24.28.58зашто сите Го видоа и се уплашија. Тој веднаш почна да говори со нив и им рече: „Бидете храбри! Јас сум, не плашете се!“ 51#4,39; Мт 14,32И се качи кај нив во коработ и ветрот стивна. А тие беа силно запрепастени во себе и зачудени. 52#3,5; 4,13; 8,17; Мт 16,9Зашто не го сфатија чудото со лебовите, бидејќи срцето им беше скаменето. 53И кога преминаа, дојдоа во генисаретската земја и се задржаа таму. 54А штом излегоа од коработ, веднаш Го познаа. 55#Дела 5,15#1,32Брзо ја обиколија целата таа околија и почнаа на постела да ги носат болните таму каде што слушаа дека е Тој. 56#5,27-28; Лк 6,19; 8,44И каде и да влегуваше: во села, во градови или во населби – на крстопатите полагаа болни и Го молеа да се допрат барем до краевите од Неговата облека. И сите што се допираа до Него, оздравуваа.

اکنون انتخاب شده:

Марко 6: MAK2023

های‌لایت

کپی

مقایسه

به اشتراک گذاشتن