Матеј 26

Заговор против Исус

(Мк 14,1-2; Лк 22,1-2; Јн 11,45-53)

1 # 11,1; 13,53 И, кога Исус ги заврши сите овие слова, им рече на Своите ученици: 2#16,21; 2 Мојс 12,1-27; Лк 24,7.20; Јн 19,16„Знаете дека по два дена ќе биде Пасха и Синот Човечки ќе биде предаден на распнување.“ 3#26,57; Пс 2,2; Дела 4,26-27Тогаш првосвештениците, книжниците и старешините на народот се собраа во дворот на првосвештеникот по име Кајафа, 4#Пс 30,13; Јн 11,53; Дела 9,23и се советуваа како да Го фатат Исус со измама и да Го убијат; 5#Јн 11,55но рекоа: „Само не на празникот, за да не настане бунт меѓу народот.“

Помазанието во Витанија

(Мк 14,3-9; Јн 12,1-8)

6 # 21,17 А кога Исус беше во Витанија, во куќата на Симон Лепрозниот, 7#Лк 7,36-38Му пријде една жена со алабастерен сад со скапоцено миро, и го изли врз Неговата глава, кога Тој седеше на трпезата. 8А кога го видоа тоа Неговите ученици, негодуваа и рекоа: „Какво е тоа растурање? 9#19,21; Јн 12,5Зашто тоа миро можеше да се продаде за многу пари и тие да им се раздадат на сиромасите.“ 10Но Исус, разбирајќи го тоа, им рече: „Зошто ја обеспокојувате жената? Таа направи добро дело кон Мене! 11#5 Мојс 15,11Бидејќи сиромасите ги имате секогаш покрај себе, а Мене Ме немате секогаш; 12#Јн 12,3таа, излевајќи го тоа миро врз Моето тело, Ме приготви за погреб. 13#24,14Вистина ви велам: каде и да биде проповедано ова благовестие, по цел свет, во нејзин спомен, ќе се раскажува и тоа што таа го направи.“

Договор за предавство на Исус

(Мк 14,10-11; Лк 22,3-6)

14 # Јн 6,71 Тогаш еден од дванаесеттемина, по име Јуда Искариотски, отиде кај првосвештениците 15#1 Мојс 37,28; Зах 11,12и рече: „Што ќе ми дадете, за да ви Го предадам?“ А тие му предложија триесет сребреника. 16#21,46И оттогаш тој бараше погодно време да Го предаде.

Подготовка на Пасхалната вечера

(Мк 14,12-16; Лк 22,7-13)

17 # 2 Мојс 12,1-14; 12,20; Мк 14,1.12; Јн 19,14; Дела 12,3; 1 Кор 5,7-8 А во првиот ден на празникот Бесквасници пристапија кон Исус учениците и Му рекоа: „Каде сакаш да Ти приготвиме да ја јадеш Пасхата?“ 18#Јн 2,4; 7,30; 13,1Тој им рече: „Отидете во градот кај тој и тој човек и кажете му: ’Учителот вели: времето Ми наближи, кај тебе ќе ја прославам Пасхата со Своите ученици.‘“ 19#21,6Учениците постапија како што им заповеда Исус и ја приготвија Пасхата.

Исус го посочува предавникот

(Мк 14,17-21; Лк 22,14.21-23; Јн 13,21-30)

20 # Лк 22,14 А кога се стемни, Тој седна на трпезата со дванаесеттемина. 21#Јн 13,21И дури јадеа, им рече: „Вистина ви велам: еден од вас ќе Ме предаде.“ 22Тие многу се нажалија и секој од нив почна да Го прашува: „Да не сум јас, Господи?“ 23#Пс 40,9; Јн 13,18; 17,12А Тој им одговори: „Оној што макна со Мене во чинијата, тој ќе Ме предаде. 24#8,20; 18,6; Ис 53,9Синот Човечки си оди, како што е напишано за Него; но тешко на оној човек преку кого Синот Човечки ќе биде предаден; подобро ќе беше за тој човек да не се беше родил.“ 25#10,4А Јуда, што Го предаде, праша: „Да не сум јас, Рави?“ Исус му одговори: „Ти рече.“

Востановување на светата Евхаристија

(Мк 14,22-26; Лк 22,14-20; 1 Кор 11,23-25)

26 # Јн 6,51-58; 1 Кор 10,16 # 14,19 И кога јадеа, Исус зеде леб и, откако заблагодари, го прекрши, и им даде на учениците и рече: „Земете, јадете, ова е Моето тело.“ 27Потоа ја зеде чашата, и откако заблагодари, им ја даде, велејќи: „Пијте од неа сите; 28#20,28; 2 Мојс 24,8; Ис 53,12; Ер 31,31; Зах 9,11; Мк 1,4; Лк 1,77; 24,47; Дела 2,38; 5,31; 10,43; 13,38; 26,18; Ефес 1,7; Кол 1,14; Евр 9,20.22; 10,18; 12,24зашто ова е Мојата крв на Новиот завет, која се пролева за мнозина, за простување на гревовите. 29#8,11; 1 Кор 11,26И ви велам дека отсега нема да пијам од овој лозов плод сѐ до оној ден кога ќе пијам нов со вас во царството на Мојот Отец.“ 30#Јн 18,1И, откако испеаја благодарствена песна, отидоа во Маслиновата Гора.

Навестување за Петровото одрекување

(Мк 14,27-31; Лк 22,31-34; Јн 13,36-38)

31 # 5,29; 11,6; Зах 13,7 Тогаш Исус им рече: „Сите вие ќе се соблазните поради Мене во оваа ноќ; зашто е напишано:

’Ќе удрам по пастирот

и овците од стадото ќе се разбегаат.‘

32 # 28,7 А по Моето воскресение ќе отидам пред вас во Галилеја.“ 33#4,18Тогаш Петар Му одговори и рече: „Дури и сите да се соблазнат поради Тебе, јас никогаш нема да се соблазнам.“ 34#26,69-75Исус му рече: „Вистина ти велам: оваа ноќ, уште пред да пропее петел, трипати ќе се одречеш од Мене.“ 35Петар Му кажа: „Ако затреба дури и да умрам со Тебе, нема да се одречам од Тебе!“ Истото го рекоа сите ученици.

Исусовата молитва во Гетсиманија

(Мк 14,32-42; Лк 22,39-46)

36 # 14,23; 1 Мојс 22,5; Јн 18,1; Евр 5,7-8 Потоа Исус отиде со нив на едно место, наречено Гетсиманија, и им рече на учениците: „Поседете тука, додека отидам онаму да се помолам.“ 37#17,1И ги поведе со Себе Петар и двајцата Зеведееви синови, па се нажали и почна да тагува. 38#24,42; 3 Цар 19,4; Пс 41,5.11; 43,5; Јн 12,27Тогаш Исус им рече: „Смртно е нажалена Мојата душа; останете тука и бидете будни со Мене!“ 39#20,22; Јн 4,34; Рим 5,19 Па, откако малку се оддалечи, падна ничкум со лицето на земјата и се молеше, велејќи: „Оче Мој, ако е можно, нека Ме одмине оваа чаша; но не како Јас што сакам, туку како што сакаш Ти.“ 40Па дојде кај учениците и ги затече како спијат, и му рече на Петар: „Толку ли не можевте еден час да останете со Мене будни!? 41#6,13; Лк 11,1-4; Рим 7,5Бидете будни и молете се, за да не паднете во искушение; духот е бодар, но телото е слабо.“ 42#Фил 2,8И отиде по вторпат и се помоли, говорејќи: „Оче Мој, ако не може да ме одмине оваа чаша без да ја пијам, нека биде волјата Твоја!“ 43#Лк 9,32Кога се врати, повторно ги затекна како спијат, зашто очите им беа натежнале. 44#2 Кор 12,8И повторно ги остави, па отиде и се помоли по третпат, изговарајќи ги истите зборови. 45#Лк 9,44; Јн 13,1; 14,30Тогаш дојде кај Своите ученици и им рече: „Сѐ уште спиете и одмарате! Ете, наближи часот и Синот Човечки се предава во рацете на грешници. 46#Јн 14,31Станете, да одиме! Ете, се приближува оној што Ме предава.“

Исусовото приведување

(Мк 14,43-50; Лк 22,47-53; Јн 18,3-12)

47 # 10,4 Додека Тој уште говореше, ете, дојде Јуда, еден од дванаесеттемина, и со него многу народ со мечеви и со стапови, испратени од првосвештениците и народните старешини. 48А оној што Го предаваше, им беше дал знак, велејќи: „Оној што ќе Го целивам, Тој е; Него фатете Го!“ 49#2 Цар 20,9-10И веднаш Му пријде на Исус и Му рече: „Те поздравувам, Рави!“ И Го целива. 50#1 Мојс 26,27А Исус му рече: „Пријателе, зошто си дошол?“ Тогаш пристапија, ги ставија раце врз Исус и Го фатија. 51#Јн 18,26И ете, еден од оние што беа со Исус, протегна рака и го извади својот нож, па го удри слугата на првосвештеникот и му го отсече увото. 52#1 Мојс 9,6; Откр 13,10Тогаш Исус му рече: „Врати го ножот на неговото место. Зашто сите што се фаќаат за нож, од нож ќе загинат; 53#Јн 18,36или мислиш дека не можам да Го помолам сега Својот Отец да Ми прати повеќе од дванаесет легиони ангели? 54#Лк 24,26-27Но, како ќе се исполнат Писмата, ако ова не се случи?“ 55#Лк 19,47; 21,37; Јн 18,20Во тој час Исус му рече на народот: „Зар како на разбојник сте излегле со мечеви и стапови, за да Ме фатите? Секој ден седев со вас, поучувајќи во храмот, и не Ме фативте. 56#1,22; Зах 13,7; Јн 16,32Но сето тоа се случи за да се исполнат Писанијата на пророците.“ Тогаш сите ученици Го оставија и се разбегаа.

Исус пред Синедрионот#26,57 Големиот Совет

(Мк 14,53-65; Лк 22,54-55.63-71; Јн 18,13-14.19-24)

57 # 26,3; Лк 3,2; Јн 11,49; Дела 4,6 А оние што Го беа фатиле Исус, Го одведоа кај првосвештеникот Кајафа, каде што беа собрани книжниците и старешините. 58Петар, пак, одеше по Него оддалеку, до дворот на првосвештеникот; и влезе внатре, па седна со поданицте за да го види крајот. 59А првосвештениците и старешините и целиот Синедрион бараа лажно сведоштво против Исус, за да Го погубат 60#3 Цар 21,10; Пс 26,12; Дела 6,13и не најдоа; и, макар што пристапија многу лажни сведоци, не најдоа. Но најпосле дојдоа двајца лажни сведоци 61#24,2-3; 27,40; Јн 2,19; Дела 6,14и рекоа: „Овој кажа: ’Можам да го урнам Божјиот храм и за три дена да го соѕидам.‘“ 62Тогаш првосвештеникот стана и Му рече: „Ништо ли не одговараш? Што сведочат овие против Тебе?“ 63#4,3; 14,33; 27,12.14; Ис 53,7Но Исус молчеше. А првосвештеникот Му рече: „Те заколнувам во живиот Бог да ни кажеш: Ти ли си Христос, Синот Божји?“ 64#8,20; 22,44; Пс 110,1; Дан 7,13; Евр 1,3Исус му одговори: „Ти рече! Но Јас ви велам:

отсега ќе Го гледате Синот Човечки

како седи оддесно на Силата

и како доаѓа на небесните облаци.“

65 # 3 Мојс 24,16 # 4 Мојс 14,6; 2 Цар 13,19; Ер 36,24; 1 Езд 9,3 Тогаш првосвештеникот ја раскина својата облека и рече: „Овој богохули! Каква потреба имаме веќе од сведоци? Ете, сега го чувте Неговото хулење! 66#Ер 26,11; Дела 2,23Што мислите?“ А тие одговорија: „Заслужува смрт!“ 67#Лк 22,64#27,30; Ис 50,6; 52,14Тогаш Го плукаа в лице и Го тепаа, а други Го удираа по образите, 68и говореа: „Проречи ни, Христе, кој Те удри?“

Петровото одрекување

(Мк 14,66-72; Лк 22,56-62; Јн 18,15-18.25-27)

69А Петар седеше надвор во дворот. И му пријде една слугинка и му рече: „И ти беше со Исус Галилеецот!“ 70Но тој одрече пред сите, велејќи: „Не знам што зборуваш!“ 71#2,23А кога одеше кон вратата, го виде друга и им рече на оние што беа таму: „И овој беше со Исус Назареецот!“ 72И повторно одрече со заклетва: „Не Го познавам Човекот!“ 73А малку потоа пристапија оние што стоеја таму и му рекоа на Петар: „Навистина, и ти си од нив, зашто и говорот те издава!“ 74#Јн 13,38Тогаш тој почна да се колне и заколнува: „Не Го познавам Човекот!“ И веднаш запеа петел. 75#26,34; Лк 22,34; Јн 13,38И Петар се сети на Исусовите зборови: „Уште пред да пропее петел, трипати ќе се одречеш од Мене.“ Па излезе надвор и горко плачеше.

اکنون انتخاب شده:

Матеј 26: MAK2023

های‌لایت

به اشتراک گذاشتن

کپی