མད་ཐཱ། 25
25
བུ་མོ་ན་ཆུང་མ་བཅུའི་དཔེ།
1ཡེ་ཤུ་ཡིས་གསུངས་བ་ལགས། དེ་ནས་ནམ་མཁའི་རྒྱལ་སྲིད་འདི་མག་པ་ཐུག་ཏུ་འགྲོ་ཡས་ལ་ཀྱུང་འཁྱེར་ཏེ་འགྲོ་གིན་བུ་མོ་ན་ཆུང་མ་བཅུ་ཅོག་རེ་ལགས། 2ཁོང་ཀྱ་ནས་ལྔ་གླེན་ད་དང་ལྔ་སྤྱང་ང་འོད་ད་ལགས། 3དེ་ནས་གླེན་ད་ཀྱ་ཡིས་ཀྱུང་འཁྱེར་རི་གང་ལ། རོང་གི་ཀྱུང་མུ་ལ་སྣུམ་མ་ཁྱེར་པ་ལགས། 4ཡིན་ནའང་སྤྱང་ང་ཀྱ་ཡིས་རང་གི་ཀྱུང་མུ་ལ། སྣུམ་ཡ་ལིང་ཁྱེར་ཏེ་སོང་བ་ལགས། 5ད་མག་པ་གོ་འོང་ཡས་ལ་འགོར་ཏེ་ཁོང་གི་རི་གཉིད་ཀྱིས་བཟི་རེ་ཉལ་རེ་བསྡད་པ་ལགས།
6ཡིན་ནའང་མཚན་གྱི་གུང་ལ་མག་པ་སླེབས་སོ། ཁོང་ལ་མཇལ་དུ་ཤོག་སྨྲ་གིན་སྐད་གཅིག་གོ་པ་ལགས། 7དེ་ནས་འོ་དེ་ན་ཆུང་མ་བཅུ་ཀ་ར་ལངས་རེ། ཁོང་ཀྱ་ཡི་ཀྱུང་གོ་གྲ་སྒྲིག་བྱས་བ་ལགས། 8དེ་ནས་གླེན་ད་ཀྱ་ཡིས་སྤྱང་ང་ཀྱ་ལ་སྨྲས་བ་ལགས། ཁྱེད་ཀྱི་སྣུམ་ནས་འེ་ཀྱ་ལ་ཏི་ཏེ་སྟེར་རོགས་བྱེད། འི་ཀི་ཀྱུང་ཤི་གུ་བྱེད་འདིག། 9ཡིན་ནའང་སྤྱང་ང་ཀྱ་ཡིས་ལན་བརྒྱབ་སྟེ་སྨྲས་བ་ལགས། ཁྱེད་ཀྱ་དང་འེ་གཉིས་ཀ་ར་ལ་འཁྱེད་ཡས་ཀྱི་སྣུམ་འེ་ལ་མེད། འོ་བྱས་རེ་ཚོང་པ་རྩ་རུ་སོང་རེ་རང་གི་ཕྱིར་ལ་སྣུམ་ཉོས།
10དེ་ནས་ཁོང་ཀྱ་ཉོ་རུ་འགྲོའི་གང་ལ་མག་པ་གོ་སླེབས་པ་ལགས། དེ་ནས་གྲ་སྒྲིག་བྱས་རེ་བསྡད་ད་ཀྱ་ཁོའི་མུ་ལ་ཆང་སའི་མགྲོན་ནང་དུ་འཛུལ་བ་ལགས། དེ་ནས་སྒོ་གོ་བརྒྱབ་པ་ལགས།
11གཤམ་ལ་འོ་དེ་གཞན་མ་ན་ཆུང་མ་ཀྱ་འོངས་རེ་ཞུས་བ་ལགས། གཙོ་བོ། གཙོ་བོ། འི་ཀི་ཕྱིར་ལ་སྒོ་པེ་རོགས་མཛད། 12ཡིན་ནའང་མག་པས་སྨྲས་བ་ལགས། ང་བདེན་པ་རང་ཁྱེད་ཀྱ་ལ་སྨྲ་ཡིན། ང་ཁྱེད་ཀྱ་ལ་མེད་ཤེས་འོད།
13དེ་ནས་ཡེ་ཤུ་ཡིས་གསུངས་བ་ལགས། ཁྱེད་ཀྱ་ལ་ང་འོངས་ཡས་ཀྱི་ཉིན་མ་དང་དུས་ཚོད་གོ་ཤེས་ཡས་མེད་ཀྱིན་བྱས་རེ་སྤྱང་ཛེ་སྡོད།
གཡོག་པོ་གསུམ་གྱི་དཔེ།
(ལུ་ཀ། ༡༩:༡༡-༢༧)
14ནམ་མཁའི་རྒྱལ་སྲིད་ནི་འགྲུལ་བརྒྱབ་ཏུ་འགྲོ་གིན་མི་གཅིག་ཅོག་རེ་ལགས། ཁོས་ཁོ་རི་གཡོག་པོ་ཀྱ་ལ་བོས་རེ། ཁོ་རི་རྒྱུ་ནོར་གོ་ཁོང་ཀྱ་ལ་རྩི་བརྒྱབ་པ་ལགས། 15ཁོང་ཀྱ་ཡི་འཇོན་ཐང་ལ་བལྟས་རེ། བདག་པོ་ཡིས་དང་པོ་གོ་ལ་གསེར་གྱི་ཊམ་ཀ་ལྔ་སྟོང་། དེ་ནས་གཉིས་བ་གོ་ལ་ཉིས་སྟོང་། དེ་ནས་གསུམ་པ་གོ་ལ་གཅིག་སྟོང་སྟེར་པ་ལགས། དེ་ནས་ཁོ་འོ་དེ་ནས་སོང་བ་ལགས། 16གསེར་གྱི་ཊམ་ཀ་ལྔ་སྟོང་འབྱོར་གྱིན་གོ་ལམ་སང་སོང་རེ། འོ་དེ་ནས་ཚོང་བྱས་རེ་གསེར་གྱི་ཊམ་ཀ་ལྔ་སྟོང་ཡ་ལིང་བསགས་པ་ལགས། 17འོ་བྱས་རེ་ང་གསེར་གྱི་ཊམ་ཀ་ཉིས་སྟོང་འོད་ཀྱིན་གྱིས། ཡ་ལིང་ཊམ་ཀ་ཉིས་སྟོང་བསགས་པ་ལགས། 18ཡིན་ནའང་གསེར་གྱི་ཊམ་ཀ་གཅིག་སྟོང་འོད་ཀྱིན་གོ། སོང་རེ་ས་བྲུས་རེ་ཁོ་རི་བདག་པོའི་ཊམ་ཀ་ཀྱ་སྦས་བ་ལགས།
19ད་ཡུན་རིང་པོ་གཤམ་ལ་འོ་དེ་གཡོག་པོ་ཀྱ་ཡི་བདག་པོ་གོ་ལོག་སྟེ་འོངས་རེ། ཁོང་ཀྱ་མུ་ལ་རྩི་ལེན་པ་ལགས། 20དེ་ནས་གསེར་གྱི་ཊམ་ཀ་ལྔ་སྟོང་འབྱོར་གྱིན་གྱིས། ཡ་ལིང་ཊམ་ཀ་ལྔ་སྟོང་ཁྱེར་ཏེ་གདོང་ལ་འོངས་བ་ལགས། དེ་ནས་ཞུས་བ་ལགས། བདག་པོ། ཁྱེད་རང་གི་ང་ལ་གསེར་གྱི་ཊམ་ཀ་ལྔ་སྟོང་གནང་བ་ལགས། ད་དུ་རུ་ངས་ཊམ་ཀ་ལྔ་སྟོང་ཡ་ལིང་བཟོས་འོད། 21བདག་པོ་ཡིས་ཁོ་ལ་སྨྲས་བ་ལགས། གཡོག་པོ་བཟང་པོ་དང་བློ་བཀལ་ཐུབ་ཀྱིན། ཁྱོས་དམི་ཅིག་གི་དགའ་བྱས་འདུག། ཁྱོས་ཉུང་ང་ལ་དྲང་པོ་བྱས་རེ། ད་ང་ཁྱོད་ལ་མང་ང་ཡི་འགན་སྟེར་ར་ཡིན། ད་ངའི་མུ་ལ་དགའ་སྤྲོ་གཏང་དུ་ཤོག། 22ད་ཊམ་ཀ་ཉིས་སྟོང་འབྱོར་གྱིན་གོའང་གདོང་ལ་འོངས་རེ་ཞུས་བ་ལགས། བདག་པོ། ཁྱེད་རང་གི་ང་ལ་ཊམ་ཀ་ཉིས་སྟོང་གནང་བ་ལགས། ད་ངས་དུ་རུ་ཡ་ལིང་ཊམ་ཀ་ཉིས་སྟོང་བཟོས་འོད། 23བདག་པོ་ཡིས་ཁོ་ལ་སྨྲས་བ་ལགས། གཡོག་པོ་བཟང་པོ་དང་བློ་བཀལ་ཐུབ་ཀྱིན། ཁྱོས་དམི་ཅིག་གི་དགའ་བྱས་འདུག།ཁྱོས་ཉུང་ང་ལ་དྲང་པོ་བྱས་རེ། ད་ང་ཁྱོད་ལ་མང་ང་ཡི་འགན་སྟེར་ར་ཡིན། ད་ངའི་མུ་ལ་དགའ་སྤྲོ་གཏང་དུ་ཤོག
24ད་གསེར་གྱི་ཊམ་ཀ་གཅིག་སྟོང་འབྱོར་གྱིན་གོའང་གདོང་ལ་འོངས་རེ་ཞུས་བ་ལགས། བདག་པོ། རང་གིས་མ་བཏབ་ཀྱིན་ས་ནས་རྔ་གིན་དང་། རང་གིས་ས་ང་མ་གཏོར་གྱིན་ས་ནས་སྡུད་ཀྱིན། ཁྱེད་རང་མི་གྱོང་ང་གཅིག་ལགས་སྨྲས་རེ་ང་ལ་ཤེས་ཡས་འོད། 25འོ་བྱས་རེ་ང་འཇིགས་སོང་། དེ་ནས་ངས་སོང་རེ་ཁྱེད་རང་གི་ཊམ་ཀ་གོ་སའི་འོག་ལ་སྦས་རེ་བཞག་པའི། ད་ཁྱེད་རང་གི་ཡིན་གྱིན་གོ་ཁྱེད་རང་ལེན་རོགས་བྱེད། 26ཡིན་ནའང་ཁོའི་བདག་པོ་ཡིས་སྨྲས་བ་ལགས། གཡོག་པོ་ངན་པ་དང་ཕན་མེད་ཐོག་གིན་ཁྱོད། ངས་མ་བཏབ་ཀྱིན་ས་ནས་ང་རྔ་ལགས། དེ་ནས་ངས་ས་ང་མ་གཏོར་གྱིན་ནས་བསྡུས་ལ་ལགས་སྨྲས་རེ་ཁྱོད་ལ་ཤེས་ཡས་འོད་ན། 27ཁྱོད་དངུལ་ཁང་ལ་སོང་རེ་ངའི་ཊམ་ཀ་གོ་འོ་དུ་རུ་བཞག་དགོས་ཡས་འོད། དེ་ནས་ང་འོང་བའི་གང་ལ། ངའི་དངུལ་དང་འོ་དེའི་སྐྱེད་ཀ་གོ་ང་ལ་ཐོབ་ཡས་འོད། 28འོ་བྱས་རེ་བདག་པོ་ཡིས་གསུངས་བ་ལགས། ཁོའི་ཊམ་ཀ་ཀྱ་ཁོ་ནས་ཕྲོགས་ཏེ་གསེར་གྱི་ཊམ་ཀ་བཅུ་འོད་མཁན་གོ་ལ་སྟེར། 29གི་བྱས་རེ་སྨྲ་ན་འོད་མཁན་གོ་ལ་ཡོལ་ལེ་མང་ང་སྟེར་གྱི་ལགས། དེ་ནས་ཁོ་ལ་མོད་ཆོ་ལི་འབྱུང་གི་ལགས། ཡིན་ནའང་མེད་མཁན་གོ་ནས་ཁོ་ལ་འོད་ཀྱིན་གོའང་ཁོ་ནས་འཕྲོག་གི་ལགས། 30དེ་ནས་འོ་དེ་ཕན་མེད་ཐོག་གིན་གཡོག་པོ་ལ་ངུ་གྱིན་དང་སོ་ཁྲིག་གིན་ཕི་དི་ས་ཆ་མུན་ནག་པ་ལ་གཡུག།
མཐའ་མའི་ཁྲིམས་གཅོད།
31མིའི་བུ་རང་གི་བང་ཆེན་ཀྱ་མུ་ལ་རང་གི་གཟི་བརྗིད་ལ་ཕེབས་བའི་གང་ལ། རང་གི་གཟི་བརྗིད་ལྡན་པའི་བཞུགས་ཁྲི་ལ་བཞུགས་ཀྱི་ལགས། 32མི་རིགས་གི་རི་ཁོང་གི་གདོང་དུ་རུབ་ཀྱི་ལགས། དེ་ནས་ལུག་རྫི་གཅིག་གིས་ར་ཀྱ་ཡི་ཁོག་ནས་ལུག་ཀྱ་པད་ཀྱིན་ཅོག་རེ། ཁོང་གིས་མི་དེ་ཀྱ་ལ་དབྱེ་བ་མཛད་ཀྱི་ལགས། 33དེ་ནས་ལུག་ཀྱ་ལ་རང་གི་གཡས་ཕྱོགས་དང་ར་ཀྱ་ལ་རང་གི་གཡོན་ཕྱོགས་ལ་བཞག་གི་ལགས། 34དེ་ནས་རྒྱལ་བོ་ཡིས་རང་གི་གཡས་ཕྱོགས་ལ་གསུངས་ཀྱི་ལགས། ངའི་ཡབ་ནས་བྱིན་རླབས་ཐོབ་ཐ་ཁྱེད་ཀྱ་ཤོག།འཇིག་རྟེན་བཀོད་ནས་ཧ་ལ་ཁྱེད་ཀྱི་ཕྱིར་ལ་བཤམས་ཤ་རྒྱལ་སྲིད་གོ་ལེན། 35གི་བྱས་རེ་སྨྲ་ན་ང་ལྟོགས་བའི་གང་ལ་ཁྱེད་ཀྱིས་ང་ལ་ཟ་ཡས་སྟེར་སོང་། ང་སྐོམ་མའི་གང་ལ་ཁྱེད་ཀྱིས་ང་ལ་འཐུང་ཡས་སྟེར་སོང་། དེ་ནས་ང་ངོ་མེད་ཤེས་ཀྱིན་མི་གཅིག་བྱས་རེའང་ཁྱེད་ཀྱིས་ང་ལ་གནས་ཚང་གཡར་སོང་། 36ང་གོན་ཡས་མེད་དེ་གང་ལ་ཁྱེད་ཀྱིས་ང་ལ་གོས་ལག་བསྐོན་སོང་། དེ་ནས་ང་ནའི་གང་ལ་ཁྱེད་ཀྱིས་ང་ལ་བདག་པོ་བརྒྱབ་སོང་། ང་བཙོན་ཁང་དུ་འོད་དེ་གང་ལ་ཁྱེད་ཀྱིས་ང་ལ་ཐུགས་དུ་འོངས་སོང་།
37དེ་ནས་མི་དྲང་བདེན་ཀྱ་ཡིས་ཁོ་ལ་དེ་རེ་སྨྲས་རེ་ཞུ་གི་ལགས། གཙོ་བོ། འི་ཀིས་ཁྱེད་རང་ལ་ནམ་བཀྲེས་ཀྲ་དང་སྐོམ་ཀ་མཐོང་སོང་། དེ་ནས་ནམ་འི་ཀིས་ཁྱེད་རང་ལ་བཞེས་ཡས་དང་འཐུང་ཡས་འབུལ་སོ། 38དེ་ནས་ནམ་ཁྱེད་རང་ལ་ངོ་མེད་ཤེས་ཀྱིན་མཐོང་རེ་ནམ་གནས་ཚང་གཡར་སོ། དེ་ནས་གོན་ཡས་མེད་ད་ནམ་ན་བཟའ་ཕུལ་སོ། 39དེ་ནས་ཁྱེད་རང་ལ་ནམ་ནད་པ་ཡང་ན་བཙོན་ཁང་ལ་མཐོང་རེ་མཇལ་རུ་འོངས་སོ། 40དེ་ནས་རྒྱལ་བོ་ཡིས་ཁོང་ཀྱ་ལ་ལན་འདི་གནང་གི་ལགས། ང་ཁྱེད་ཀྱ་ལ་བདེན་པ་རང་སྨྲ་ཡིན། ངའི་སྤུན་དེ་ཀྱ་ནས་ཆུང་ཤོས་གཅིག་ལ་ཁྱེད་ཀྱ་ཡིས་དེ་རེ་བྱས་འོད་ན། འོ་དེ་ཁྱེད་ཀྱ་ཡིས་ང་ལ་བྱས་བ་ལགས།
41དེ་ནས་རྒྱལ་བོ་ཡིས་ཁོ་རི་གཡོན་ཕྱོགས་ཀྱི་མི་ཀྱ་ལ་དེ་རེ་གསུངས་ཀྱི་ལགས། དམོད་མོ་ཕོག་པ་ཁྱེད་ཀྱ། བདུད་དང་ཁོའི་བང་ཆེན་ཀྱ་ཡི་ཕྱིར་ལ་བཤམས་ཏེ་བཞག་ཞ་མཐའ་མེད་ཀྱིན་མེ་ལ་ང་ནས་འབྲལ་རེ་སོང་། 42གི་བྱས་རེ་སྨྲ་ན་ང་ལྟོགས་བའི་གང་ལ་ཁྱེད་ཀྱིས་ང་ལ་ཟ་མ་མ་སྟེར་སོང་། ང་སྐོམ་མི་གང་ལ་ཁྱེད་ཀྱིས་ང་ལ་འཐུང་ཡས་མ་སྟེར་སོང་། 43ང་ངོ་མེད་ཤེས་མཁན་མི་གཅིག་ལ་ཁྱེད་ཀྱིས་ང་ལ་གནས་ཚང་མ་གཡར་སོང་། ང་གོན་ཡས་མེད་དེ་གང་ལ་ཁྱེད་ཀྱིས་ང་ལ་གོས་ལག་མ་བསྐོན་སོང་། ང་ནད་པ་དང་བཙོན་ཁང་དུ་འོད་དེ་གང་ལ་ཁྱེད་ང་ལ་ཐུག་ཏུ་མ་ཡོང་སོང་།
44ཁོང་ཀྱ་ཡིས་ཁོང་ལ་ལན་བརྒྱབ་སྟེ་སྨྲ་གི་ལགས། གཙོ་བོ། འི་ཀིས་ཁྱེད་རང་ལ་ནམ་བཀྲེས་པ་དང་། སྐོམ་པ་དང་། ངོ་མེད་ཤེས་ཀྱིན་དང་། གོན་ཡས་མེད་ཀྱིན་དང་། ནད་པ་དང་། བཙོན་ཁང་དུ་མཐོང་སོ། དེ་ནས་འི་ཀིས་ཁྱེད་རང་ལ་ཞབས་ཕྱི་མ་ཞུས་སོ། 45དེ་ནས་ཁོང་གིས་ཁོང་ཀྱ་ལ་ལན་འདི་གནང་གི་ལགས། ང་ཁྱེད་ཀྱ་ལ་བདེན་པ་རང་སྨྲ་ཡིན། ངའི་སྤུན་ཀྱ་ནས་ཆུང་ཤོས་གཅིག་ལ་ཁྱེད་ཀྱིས་དེ་རེ་མ་བྱས་བ་ལ། ཁྱེད་ཀྱིས་འོ་དེ་ང་ལ་མ་བྱས་བ་ལགས། 46དེ་ནས་དེ་རེ་མི་ཀྱ་མཐའ་མེད་ཀྱིན་ཆད་པ་ཕོག་གི་ལགས། ཡིན་ནའང་དྲང་བདེན་ཀྱ་གོ་མཐའ་མེད་པའི་ཚེ་སྲོག་ལ་འགྲོ་གི་ལགས།།
اکنون انتخاب شده:
མད་ཐཱ། 25: LOY
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023, Wycliffe Bible Translators, Inc. and Nepal Bible Society
