ເຊກາຣີຢາ 3

ເຄື່ອງແຕ່ງກາຍສະອາດສຳລັບມະຫາປະໂລຫິດ

1ແລ້ວເທວະດາອົງນັ້ນໄດ້ສະແດງໃຫ້ຂ້າພະເຈົ້າເຫັນມະຫາປະໂລຫິດໂຢຊວຍ#3:1 ເປັນອີກຮູບໜຶ່ງຂອງ ເຍຊຸອາ ເຊັ່ນດຽວກັບທີ່ອື່ນໆໃນພະທຳເຊກາຣີຢາ ຢືນຢູ່ຕໍ່ໜ້າເທວະດາຂອງພຣະເຈົ້າຢາເວ, ແລະ ຊາຕານ#3:1 ແປວ່າ ຜູ້ກ່າວໂທດ ຢືນຢູ່ຂວາມືຂອງເພິ່ນເພື່ອກ່າວຫາເພິ່ນ. 2ພຣະເຈົ້າຢາເວໄດ້ກ່າວກັບຊາຕານວ່າ, “ຊາຕານ! ພຣະເຈົ້າຢາເວຕຳນິເຈົ້າ, ພຣະເຈົ້າຢາເວຜູ້ເລືອກເຢຣູຊາເລັມຕຳນິເຈົ້າ! ຊາຍຜູ້ນີ້ເປັນດົ້ນຟືນຕິດໄຟທີ່ຖືກດຶງອອກຈາກໄຟບໍ່ແມ່ນບໍ?”

3ບັດນີ້ໂຢຊວຍນຸ່ງເສື້ອຜ້າເປີເປື້ອນຢືນຢູ່ຕໍ່ໜ້າເທວະດາອົງນັ້ນ. 4ເທວະດານັ້ນກ່າວແກ່ບັນດາຜູ້ຢືນຢູ່ຕໍ່ໜ້າເພິ່ນວ່າ, “ຈົ່ງແກ້ເສື້ອຜ້າເປີເປື້ອນຂອງເພິ່ນອອກ”.

ຈາກນັ້ນກ່າວກັບໂຢຊວຍວ່າ, “ຈົ່ງເບິ່ງ, ເຮົາໄດ້ຍົກບາບຂອງເຈົ້າອອກໄປແລ້ວ, ແລະ ເຮົາຈະໃຫ້ເຈົ້ານຸ່ງເຄື່ອງງົດງາມ”.

5ຂ້າພະເຈົ້າຈຶ່ງກ່າວວ່າ, “ຈົ່ງເອົາຜ້າປົກຫົວທີ່ສະອາດມາປົກໃຫ້ເພິ່ນ”. ແລ້ວພວກເຂົາກໍປົກຫົວໂຢຊວຍດ້ວຍຜ້າສະອາດ ແລະ ນຸ່ງເຄື່ອງໃຫ້ເພິ່ນ, ໃນຂະນະທີ່ເທວະດາຂອງພຣະເຈົ້າຢາເວຢືນຢູ່ໃກ້ໆ.

6ເທວະດາຂອງພຣະເຈົ້າຢາເວໄດ້ມອບໜ້າທີແກ່ໂຢຊວຍວ່າ: 7“ນີ້ແມ່ນສິ່ງທີ່ພຣະເຈົ້າຢາເວຜູ້ມີອຳນາດຍິ່ງໃຫຍ່ຍິ່ງໃຫຍ່ກ່າວວ່າ: ‘ຖ້າເຈົ້າດຳເນີນດ້ວຍການເຊື່ອຟັງເຮົາ ແລະ ຖືຮັກສາກົດບັນຍັດຂອງເຮົາ, ແລ້ວເຈົ້າຈະໄດ້ຮັບຜິດຊອບວິຫານຂອງເຮົາ ລວມທັງເດີ່ນວິຫານຂອງເຮົາ, ເຮົາຈະໃຫ້ເຈົ້າດຳເນີນຢູ່ຕໍ່ໜ້າເຮົາຮ່ວມກັບຄົນເຫລົ່ານີ້ທີ່ຢືນຢູ່ທີ່ນີ້.

8“ ‘ຈົ່ງຟັງ, ມະຫາປະໂລຫິດໂຢຊວຍ, ທ່ານ ແລະ ເພື່ອນຮ່ວມງານທີ່ນັ່ງຢູ່ຕໍ່ໜ້າທ່ານ, ພວກທ່ານຜູ້ເປັນຄົນທີ່ເປັນສັນຍະລັກບົ່ງເຖິງສິ່ງທີ່ຈະເກີດຂຶ້ນໃນອະນາຄົດ: ເຮົາຈະນຳຜູ້ຮັບໃຊ້ຂອງເຮົາມາຄື “ກິ່ງ”. 9ຈົ່ງເບິ່ງ, ສີລາທີ່ເຮົາຕັ້ງໄວ້ຕໍ່ໜ້າໂຢຊວຍ! ສີລາກ້ອນດຽວມີເຈັດຫລ່ຽມ,#3:9 ຫລື ເຈັດຕາ ແລະເຮົາຈະສະຫລັກຄຳຈາລຶກເທິງສີລານັ້ນ,’ ພຣະເຈົ້າຢາເວອົງມີອຳນາດຍິ່ງໃຫຍ່ຍິ່ງໃຫຍ່ກ່າວວ່າ, ‘ແລະເຮົາຈະລຶບບາບຂອງດິນແດນນີ້ພາຍໃນວັນດຽວ.

10“ ‘ໃນວັນນັ້ນ ພວກເຈົ້າແຕ່ລະຄົນຈະເຊີນເພື່ອນບ້ານມານັ່ງກ້ອງເຄືອອະງຸ່ນ ແລະ ຕົ້ນໝາກເດື່ອຂອງຕົນ,’ ພຣະເຈົ້າຜູ້ມີອຳນາດຍິ່ງໃຫຍ່ຍິ່ງໃຫຍ່ປະກາດດັ່ງນັ້ນ”.

اکنون انتخاب شده:

ເຊກາຣີຢາ 3: LCV

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد ພຣະຄຳພີລາວສະບັບສະໄໝໃໝ່ اطلاعات بیشتر کسب کنید