Matej 17
17
O Mojsije thaj o Ilija sikadile e Isusese
(Mk 9,2–13; Lk 9,28–36)
1Pale šov đive inđarda o Isus e Petre, e Jakove thaj e Jovane lese phrale upre ko baro brego, kaj sesa korkore. 2Gothe angle lende menjisada pe thaj leso muj sijajisada sar o kham a lese šeja sesa parne sar o svetlo. 3Thaj dikh, sikadilo lenđe o Mojsije thaj o Ilija, save lije te vaćaren lesa.
4A o Petar vaćarda e Isusese: “Gospode! Šukar kaj sam kate. Ako manđe te ćerav trin senice, jekh tuće, jekh e Mojsijase a jekh e Ilijase.”
5I dok vov vaćarda, dikh, sjajno oblako učharda len thaj taro oblako šunde glaso: “Kava si mingro Čhavo o manglo, savo si palo mingro manglipe! Le šunen!”
6Kana kava šunde e sikade, pele mujesa dži i phuv thaj darajle but.
7A o Isus avilo, dolda len thaj vaćarda lenđe: “Ušten! Ma daran!” 8Kana von vazdije pe jakha, ni dikhlje khanika sem e Isuse.
9Thaj kana ulile taro brego, o Isus naredisada lenđe: “Ma vaćaren khanikase so dikhljen sa dok me, o Čhavo e manušeso, ni uštav tare mule.”
10E sikade pučlje e Isuse: “Sose tegani e učitelja tare Mojsijaso zakon vaćaren kaj angleder trubul te avol o Ilija?”
11A o Isus vaćarda lenđe: “O Ilija čače ka avol angleder thaj sa ka čhuvol ke po than. 12Al me vaćarav tumenđe kaj o Ilija već avilo, a von ni pindžarde le, nego ćerde pese lesa so manglje. Gija i me, o Čhavo e manušeso, ka pativ lendar.” 13Tegani haljarde e sikade kaj vaćarol lenđe taro Jovane o Krstitelj.
O Isus sastarol e čhavore
(Mk 9,14–29; Lk 9,37–43)
14A kana avile paše but manuša, avilo nesavo manuš anglo Isus, pelo angle leste ke koča 15thaj vaćarda lese: “Gospode! Smilui tut me čhavese, golese so isi le padavica thaj but patil. But droma perol ani jag thaj ano paj. 16Andem le ke će sikade, a naštine te sastaren le.”
17A o Isus vaćarda lenđe: “Tumen, o bipačavno thaj rumimo bijandipe! Dži kana ka avav tumencar? Dži kana ka trpiv tumen? Anen le akari!” 18Gija o Isus naredisada e bilačhe duxose thaj vov sigate iklilo andro čhavoro, a vov sastilo ane gova sato.
19Tegani avile e sikade dži ko Isus thaj korkore pučlje le: “Sose amen naštine te trada e bilačhe duxo?”
20O Isus vaćarda lenđe: “Golese so isi tumen zala pačajipe. Čače vaćarav tumenđe, ako isi tumen pačajipe sar o seme tari gorušica, šaj vaćaren kale bregose: ‘Nakh akatar odori’, thaj ka naćhol. Khanči ni ka avol tumenđe nemoguće. 21[Al kaja vrsta tare bilačhe duxura šaj tradol pe samo e molitvasa thaj e postimasa.]”
O Isus palem vaćarol tare piro meripe thaj uštipe tare mule
(Mk 9,30–32; Lk 9,43–45)
22Kana e sikade ćidije pe ani Galileja, vaćarda lenđe o Isus: “Me, o Čhavo e manušeso, sigate ka avav predajimo ane vasta e manušikane, 23ka mudaren man, a trito đive ka uštav tare mule.” Thaj e sikade sesa but bibaxtale.
O Isus sikavol taro Hrameso porezi
24Kana e sikade avile ano Kafarnaum, avile pašo Petar e poreznikura taro hram, save ćiden po duj drahme thaj vaćarde e Petrese: “Na li tumaro učitelji poćinol o hramsko porezi?”
25O Petar vaćarda: “Poćinol.” Thaj kana dija ano ćher, o Isus angleder pučlja le: “So misli, Simone? Kastar e carura e phuvaće ćiden i carina thaj o porezi? Tare pire čhave il tare avera čhave?”
26A o Petar vaćarda lese: “Tare avera.”
A o Isus vaćarda lese: “Gija, e čhave ni poćinen. Von si oslobodime. 27Al te ma uvredi len, dža thaj čhude i udica ano paj. Save mačhe angleder dole, putar leso muj thaj ka araćhe štar drahme. Le thaj poćin o porezi manđe em tuće.”
اکنون انتخاب شده:
Matej 17: GSP
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
