KEJADIN 36
36
Kesusuren Esau
(1Kro 1:34-37)
1Enda me kesusuren Esau, si igelari pe Edom. 2Esau erjabu ras diberu-diberu kalak Kanaan e me kap Ada anak Elon kalak Heti, Oholibama e me anak Anah. Anah e me kap anak Sibeon kalak Hewi; #Kej 26:34 3Basmat anak Ismael dingen turang Nebayot. #Kej 28:9
4Ipupus Ada si Elipas, ipupus Basmat Rehuel. 5Ipupus Oholibama si Jeus, Jalam, Korah. Kerina anak dilaki si Esau enda tubuh i taneh Kanaan.
6Dungna ibaba Esau kerina ndeharana, anakna si dilaki ras si diberu, jelma si i bas rumahna, lembu ras kerina erta si idatca i taneh Kanaan, lawes ia nadingken seninana Jakup ku taneh si deban.
7Itadingkenna ingan e, erkiteken taneh e kurang belang man ingan kalak enda duana, melalasa lembuna, e maka lanai banci ia ras i je.
8E maka Esau ringan i deleng Edom. 9Enda me kesusuren Esau nini kalak Edom. 10-13Sekalak i bas ndehara Esau, si tergelar Ada, ipupusna sekalak anak dilaki, gelarna Elipas. Anak Elipas lit lima dilaki: Teman, Omar, Sepo, Gatam ras Kenas. I bas ndeharana si deban si tergelar Timna, lit ka i je sekalak anakna dilaki e me kap Amalek gelarna. Ndehara Esau si tergelar Basmat, ipupusna sekalak anak dilaki gelarna Rehuel. Anak Rehuel lit empat dilaki e me kap: Nahat, Serah, Sammah, Misa.
14Ndehara Esau si tergelar Oholibama, ipupusna telu anak dilaki, e me kap: Jeus, Jalam, Korah. Oholibama e me kap anak si Anah dingen kempu Sibeon. 15Enda me suku kesusuren Esau. Anakna sintua Elipas jadi nini bangsa Teman, Omar, Sepo, Kenas, 16Korah, Gatam, ras Amalek; e me kerina kesusuren ndehara Esau si tergelar Ada. 17Rehuel anak Esau e me kap nini bangsa Nahat, Serah, Sammah ras Misa. Enda me kesusuren Esau arah ndeharana si tergelar Basmat.
18Seterusna suku bangsa enda me kesusuren Esau arah ndeharana Oholibama anak si Anah: Jeus, Jalam, Korah. 19Kerina e kesusuren i bas Esau nari.
Kesusuren Seir
(1Kro 1:38-42)
20-21Penduduk asli tanah e, e me kap suku-suku bangsa kesusuren Seir kalak Hori, e me kap: suku bangsa Lotan, Sobal, Sibeon, Anah, Dison, Eser, Disan. 22Lotan e me kap nini suku Hori ras Heman. (Lit sada turang si Lotan, gelarna Timna.) 23Sobal e me kap nini suku Alwan, Manahat, Ebal, Sepo ras Onam. 24Lit dua anak Sibeon dilaki e me kap Aya ras Anah. (Anah kap ndatken ulu lau melas i taneh si melungun sanga ia ermakan kelede bapana.) 25-26Anah e me kap bapa Dison. Ia me jadi nini suku-suku Hemdan, Esban, Jitran, ras Keran. Lit kang anak Anah diberu e me kap Oholibama gelarna.
27Eser e me kap nini suku Bilhan, Saawan, ras Akan.
28Disan e me kap nini suku Us ras Aran.
29-30Enda me suku-suku bangsa Hori i taneh Edom, e me kap: Lotan, Sobal, Sibeon, Anah, Dison, Eser, ras Disan.
Raja-raja taneh Edom
(1Kro 1:43-54)
31-39Ope denga lit raja i Israel, raja-raja enda me erganti-ganti erkuasa i taneh Edom:
Bela anak Beor i Dinhaba nari.
Jobap anak Serah i Bosrah nari.
Husam i daerah Teman nari.
Hadad anak Bedad i Awit nari. (Ia me si naluken kalak Midian i bas sada perang i negeri Moap.)
Samla i Masreka nari.
Saul i Rehobot i tepi lau nari.
Baal Hanan anak si Akbor.
Hadad i Pau nari. (Ndeharana e me kap Mehetabel anak si Matret dingen kempu si Mesahap.)
40-43Esau e me kap nini suku bangsa Edom, si tersurat i teruh enda: e me kap Timna, Alwa, Jetet, Oholibama, Ela, Pinon, Kenas, Teman, Mibsar, Magdiel ras Iram. Gelar daerah si iani tep-tep suku, seri ras gelar suku si ngianisa.
اکنون انتخاب شده:
KEJADIN 36: BTX
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Batak Karo Bible © Indonesian Bible Society, 2003.