'Olic 96
96
O Tadamaanay a Hongti ko Kawas
(1 Rayray 16.25-33)
1Pipasayra i Tapang a romadiw to fa^lohay a radiw!
Karomadiw a pahmek to Tapang ko polong no tahaf no hkal!
2Pipasayra i Tapang a romadiw, pahmeken Cingra.
Palosiyangen to romi'ami'ad to pakayniay i pipa'orip Ningra a nga'ayay a ratoh.
3Palosiyangen i kasakitakit ko nika tadamaan Ningra,
pasowalen i kasafinawlan ko nika tadamaan no dmak Ningra.
4O tadamaanay ko Tapang,
saka, o tatadamaanen ko pipahmek i Cingraan,
o a ikaka no kalokawakawas ko nika o kakangodoan Cingra.
5Sahto o samiyay ko kawas no roma a kasakitakit,
nikawrira, o nisanga'an no Tapang ko kakarakarayan a ma^min.
6Ira i ka'ayaw Ningra ko sakatadamaan ato sakasneng,
matomes no 'icel ato makapahay ko Fangcalay a Kaitiraan Ningra.
7Kamo o kasafinawlan no hkal, o papahmeken ko Tapang,
pahmeken ko nika tadamaan ato nika ci'icel Ningra.
8Pahmeken ko nika tadamaan no ngangan no Tapang,
pihawikid to sapatafang a micomod to loma' Ningra.
9Pica'dong to fangcalay a saka^res a riko' a mihinokop a mita'ong
to Tapang,#96.9 Pica'dong to fangcalay a saka^res a riko' a mihinokop a mita'ong to Tapang, -- ano ^ca i, kapica'dong to safangcalay a riko' a mihinokop a mita'ong to Tapang.
Kamo o polong no hkal, kangodo a mamirmir i ka'ayaw Ningra.
10Pasowalen ko kasakitakit, <<O mikowanay ko Tapang!
O patanektekay to sra to saka^caaw ka ngiyangi,
o mo^celay ko pisawkit Ningra to kasafinawlan,>> han.
11Kamo o sra ato kakarayan, kahmek,
kamo o riyar ato i laloma'ay nira a ma'oripay a ma^min,
pilkal a mitahidang.
12Kamo o omah ato i laloma'ay nira a pinaloma, pilkal a lipahak,
itiya i, o mamilkal ko i laloma'ay no kilakilang a kilang a mahmek.
13Nawhani o tatayni ko Tapang a mikowan to tahaf no kakarayan,
o mo^cel ko sapikowan Ningra to hkal,
o so'lin ko sapidipot Ningra to kasafinawlan.
اکنون انتخاب شده:
'Olic 96: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019