'Olic 94
94
O Misawkitay to Tamdamdaw ko Kawas
1 Tapangaw, o citodongay Kiso a mico'ay a Kawas,
nanay patalahkalen Iso ko mo^celay a kter Iso.
2O misawkitay Kiso to polong no tamdamdaw,
nanay lomowadto Kiso a mico'ay to malata'angay a tamdaw.
3 Tapangaw, hakowaho ko romi'ad no tatiihay a tamdaw saw?
Tahacowa ko nika rihaked#94.3 rihaked -- ccay no rahker. nangra saw?
4Tahacowa ko nika lata'ang no tatiihay a tamdaw saw?
Tahacowa ko pipasneng nangra to raraw nangra saw?
5 Tapangaw, pa^kelen nangra ko finawlan Iso,
kari'angen nangra ko no Miso a tamdaw.
6Patayen nangra ko maponengay ato pakoyoc a tamdaw,
patayen nangra ko pacarcaray a maro' a lafang.
7Sowal sa cangra, <<Caay paka'araw ko Tapang,
caay piharateng ko Kawas no Israil,>> saan.
8Kamo o finawlan, nawiro sahatini sato ko nika fola namo saw?
Kamo o maapaay a tamdaw, tahacowa ta mafana' kamo saw?
9O nisanga'an no Kawas ko tangila ita i,
caay pakatngil Cingra haw?
O nisanga'an no Kawas ko mata ita i,
caay paka'araw Cingra haw?
10Cingra ko mikowanay to polong no kasakitakit i,
mafokil Cingra a mitfoc to tamdaw haw?
Cingra ko pasifana'ay to tamdamdaw i,
awaay ko fana' Ningra haw?
11Mafana' ko Tapang to faloco' no tamdaw,
mafana' Cingra to nika awa ko ^poc no niharatengan nangra.
12 Tapangaw, tada o malmeday ko nisalofan Iso a tamdaw
ato nipasifana'an Iso to rikec a tamdaw.
13Parihadayen Iso cingra i kapadesan ningra tangasa i katfadan no tatiihay a tamdaw i talolongay a rfong a matkop.
14Caay ko mamifalah ko Tapang to finawlan Ningra,
caay ko mamiliyas Cingra to tamdaw Ningra.
15O mamiliyaw a talahkal ko mo^celay i pisawkitan,
o mamidama ko polong no mo^celay a tamdaw to mo^celay.
16Cima ko papatado i takowanan a mico'ay to tatiihay a tamdaw?
Cima ko mamikapot i takowanan a pacoli to ciraraway a tamdaw?
17Ano awaay ko Tapang a mipadama i takowanan i,
kona i ti:ya aca kako a mapatay.
18Sowal han ako, <<Matolo'ay kako!>> han ako.
Nikawrira, Tapangaw, madama no sini'ada Iso kako.
19Yo adihay ko rawraw ato rarom no faloco' ako i,
mihinom Kiso i takowanan,
saka, malipahak kako.
20Caay pinaol Kiso to misakakinihay a mikowanay,
nawhani o rikec ko sapa'ading nangra to caay ka mo^cel a dmak.
21Masakapot cangra to sapikari'angaw to nga'ayay a tamdaw,
pasteken nangra i patay ko awaay ko raraw a tamdaw.
22Nikawrira, o pisitaraan ako ko Tapang,
o pilimkan ako ko 'ongcoy o Kawas ako.
23Tfocen Ningra ko tatiih nangra,
o nano raraw nangra ko sakatkop nangra,
o Tapang a Kawas ita ko mitkopay i cangraan.
اکنون انتخاب شده:
'Olic 94: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019