'Olic 81
81
O Sapisalisin a Radiw
O nitilidan ni Asaf a 'olic. Mapatorod i kakridan no paradiway.
1Pipasayra i midipotay i titaanan a Kawas a milkal,
pahmeken a romadiw ko Kawas ni Yakop.
2Karomadiw, pitampolin,
pasonien ko datok a midatok to makapahay a radiw.
3Misalisin kita a mahmek i sa'ayaway a romi'ad no fa^lohay a folad ato 'arawraw no folad,
pila^pa to wa'a no siri a mahmek a misalisin.
4Onini i, o nipalimo'otan no Kawas ni Yakop to malolkakawa no Israil.
5Yo malowidto Ningra ko Icip i,
itiya Cingra a pafli i tloc ni Yosif tonini a limo'ot.
Matngil ako ko kafahalan a ngiha' a somowal,
6<<^Poden Ako ko kartengay a 'inorong iso,
papitlien Ako kiso to matomesay to lingka a cinaw.
7Yo mapades kiso i, mitahidang kiso a milongoc i Takowanan,
saka, pa'oripen Ako kiso.
Nai laloma' no faliyos Kako a paca'of i tisowanan,
itira Kako i tatihi no Miripa a nemnem a milifet i tisowanan.
8Kamo o finawlan Ako, pitngil to limo'ot Ako,
Israilaw, mangalay Kako to pihaklong iso i Takowanan.
9Aka pitoor kiso to kawas no roma a finacadan,
aka pita'ong kiso to roma a kawas.
10O Tapang Kako, o Kawas iso,
o nikridan Ako kiso a pasadak nai Icip.
Ngatowa'en ko ngoyos iso, ta pafcolen Ako kiso.
11<<Nikawrira, caay pitngil ko finawlan Ako to sowal Ako,
caay pihaklong i Takowanan ko Israil.
12Orasaka, pakonira hanto Ako ko nika 'atkak no faloco' nangra,
pararid sato cangra a mido^do to maapaay a pinangan nangra.
13Tadamangalay Kako to pitngil no finawlan Ako to sowal Ako,
tadamangalay Kako to pihaklong nangra i Takowanan.
14O kakalamkam Kako a milowid to 'ada nangra,
o lalowiden Ako ko misa'adaay i cangraan a ma^min.
15O mi'intelay i Takowanan o Tapang a tamdaw i,
o mamipitosorto i ka'ayaw Ako,
o mamatfoc cangra a tahada'oc.
16Nikawrira, o papakaenen Ako kamo to sanga'ayay a ^mi,
o mamarnec kamo to ko^san no waneng no 'odal no pala,>> saan.
اکنون انتخاب شده:
'Olic 81: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019