'Olic 76
76
O Pakalowiday ko Tapang a Kawas
O 'olic ni Asaf, o ccay no radiw. Mapatorod i kakridan no paradiway.
1O kafana'an no tamdamdaw no Yuta ko Kawas,
o kangodoan no tamdamdaw no Israil ko ngangan Ningra.
2Ira i Yirusalim ko loma' Ningra,
ira i Cion a lotok ko kamaro'an Ningra.
3Itira Cingra a mipitek to pana' no 'ada,
pelpelen Ningra ko sapatada ato fonos ato masamaamaanay a sapilood a lalosidan nangra.
4Kawasaw, wata: ko nika tadamaan Iso,
o kasnengan ko pinokay Iso namilowid to 'ada i lotolotokan.
5Oya macodahay a 'ada a ma^min i,
ma'afasto ko ni'afasan nangra a dafong,
mapatayto cangra i matini,
awaayto ko 'icel nangra a pacoli.
6O Kawas ni Yakop, kapoi' han Iso cangra i,
mapatay a ma^min ko paka^faay a sofitay ato ^fa nangra.
7Kawasaw, o kangodoan o katalawan Kiso,
ano makter Kiso i, cima ko mama^deng a tomireng i ka'ayaw Iso saw?
8-9Nai kakarayan Kiso a pasowal to pisawkit Iso,
yo tomireng Kiso a misawkit a pa'orip to masamsamay a tamdaw i,
matalaw ko polong no hkal, trep sato.
10O kter no tamdaw i, o mamalasapahmekto i Tisowanan,
o fadoc a tamdaw i piloodan i, o mama'imerto to pisalisinan i Tisowanan a romi'ad.
11Lahcien ko niktonan namo a sowal a pafli i Tapang a Kawas namo,
kamo o i fiyaway a kitakit, pipacakat i Cingraan, kangodoen Cingra.
12Tfaden Ningra ko misatakaraway a wawa no hongti,
o katalawan no hongtingti i hkal Cingra.
اکنون انتخاب شده:
'Olic 76: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019