'Olic 47
47
O Satadamaanay a Mikowanay
O nitilidan no tloc no ngasaw ni Korah a 'olic. Mapatorod i kakridan no paradiway.
1Kamo o polong no finawlan, pipa^pa to kamay a pahmek.
Satata'angen ko ngiha' a romadiw a pahmek to Kawas.
2Kangodoen ko Isatakaraway a Tapang,
nawhani, o tadamaanay a hongti,
o mikowanay to polong no hkal Cingra.
3Cingra ko sapakalowid ita to kasafinawlan,
Cingra ko sakapikowan ita to kasakitakit.
4Pili'en Ningra ko saki titaanan a kamaro'an ita a sra,
to malokarahkeran ita a omah o kaolahan Ningra a finawlan.
5I pilkal no finawlan a mapakamaro' ko Kawas i tadamaanay a kamaro'an,
i pila^pa no finawlan to wa'a no siri a mapacakat ko Tapang i kamaro'an no hongti.
6Tata, radiwen ita a pahmek ko Kawas.
Tata, radiwen ita a pahmek ko hongti ita.
7O hongti no polong no hkal ko Kawas,
pa'olicen ita a romadiw a pahmek Cingra.
8Maro' ko Kawas i fangcalay a tadamaanay a kamaro'an,
malahongti Cingra a mikowan to kasakitakit.
9Malaccay a masa'opo ko kakridan no kasakitakit a malafinawlan no Kawas ni Apraham.
Mala no Kawasto ko polong no sapatada no sofitay no kasakitakit,
deng Cingra ko sakakaay i polong no maamaan.
اکنون انتخاب شده:
'Olic 47: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019