'Olic 43
43
O Pitolon no Mapaliwasakay a Tamdaw (2)
1Kawasaw, nanay pasteken Iso kako i awaay ko raraw,
pa'adingen kako a paliyas nai caay pitoor Tisowanan,
nanay pa'oripen Iso kako a paliyas nai misa'fitay tatiihay a tamdaw.
2O pa'adingay a Kawas ako Kiso,
nawiro falahen Iso kako saw?
Nawiro mararid kako a makari'ang, mapasemsem no 'ada?
3Nanay o so'lin ato likat Iso ko sapikrid i takowanan,
kriden kako a patayra i fangcalay a lotok Iso i Cion,
i kamaro'an Iso a Pita'ongan a loma'.
4Ta tayra kako i ka'ayaw no pipato'ayaan,
i ka'ayaw no pafliay i takowanan to mida'ocay a lipahak a Kawas.
Kawasaw, Kawas ako, o mamidatok kako a pahmek a romadiw i Tisowanan.
5Nawiro matini ko nika rarom ako?
Nawiro matini ko nika toled ako?
O sasafaloco'en ako ko Kawas, o laliyawen ako a pahmek Cingra,
o pa'oripay a Kawas ako Cingra.
اکنون انتخاب شده:
'Olic 43: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019