'Olic 26
26
O Pitolon no Mo^celay a Tamdaw
O 'olic ni Tafiti.
1 Tapangaw, nanay pasteken Iso kako i awaay ko raraw,
nawhani o mo^celay ko dmak ako,
masarocod ko faloco' ako a miti'er i Tisowanan.
2 Tapangaw, nanay hapinangen Iso kako, lifeten kako,
nanay hapinangen Iso ko faloco' ato harateng ako.
3Nawhani o caay ka falic a olah Iso ko mikriday i takowanan,
mararid a mikrid ko so'lin Iso i takowanan.#26.3 mararid a mikrid ko so'lin Iso i takowanan -- ano ^ca i, mararid kako a so'lin ko faloco' i Tisowanan.
4Caay pinaol kako to misamangahay a tamdaw,
caay pikapot kako to misakaniway a tamdaw.
5Ma'osi kako a mikapot to ciraraway a tamdaw,
miliyas kako to tatiihay a tamdaw.
6 Tapangaw, monanaw kako to kamay a pahapinang to nika awa no raraw ako, ta mitaliyok kako to pipato'ayaan a mita'ong i Tisowanan.
7Romadiw kako to sapikansiya a 'olic a radiw, pasowal kako to kafahka'an a nidmakan Iso a ma^min.
8 Tapangaw, maolah kako to kamaro'an Iso a loma',
maolah kako to nika ci'dil Iso itira.
9Nanay caay pahaklongen Iso kako to ciraraway a tamdaw a mitkop,
nanay caay pakapoten Iso kako to mari'angay a tamdaw a palasawad.
10Nawhani mararid cangra a midmak to tatiihay,
tayra cangra i cowacowa a miala to sapa'alofo.
11Nikawrira, kako to no mako i, o mo^celay ko dmak ako,
nanay kaadayayenho kako, pa'oripenho kako.
12Tomireng to kako i masadafdafay a pala,
Saka, o papahmek kako to Tapang i kasa'opoan no polong no finawlan.
اکنون انتخاب شده:
'Olic 26: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019