'Olic 24
24
O Tadamaanay a Hongti
O 'olic ni Tafiti.
1O hkal ato i laloma'ay nira i, o no Tapang a ma^min,
o sra ato i kafkangay nira i, o no Ningra a ma^min.
2Patirengen Ningra i riyar ko paranaan no sra,
pahceken Ningra i tarawadaw ko ta'enengan no sra.
3Cima ko mama^deng a macokacok i lotok no Tapang saw?
Cima ko mama^deng a micomod i Fangcalay Pita'ongan Ningra?
4Oya makoracay ko kamay, tingalaway ko faloco',
o caay pita'ong to samiyay, caay pisamangah a mikton to sowal a tamdaw.
5O papalmeden no Tapang ko matiniay a tamdaw,
awaay ko raraw iso wa han no pa'oripay i cingraan a Kawas cingra.
6Mahaenay ko nika lmed no mikilimay to Kawas a tamdaw,
oya tayraay i ka'ayaw no Kawas ni Yakop.
7Kamo o polong no 'adawang no niyaro', kafawah.
Kamo o nano to'as a fawahan, kafawah.
O mamicomod ko ma'dilay a hongti.
8Cima kora ma'dilay a hongti saw?
Oya ci'icelay ki^melay a Tapang Cingra,
o pakalowiday a milood a Tapang Cingra.
9Kamo o polong no 'adawang no niyaro', kafawah.
Kamo o nano to'as a fawahan, kafawah.
O mamicomod ko ma'dilay a hongti.
10Cima kora ma'dilay a hongti saw?
Ora ma'dilay a hongti i, o Tapang,
o mikomoday a Tapang no polong no sofitay Cingra.
اکنون انتخاب شده:
'Olic 24: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019