Marc 15
15
A.D. 33. —
1 Dwyn yr Iesu yn rhwym, a’i gyhuddo gerbron Peilat. 15 Wrth floedd y bobl gyffredin, gollwng Barabbas y llofrudd yn rhydd, a thraddodi yr Iesu i’w groeshoelio. 17 Ei goroni ef â drain, 19 poeri arno, a’i watwar. 21 Efe yn diffygio yn dwyn ei groes. 27 Ei grogi ef rhwng dau leidr. 29 Y mae yn dioddef difenwad yr Iddewon: 39 eto y canwriad yn cyffesu ei fod ef yn Fab Duw: 43 a Joseff yn ei gladdu ef yn barchedig.
1Ac #Salm 2:2; Mat 27:1; Luc 22:66; 23:1; Ioan 18:28yn y fan, y bore, yr ymgynghorodd yr archoffeiriaid gyda’r henuriaid a’r ysgrifenyddion, a’r holl gyngor: ac wedi iddynt rwymo’r Iesu, hwy a’i dygasant ef ymaith, ac a’i traddodasant at Peilat. 2A gofynnodd Peilat iddo, Ai ti yw Brenin yr Iddewon? Yntau a atebodd ac a ddywedodd wrtho, Yr wyt ti yn dywedyd. 3A’r archoffeiriaid a’i cyhuddasant ef #15:3 am lawer.o lawer o bethau: eithr nid atebodd efe ddim. 4#Mat 27:13A Pheilat drachefn a ofynnodd iddo, gan ddywedyd, Onid atebi di ddim? wele faint o bethau y maent yn eu tystiolaethu yn dy erbyn. 5Ond yr Iesu eto nid atebodd ddim; fel y rhyfeddodd Peilat. 6Ac #Mat 27:15; Luc 23:17; Ioan 18:39ar yr ŵyl honno y gollyngai efe yn rhydd iddynt un carcharor, yr hwn a ofynnent iddo. 7Ac yr oedd un a elwid Barabbas, yr hwn oedd yn rhwym gyda’i gyd‐derfysgwyr, y rhai yn y derfysg a wnaethent lofruddiaeth. 8A’r dyrfa gan grochlefain, a ddechreuodd ddeisyf arno wneuthur fel y gwnaethai bob amser iddynt. 9A Pheilat a atebodd iddynt, gan ddywedyd, A fynnwch chwi i mi ollwng yn rhydd i chwi Frenin yr Iddewon? 10(Canys efe a wyddai mai o genfigen y traddodasai’r archoffeiriaid ef.) 11#Act 3:14A’r archoffeiriaid a gynyrfasent y bobl, fel y gollyngai efe yn hytrach Barabbas yn rhydd iddynt. 12A Pheilat a atebodd ac a ddywedodd drachefn wrthynt, Beth gan hynny a fynnwch i mi ei wneuthur i’r hwn yr ydych yn ei alw Brenin yr Iddewon? 13A hwythau a lefasant drachefn, Croeshoelia ef. 14Yna Peilat a ddywedodd wrthynt, Ond pa ddrwg a wnaeth efe? A hwythau a lefasant fwyfwy, Croeshoelia ef.
15 #
Mat 27:26; Ioan 19:1 A Pheilat yn chwennych bodloni’r bobl, a ollyngodd yn rhydd iddynt Barabbas; a’r Iesu, wedi iddo ei fflangellu, a draddododd efe i’w groeshoelio. 16A’r milwyr a’i dygasant ef i fewn y llys, a elwir Pretorium: a hwy a alwasant ynghyd yr holl fyddin; 17Ac a’i gwisgasant ef â phorffor, ac a blethasant goron o ddrain, ac a’i dodasant am ei ben; 18Ac a ddechreuasant gyfarch iddo, Henffych well, Brenin yr Iddewon. 19A hwy a gurasant ei ben ef â chorsen, ac a boerasant arno, a chan ddodi eu gliniau i lawr, a’i haddolasant ef. 20Ac wedi iddynt ei watwar ef, hwy a ddiosgasant y porffor oddi amdano, ac a’i gwisgasant ef â’i ddillad ei hun, ac a’i dygasant allan i’w groeshoelio. 21A #Mat 27:32; Luc 23:26hwy a gymellasant un Simon o Cyrene, yr hwn oedd yn myned heibio, wrth ddyfod o’r wlad, sef tad Alexander a Rwffus, i ddwyn ei groes ef. 22#Luc 23:33; Ioan 19:17A hwy a’i harweiniasant ef i le a elwid Golgotha; yr hyn o’i gyfieithu yw, Lle’r benglog: 23Ac a roesant iddo i’w yfed win #15:23 cymysgedig â myrr.myrllyd: eithr efe nis cymerth. 24Ac wedi iddynt ei groeshoelio, #Salm 22:18; Ioan 19:23hwy a ranasant ei ddillad ef, gan fwrw coelbren arnynt, beth a gâi pob un. 25#Mat 27:45; Luc 23:44; Ioan 19:14A’r drydedd awr oedd hi; a hwy a’i croeshoeliasant ef. 26Ac #Mat 27:37; Ioan 19:19yr oedd ysgrifen ei achos ef wedi ei hargraffu, BRENIN YR IDDEWON. 27#Mat 27:38A hwy a groeshoeliasant gydag ef ddau leidr; un ar y llaw ddeau, ac un ar yr aswy iddo. 28A’r ysgrythur a gyflawnwyd, yr hon a ddywed, #Esa 53:12; Luc 22:37Ac efe a gyfrifwyd gyda’r rhai anwir. 29#Salm 22:7A’r rhai oedd yn myned heibio a’i cablasant ef, gan ysgwyd eu pennau, a dywedyd, Och, #Pen 14:58; Ioan 2:19tydi yr hwn wyt yn dinistrio’r deml, ac yn ei hadeiladu mewn tridiau, 30Gwared dy hun, a disgyn oddi ar y groes. 31Yr un ffunud yr archoffeiriaid hefyd yn gwatwar, a ddywedasant wrth ei gilydd, gyda’r ysgrifenyddion, Eraill a waredodd, ei hun nis gall ei wared. 32Disgynned Crist, Brenin yr Israel, yr awr hon oddi ar y groes, fel y gwelom, ac y credom. #Luc 23:39A’r rhai a groeshoeliesid gydag ef, a’i difenwasant ef. 33A #Mat 27:45; Luc 23:44phan ddaeth y chweched awr, y bu tywyllwch ar yr holl #15:33 dir.ddaear hyd y nawfed awr. 34Ac ar y nawfed awr y dolefodd yr Iesu â llef uchel, gan ddywedyd, #Salm 22:1; Mat 27:46Eloi, Eloi, lama sabachthani? yr hyn o’i gyfieithu yw, Fy Nuw, fy Nuw, paham y’m gadewaist? 35A rhai o’r rhai a safent gerllaw, pan glywsant, a ddywedasant, Wele, y mae efe yn galw ar Eleias. 36Ac #Ioan 19:29un a redodd, ac a lanwodd ysbwng yn llawn o finegr, ac #Salm 69:21a’i dododd ar gorsen, ac a’i diododd ef, gan ddywedyd, Peidiwch, edrychwn a ddaw Eleias i’w dynnu ef i lawr. 37#Mat 27:50; Ioan 19:30A’r Iesu a lefodd â llef uchel, ac a ymadawodd â’r ysbryd. 38#Mat 27:51; Luc 23:45A llen y deml a rwygwyd yn ddwy, oddi fyny hyd i waered. 39#Mat 27:54; Luc 23:47A phan welodd y canwriad, yr hwn oedd yn sefyll gerllaw gyferbyn ag ef, ddarfod iddo yn llefain felly ymado â’r ysbryd, efe a ddywedodd, Yn wir Mab Duw oedd y dyn hwn. 40#Mat 27:55Ac yr oedd hefyd wragedd yn edrych o hirbell: ymhlith y rhai yr oedd Mair Magdalen, a Mair mam Iago fychan a Jose, a Salome; 41Y rhai hefyd, pan oedd efe yng Ngalilea, #Luc 8:2, 3a’i dilynasant ef, ac a weiniasant iddo; a gwragedd eraill lawer, y rhai a ddaethent gydag ef i fyny i Jerwsalem.
42 #
Mat 27:57; Luc 23:50; Ioan 19:38 Pan ydoedd hi weithian yn hwyr, (am ei bod hi yn ddarpar‐ŵyl, sef y dydd cyn y Saboth,) 43Daeth Joseff o Arimathea, cynghorwr pendefigaidd, yr hwn oedd yntau #Luc 2:25, 38yn disgwyl am deyrnas Dduw, ac a aeth yn hy i mewn at Peilat, ac a ddeisyfodd gorff yr Iesu. 44A rhyfedd oedd gan Peilat o buasai efe farw eisoes: ac wedi iddo alw y canwriad ato, efe a ofynnodd iddo a oedd efe wedi marw ers meitin. 45A phan wybu gan y canwriad, efe a roddes y corff i Joseff. 46Ac efe a brynodd liain main, ac a’i tynnodd ef i lawr, ac a’i hamdôdd yn y lliain main, ac a’i dododd ef mewn bedd a naddasid o’r graig; ac a dreiglodd faen ar ddrws y bedd. 47A Mair Magdalen a Mair mam Jose a edrychasant pa le y dodid ef.
اکنون انتخاب شده:
Marc 15: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
