Luc 2
2
Y bumed Flwyddyn cyn y Cyfrif Cyffredin a elwir Anno Domini. —
1 Augustus yn trethu holl ymerodraeth Rhufain. 6 Genedigaeth Crist. 8 Angel yn ei fynegi i’r bugeiliaid; 13 a llawer yn canu moliant i Dduw amdano. 21 Enwaedu Crist. 22 Puredigaeth Mair. 28 Simeon ac Anna yn proffwydo am Grist: 40 ac yntau yn cynyddu mewn doethineb: 46 yn ymresymu â’r doctoriaid yn y deml, 51 ac yn ufudd i’w rieni.
1Bu hefyd yn y dyddiau hynny, fyned gorchymyn allan oddi wrth Augustus Cesar, i drethu’r holl fyd. 2(Y trethiad yma a wnaethpwyd gyntaf pan oedd Cyrenius yn rhaglaw ar Syria.) 3A phawb a aethant i’w trethu, bob un i’w ddinas ei hun. 4A Joseff hefyd a aeth i fyny o Galilea, o ddinas Nasareth, i Jwdea, i #Ioan 7:42ddinas Dafydd, yr hon a elwir Bethlehem (am ei fod o dŷ a thylwyth Dafydd), 5I’w drethu gyda Mair, yr hon a ddyweddiasid yn wraig iddo, yr hon oedd yn feichiog. 6A bu, tra oeddynt hwy yno, cyflawnwyd y dyddiau i esgor ohoni. 7#Mat 1:25A hi a esgorodd ar ei mab #2:7 y cyntaf‐anedig.cyntaf‐anedig, ac a’i rhwymodd ef mewn cadachau, ac a’i dododd ef yn y preseb; am nad oedd iddynt le yn y llety.
8Ac yr oedd yn y wlad honno fugeiliaid yn aros yn y maes, ac yn gwylied eu #2:8 diadellau.praidd liw nos. 9Ac wele, angel yr Arglwydd a safodd gerllaw iddynt, a gogoniant yr Arglwydd a ddisgleiriodd o’u hamgylch: ac ofni yn ddirfawr a wnaethant. 10A’r angel a ddywedodd wrthynt, Nac ofnwch: canys wele, yr wyf fi yn mynegi i chwi newyddion da o lawenydd mawr, yr hwn a fydd i’r holl bobl: 11Canys ganwyd i chwi heddiw Geidwad yn ninas Dafydd, yr hwn yw Crist yr Arglwydd. 12A hyn fydd arwydd i chwi; Chwi a gewch y dyn bach wedi ei rwymo mewn cadachau, a’i ddodi yn y preseb. 13Ac yn ddisymwth yr oedd gyda’r angel liaws o lu nefol, yn moliannu Duw, ac yn dywedyd, 14#Pen 19:38Gogoniant yn y goruchaf i Dduw, ac ar y ddaear #Esa 57:19; Eff 2:17tangnefedd, i ddynion ewyllys da. 15A bu, pan aeth yr angylion ymaith oddi wrthynt i’r nef, #2:15 Gr. y dynion y bugeiliaid.y bugeiliaid hwythau a ddywedasant wrth ei gilydd, Awn hyd Fethlehem, a gwelwn y peth hwn a wnaethpwyd, yr hwn a hysbysodd yr Arglwydd i ni. 16A hwy a ddaethant ar frys; ac a gawsant Mair a Joseff, a’r dyn bach yn gorwedd yn y preseb. 17A phan welsant, hwy a gyhoeddasant y gair a ddywedasid wrthynt am y bachgen hwn. 18A phawb a’r a’i clywsant, a ryfeddasant am y pethau a ddywedasid gan y bugeiliaid wrthynt. 19Eithr Mair a gadwodd y pethau hyn oll, gan eu hystyried yn ei chalon. 20A’r bugeiliaid a ddychwelsant, gan ogoneddu a moliannu Duw am yr holl bethau a glywsent ac a welsent, fel y dywedasid wrthynt.
21A #Gen 17:12; Lef 12:3phan gyflawnwyd wyth niwrnod i enwaedu ar y dyn bach, galwyd ei enw ef #Mat 1:21; Pen 1:31IESU, yr hwn a enwasid gan yr angel cyn ei ymddŵyn ef yn y groth. 22Ac wedi cyflawni #Lef 12:2, 3, 4, 6dyddiau ei phuredigaeth hi, yn ôl deddf Moses, hwy a’i dygasant ef i Jerwsalem, i’w gyflwyno i’r Arglwydd; 23(Fel yr ysgrifennwyd yn neddf yr Arglwydd, #Exod 13:2; 22:29; Num 3:13; 18:15Pob gwryw #2:23 yn agoryd y groth.cyntaf‐anedig a elwir yn sanctaidd i’r Arglwydd;) 24Ac i roddi aberth, yn ôl #Lef 12:2, 6, 8yr hyn a ddywedwyd yn neddf yr Arglwydd, Pâr o durturod, neu ddau gyw colomen. 25Ac wele, yr oedd gŵr yn Jerwsalem, a’i enw Simeon; a’r gŵr hwn oedd gyfiawn a duwiol, #Esa 40:1; Ad. 38yn disgwyl am ddiddanwch yr Israel: a’r Ysbryd Glân oedd arno. 26Ac yr oedd wedi ei hysbysu iddo gan yr Ysbryd Glân, na welai efe angau, cyn iddo weled Crist yr Arglwydd. 27Ac efe a ddaeth trwy’r ysbryd i’r deml: a phan ddug ei rieni y dyn bach Iesu, i wneuthur drosto yn ôl defod y gyfraith; 28Yna efe a’i cymerth ef yn ei freichiau, ac a fendithiodd Dduw, ac a ddywedodd, 29#Gen 46:30; Phil 1:23Yr awr hon, Arglwydd, y gollyngi dy was mewn tangnefedd, yn ôl dy air: 30Canys fy #Esa 52:10; Pen 3:6llygaid a welsant dy iachawdwriaeth, 31Yr hon a baratoaist gerbron wyneb yr holl bobloedd; 32#Esa 42:6; 49:6; Act 13:47; 28:28Goleuni i oleuo y Cenhedloedd, a gogoniant dy bobl Israel. 33Ac yr oedd Joseff a’i fam ef yn rhyfeddu am y pethau a ddywedwyd amdano ef. 34A Simeon a’u bendithiodd hwynt, ac a ddywedodd wrth Mair ei fam ef, Wele, hwn a osodwyd #Esa 8:14; Hos 14:9; Mat 21:44; Rhuf 9:32, 33; 1 Cor 1:23, 24; 2 Cor 2:16; 1 Pedr 2:7, 8yn gwymp ac yn gyfodiad i lawer yn Israel, ac #Act 28:22yn arwydd yr hwn y dywedir yn ei erbyn; 35(A #Ioan 19:25thrwy dy enaid di dy hun hefyd yr â cleddyf;) fel y datguddir meddyliau llawer o galonnau. 36Ac yr oedd Anna broffwydes, merch Phanwel, o lwyth Aser: hon oedd oedrannus iawn, ac a fuasai fyw gyda gŵr saith mlynedd o’i morwyndod; 37Ac a fuasai yn weddw ynghylch pedair a phedwar ugain mlynedd, yr hon nid âi allan o’r deml, ond gwasanaethu Duw mewn ymprydiau a gweddïau ddydd a nos. 38A hon hefyd yn yr awr honno, gan sefyll gerllaw, a foliannodd yr Arglwydd, ac a lefarodd amdano ef wrth y rhai oll #Marc 15:43; Ad. 25; Pen 24:21oedd yn disgwyl ymwared yn #2:38 Israel.Jerwsalem. 39Ac wedi iddynt orffen pob peth yn ôl deddf yr Arglwydd, hwy a ddychwelsant i Galilea, i’w dinas eu hun Nasareth. 40#Ad. 52; Pen 1:80A’r bachgen a gynyddodd, ac a gryfhaodd yn yr ysbryd, yn gyflawn o ddoethineb: a gras Duw oedd arno ef.
41A’i rieni ef a aent i Jerwsalem #Deut 16:1, 16bob blwyddyn ar ŵyl y pasg. 42A phan oedd efe yn ddeuddeng mlwydd oed, hwynt‐hwy a aethant i fyny i Jerwsalem yn ôl defod yr ŵyl. 43Ac wedi gorffen y dyddiau, a hwy yn dychwelyd, arhosodd y bachgen Iesu yn Jerwsalem; ac ni wyddai Joseff a’i fam ef: 44Eithr gan dybied ei fod ef yn y fintai, hwy a aethant daith diwrnod; ac a’i ceisiasant ef ymhlith eu cenedl a’u cydnabod. 45A phryd na chawsant ef, hwy a ddychwelsant i Jerwsalem, gan ei geisio ef. 46A bu, ar ôl tridiau, gael ohonynt hwy ef yn y deml, yn eistedd yng nghanol y doctoriaid, yn gwrando arnynt, ac yn eu holi hwynt. 47#Mat 7:28; Marc 1:22; Pen 4:22, 32 Ioan 7:15, 46A synnu a wnaeth ar bawb a’r a’i clywsant ef, oherwydd ei ddeall ef a’i atebion. 48A phan welsant ef, bu aruthr ganddynt. A’i fam a ddywedodd wrtho, Fy mab, paham y gwnaethost felly â ni? wele, dy dad a minnau yn ofidus a’th geisiasom di. 49Ac efe a ddywedodd wrthynt, Paham y ceisiech fi? oni wyddech fod yn rhaid i mi fod #Ioan 2:16ynghylch y pethau a berthyn i’m Tad? 50A #Pen 9:45; 18:34hwy ni ddeallasant y gair a ddywedasai efe wrthynt. 51Ac efe a aeth i waered gyda hwynt, ac a ddaeth i Nasareth, ac a fu ostyngedig iddynt. A’i fam ef a gadwodd yr holl eiriau hyn yn ei chalon. 52A’r Iesu #1 Sam 2:26; Ad. 40a gynyddodd mewn doethineb #2:52 ac oedran.a chorffolaeth, a ffafr gyda Duw a dynion.
اکنون انتخاب شده:
Luc 2: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
